1 Timoti 2:5 - Mewar Alqawarang

⁵ Jiwa Magham kaada, nduk kaada tu̱k ke nu̱ chingndi nu̱ chele ɓu̱ nduk ndu̱ Magham, nang ke khuski nang Masiya Yesu.

1 Timoti 2:5 ပူးပေါင်းရင်းမြစ်များ

Matta 1:1

Nang ke lagarkati dlu̱dlarsi zhikankirku ɓu̱ Yesu Masiya zhikan Dauda zhikan Yibram.

Matta 1:23

“Nggu̱t ma, ye wonkha ka ɓa shi ghu̱rɓan, tu̱ kha ye khusku, ka qa dlu̱man za Imanuwel” mban za, “Magham su̱yen ndu̱ chem.”

Luka 14:22

“Nu̱ maavyang a gaɓki tu̱ ze nu̱ rafti ɓaranang za, ‘Maasi, nga shi ba wa no zu̱ki ya, yang kap ndu̱ nang, ɓeena maarang nje nu̱ nyel ɓa.’

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Tlu̱nar ɓu̱ Pudeku 4:12

“Yang gwar ɗanar a nje nu̱ ku̱nshe njif nggur zum ɓa, ku̱me nu̱ vu̱r dlu̱m nggur ye njif nggur mbu̱ larji nang za nduk ka gwa ɗana nu̱ ku̱nshe nda shwat ɓa.”

Romeku 1:3

Yang Labar Mbarkandang a shikya ɓalar ɓu̱ Yi ɓaran Masiya Yesu Zhinerem gwaanji. Ye khar ɓaran nduku, mbu̱ manva a vi me sham ɓu̱ Dauda.

Romeku 10:12

Jiwa nu̱ shakh chele ɓu̱ Yakhudeku ndu̱ nduki nu̱ke ɗya Yakhudeku ɓa nu̱ gha ɓa. Zhinkir gwaanji nang, ke Zhinkir gwaanji ɓu̱ aaki, chin ke nu̱ vu̱r barke khangndi ye kap nduki nu̱ ka ghoki yenda.

1 Korintiyeku 8:4

Ɗyine ɓalar ɗye zu̱mndi nu̱ka vu̱rki ye mu̱lu̱mku nang, chem wa zu̱n nu ɗyine, mbu̱ larji nang kap, mu̱lu̱m ɗya aa nu̱m ɓa, chem wa zu̱n Magham kaada, yang Maghamndi nggur a nje tu̱k ɓa.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

Galatiyeku 3:20

Yang nduk ka gang nu̱ viri nu̱ tala, mbu̱ke ɓalarang a chele ɓu̱ nduki rap, yang Magham kaada.

Afiseku 4:6

Magham kaada, chin ke Zhin nduki kap. Chin kya ɗyin nduki kap, a tlu̱nar ɓaran nu̱ ku̱nshe nduki kap, yang a mbe aaki.

1 Timoti 6:13

Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

Yibraniyeku 12:24

Tun a ɓakya she Yesu nu̱ daasaki mewar alqawar chele ɓu̱ Magham ndu̱ nduki ɓaran, kom tu̱ batl tom nu̱ka shiki ɓalar mbarkandi tu̱ duk tom ɓu̱ Khabila.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

Yibraniyeku 8:6

Yang leendang wa vu̱r tlu̱nar kuru nu̱ dukki ɓaanda mbaari ye Yesu, ba nu̱ke alqawar nu̱ Yesu chingki nu̱ chele ɓu̱ Magham ndu̱ nduki. Alqawar taɗakandi nang wa duk mbaari ku̱me shir nda nu̱ ɗyine alqawar mbarkandi.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

1 Yokhana 2:1

Qusonggi ɓang nu̱ke nga ndolaran, nga bu̱lar nang ye nu ma ku̱ shi nu sola ɓa. Mbu̱ yang njif nggur wa shi sola, nu̱ shaatar a nje khaarem nu̱ke ka chingki yerem gume Zhinkirang, chin ke, Yesu Masiya, Nu̱ Dambyang.

Ɗyin mbu̱ tukari 1:13

Chele tokhol ɓaikwang tang na njif nggur nu̱ shipaki Yi ɓu̱ nduku ndu̱ lukti zururundi ve nda nu̱ khu̱lki ɗyin saaran, ndu̱ malai nu̱ ginarwe a nje gu̱ndan ve memu̱naran.