1 Timoti 2:1 - Mewar Alqawarang

¹ Gumapaali, nga pa du̱mbu̱r ye nu ma ku̱ shi nu, khuti ndu̱ barari, tun a barar ku̱me nduki ndu̱ kunar ye Magham ku̱me ɗyi nu̱ shiki ye aa nyi nduku.

1 Timoti 2:1 ပူးပေါင်းရင်းမြစ်များ

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Romeku 1:8

Gumapaali nga kuna Maghamndi ɓanga nu̱ ku̱nshe Yesu Masiya ku̱me tun kap, nu̱ke labar maito ɓaanu wa ɗu̱ aa fu̱n mbu̱ larji.

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.

2 Korintiyeku 8:6

Nar nang saki chem khuɗ Titus nyem za ku̱ zu̱m guma ndu̱ tlu̱nar tabar vu̱rti nu̱ke memu̱na nduki daki ye wor nang she nu tu̱k, ma nu̱ke chin nggaki san.

Afiseku 3:13

Ku̱me nang nga khutonu, ku̱ me bu̱nonu datl ku̱me bonye nu̱ke nga zaran ku̱me tun ɓa. Ai, bonye nu̱ke nga zaran nang ka kha ndu̱ zhaaji ye nu.

Afiseku 5:20

Tun ki kuna Magham Zhinki mbu̱ dlu̱m Zhinerem gwaanji Yesu Masiya aakochi mbu̱ anyi tunu.

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Filipiyeku 1:3

Nga ka kuna Magham mbu̱ nga kwaaronu aakochi.

Filipiyeku 4:6

Ku̱ damta nu ndu̱ aa nu̱m ɓa, mbu̱ aa nu̱m kap gho ma ye Magham mbe barar ndu̱ khuti, su̱yen ndu̱ kunari.

1 Tasalonikeku 3:12

Bu ku̱ Zhinkir gwaanji sa tun shaata tun boosa mbe ndolar yen ndu̱ ndolar nduki kap, ba wa nyem ndolaki nu.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

1 Timoti 5:5

Ku̱du̱w nokhzi nu̱ke nduk kha nda ɓa yang nu̱ shaata kha nda ɓa, ka sa memu̱naran ye Magham, a khuti nda ndu̱ bararku virkir ndu̱ fu̱ɗari ma ku̱ gwa nji shaatari.

2 Timoti 2:24

Ku̱ nu̱ tlu̱nar ɓu̱ Magham kha ma nu̱ keele ɓa, ku̱ kha ma nu̱ mbarkir ye aaki, ku̱ kha ma njif nu̱ke ka ɗu̱maki shoga ɓara, yang nu̱ zhangndi nduk ɓa.

Titus 2:11

Jiwa mu̱nkir ɓu̱ Magham nu̱ ɗanari a vi ye dalangi ma ɓar she nduki kap.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.

Yaqub 5:16

Ku̱me nang zu̱ma zop ɓaanu ye yen, tun ki barar ye yen, ma ku̱ shaana nu. Barar ɓu̱ nu̱ dambu wa ka shi tlu̱nar ndu̱ zalale maɗyi.