1 Timoti 1:9 - Mewar Alqawarang

⁹ Chem wa zu̱n tu̱k za nu̱ vu̱r bibitang ye nu̱ dambu ɓa. Yang vu̱r bibitang ye nu̱ zhar bibitiku ndu̱ nu̱ zhangndi tu̱kti maa ku, ndu̱ nduki nu̱ke nu̱ zu̱n Magham ku ɓa. Kom ndu̱ nu̱ solarku, ndu̱ nduki nu̱ke shakhshakh ɓa, ndu̱ nduki nu̱ zhangki mburi njiv ɓu̱ Magham gha. Vu̱r bibitang ye nu̱ tlaghar zhin nda ndu̱ man nda, ndu̱ nu̱ ɗakhti ɗyinku.

1 Timoti 1:9 ပူးပေါင်းရင်းမြစ်များ

Matta 10:21

“Khachinki ka vu̱r mu̱dlen ma ku̱ tlagha nda, tu̱ zhinki vu̱r woi ɓaran tu̱k, qusongga yang ka nggu̱ɗ nu̱ ve nduk kudaandiku ɓaanda, ka sa tu̱ tlagha wora.

Romeku 1:30

nu̱ khu̱ɓti nduki, nduki nu̱ zhangki Magham gha, nu̱ pu̱zi ku bam bam. Kom ndu̱ nu̱ gwaari ɗyin ku, nu̱ khamndi ɗyin wora, nu̱ shimndi mu̱na nduki, nu̱ zhangndi tu̱kti maari ku ye man wor ndu̱ zhin wora.

Romeku 4:13

Alqawar nu̱ shiki ye Yibram ndu̱ zhikankirku ɓaran nu̱ gana za ka zu̱m ɗye mbu̱ ge larji ku, Ai, shi nu̱ ku̱nshe Bibitang ɓa, shi alqawarang nu̱ ku̱nshe dambi nu̱ke nduk ka gwaki nu̱ ku̱nshe maito.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

Romeku 6:14

Ku̱ sola shi kwaaɗar ɗyine nu ɓa, nu̱ke tun a mbu̱ bu̱n Bibitang ɓa, tun a mbu̱ bu̱n mu̱nki.

Galatiyeku 3:19

Yang mbu̱ wanang nu̱m saki tu̱ ɗa ɓa ndu̱ Bibitang na? Shaata Bibitang nu̱ si ma ku̱ wut sola ye dalangi. A ɓa si ma ku̱ shi boote si ma ɓar sarchi nu̱ke pooni ɓu̱ Yibram nang ka ɗa ɓa ki, ku̱me shi alqawarang ku̱me chin. Yang wonji Bibiti nang, ɗya nu̱ ru̱kti ɓu̱ Magham vu̱rki, nu̱ ku̱nshe nu̱ somta.

Galatiyeku 5:18

Mbu̱ yang Jiimba kya mbu ndu̱ tunu, tun a mbu̱ bu̱n Bibitang ɓa.

Galatiyeku 5:21

ndu̱ zhiri, ndu̱ me kuyari, ndu̱ zar kuzhi bu ɗyin ndu̱ pooni ɗyiku nu̱ shipaki ɗyiku nang. Nga wuro nu, ba wa nang shiki ye nu gumang, nu̱ ɗyine pooni nduki nu̱ka shiki ɗyiku nang ɓu̱ vi nu̱ mbu̱ kwaaɗar ɓu̱ Magham ɓa.

Galatiyeku 5:23

ndu̱ katar ɗyin, ndu̱ ku̱si ɗyin. Ai, Bibitang nu̱ nggu̱tl ɗyiku nang ɓa.

2 Tasalonikeku 2:8

Kom ka ɓa wut kuji tonggu̱rong nang ye dalangi, yang ye fu̱ɗar gaɓti ɓu̱ Zhinerem gwaanji Yesu, ba khu̱kheeti mbu̱ men, ka tu̱pa nda ɓar ɗyin zhakhɗye kwaaɗar ɓaran. Du̱mbu̱r yarang ɓar ɓaran ka su̱ya nda nu̱ gha.

1 Timoti 4:7

Shi ɓakh ndu̱ shinjiku bamndi nu̱ke boota su̱ ɓa yang zu̱ndi Magham a nje mban ɓa. Me ɓu̱ nang to khutlo vaaro to kha ndu̱ pooni khar viti nu̱ke Magham a shimndan.

1 Timoti 6:20

Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

2 Timoti 2:16

To ɗa ɓalar bamndiku nu̱ wuti ndu̱mndi ye Magham, ku̱me nu̱ shiran ku wanang wa ka ɗu̱ ku ɓakh mbu̱ song sawar Magham.

2 Timoti 3:2

Ku̱me nduki ka kha ma nu̱ shimndi ɗyin vaanda, nu̱ ndolar mu̱zhindi ku, nu̱ wakhti ku, nu̱ gwaari ɗyin ku, nu̱ pu̱ziku bam bam. Nu̱ song tu̱kti man nda ndu̱ zhin nda, nu̱ song wuti kuna, nu̱ shimndi khar mbu̱ zop ku,

Titus 1:10

Nduki a nje khang nu̱ke nu̱ka mbu zu̱r ɓu̱ dlegumeku ɓa, nu̱ ɓalarku nu̱ke ɗyin su̱ ɓa, nu̱ lambar ku, nu̱ shi wa ɓeeni Yakhudeku nu̱ gangki vaanda nu̱ ɗyin ɓalar dlarsi ɓa.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Titus 1:6

Wa ku̱s ku̱ ndukkudaandi kha waare zop gume nduki, ku̱ kha ma nu̱ nokhzi kaada, ku̱ kha ma njif nu̱ke qusonggi ɓaran wa maita Yesu ku. Yang ku̱ kha ma qusonggi nu̱ke nduki nu̱ zu̱n wor ndu̱ ɗye shir malkandi ndu̱ zhangndi tu̱kti maa ɓa.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Yibraniyeku 11:31

Maito saki tu̱ man mu̱nggu̱l nu̱ka qaki nda za Rakhab ɗana, nu̱ mu̱t su̱yen ndu̱ nu̱ song maito ku nang ɓa, nu̱ke wa dlu̱ nu̱ nggu̱ti maa ku mbu̱ su̱nggaɗa wa ɗya raptan ku.

Yibraniyeku 12:16

Ku̱r ma vaanu mbari ma ku̱ aaki kha ma nu̱ zawa ɓa, yang ku̱ kha nu ndu̱ song sawar Magham wa Yisuwa nu̱ masaki ɗye mbu̱ ge gomir ɓaran ɓara ma ɗye zu̱mndi piti da ɓa.

1 Biturus 2:7

Ɗyen ɗya zhire she nu, tun nun dlaki vaanu nu̱ ve nda, ndogdi nang zhaaji si. Yang ɓu̱ nduki nu̱ zhangki maita nda gha, “Ndogdi ni nu̱ du̱ndikwang zhangki gha, wa kha ma ndogdi ngginggeetli nu̱ dukki ndu̱ boote.”

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

1 Biturus 4:18

Ba wa nu̱ke a nje bu̱laran za, “Mbu̱ yang nduki nu̱ dambu ka gwa ɗana var wor gu̱rgu̱r, ɓu̱ nduki nu̱ song dambu ndu̱ nu̱ solarku ɗa?”

Yakhuda 1:15

ka kuma aa nyi nduk da ka dla kumar ye nu̱ song mburi Magham. Kom ndu̱ kap tlu̱nar song mburi Magham nu̱ tlu̱naki ku ɗyin njiv song mburi Magham. Yang tu̱k ka kuma kap maatli ɓalarku nu̱ke nu̱ solar song mburi Magham ku zu̱ki nu̱ ɗyine nda.”

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.