1 Timoti 1:5 - Mewar Alqawarang

⁵ Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

1 Timoti 1:5 ပူးပေါင်းရင်းမြစ်များ

Matta 12:35

Nduk mbarkandi ka fedkya ɗyi mbarkandi mbu̱ du̱ngndi nu̱ke a nje mbe nda, yang nduk malkandi ka fedkya ɗyi malkandi mbu̱ du̱ngdi malkandi nu̱ke a nje mbe nda.

Matta 5:8

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

Tlu̱nar ɓu̱ Pudeku 15:9

Nu̱ shakh chele ɓaarem ndu̱ wor ɓa, ku̱me wa sa memu̱na wor tu̱ kha shakhshakh nu̱ ku̱nshe maitar Yesu nu̱ shiki ku.

Tlu̱nar ɓu̱ Pudeku 23:1

Tu̱ Bulus nggu̱t tabar dle gumekwang njang tu̱ zu̱ za, “Nyeezaku, ma ɓar meeni damta nje mbu̱ memu̱nara ɓa. Yang kwaari ɓang mbarkandi nu̱ wut ya za nga shi ɗyi galkandi nu̱ke ka viki nu̱ chele ɓang ndu̱ Magham ɓa.”

Tlu̱nar ɓu̱ Pudeku 24:16

Nang ke ɗyi nu̱ saki aakochi nga wute mbu̱ memu̱nara ku̱ kha nga mba rap rap ɓa yang damtar nggur nje chele ɓang ndu̱ Magham ndu̱ nduk ɓa.

Romeku 10:4

Masiya ke lauɗar su̱ Bibitang, ma ku̱ aaki nu̱ maitaki nda kha ma nu̱ dambu gume Magham.

Romeku 12:9

Bu ku̱ ndolar zhirekandi kha chele ɓaanu. Tun zhang ɗyi malkandi gha, tun khuɓ ɗyi mbarkandi maɗyi.

Romeku 14:15

Mbu̱ mu̱dlo wa ka su̱bu̱r memu̱naran ku̱me ɗye zu̱mndi nu̱ke ta zu̱mndan, nang wa wut nu̱ ɗyine no wut ndola yenda ɓa. Ku̱ ɗye zu̱mndi ɓaaro kha ma ɗye su̱yar mu̱dlo nu̱ Masiya mu̱tki ku̱me chin ɓa.

Romeku 9:1

Nga zu̱kya zhire mbe Masiya, nga shikya wollo ɓa. Mbu̱ kwaari nang shiki mbu̱ memu̱nara, nga zu̱n shwat ɗya kwatama ɓa ku̱me saidu nu̱ Jiimbi shakhshakhndi shiki ɗyine nang.

1 Korintiyeku 13:1

Aa ngga ɗu̱ma ɓalar ndu̱ me ghaiku ɓu̱ nduki ndu̱ ɓu̱ nu̱ ru̱ktiku ɓu̱ Magham, yang nga nu̱ ndola ɓa, nga shipakya gonggulong nu̱ke a quri, ndu̱ dlu̱rti nu̱ qur maɗyi.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

1 Timoti 1:18

Yi ɓanga, Timoti, nga zu̱ ɗyiku nang yor ku̱me ɗyiku nu̱ Magham zu̱ki nu̱ ɗyine ro ɗau fara. To ka shi wute mbarkandi maɗyi mbu̱ ta mbu ɗyiku nang zu̱ki yor nang,

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

1 Timoti 3:9

Wa ku̱s ku̱ khuɓ zhire du̱mbu̱rkandi na viki ye dalang mbu̱ maito nang ndu̱ konyi mbarkandi.

2 Timoti 1:3

Nga kuna Magham nu̱ke nga tlu̱nar yenda ndu̱ konyi mbarkandi ba wa nu̱ke zhikankir ku ɓang shiki. Nga ka kwaroro aakochi mbu̱ barar ɓanga.

2 Timoti 1:5

Wa kor maito ɓa zhirekandi ya, nang ke pooni maito ɓu̱ zhiko Loyis, ndu̱ mo Yunis, yang leendang nga zu̱n shwat a nje mbe ro.

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

Titus 1:15

Aa nu̱m shakhshakh she nduki nu̱ke memu̱na wor shakhshakh. Yang tun a nje shakhshakh she nduki nu̱ zop nu̱ke nu̱ maita ku ɓa, ku̱me memu̱na wor ndu̱ kwaari ɓaanda zopan.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 13:18

Shi ma barar yerem. Chem wa maita nu̱ ɗyine nu̱ memu̱narem wut za chem wa shi zop ɓa. Chem a shim ku̱ shi mi ɗyi mbarkandi mbe tlu̱nar ɓaarem kap.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

Yaqub 4:8

Kha ma bing ndu̱ Magham, Magham ka shi bing ndu̱ tunu. Tun nu̱ solar ku, tun kwaɗa ɗye shir ɓaanu tun kha wakaran. Tun nu̱ke memu̱nanu rap rap yang, shiɓ ma memu̱na nun gha

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 3:16

Wanang tu̱k, shi ma aa nu̱m aakochi ndu̱ memu̱nar zhirekandi ku̱me mbu̱ wa zu̱ ɗyi malkandi nu̱ ɗyine nu, nduki nu̱ zu̱kyang ka tu̱k kawa ku̱me ɗye shir mbarkandi ɓaanu mbe Masiya.

1 Biturus 3:21

Yang ɗyim nang a khar wa baptisme nu̱ka ɗanaki nu. Tun yang tun wa gwa ɗanar nu̱ ku̱nshe ɗyim baptismyang. Yang ɗanar nyem gwaki nang chem gwa ku̱me shiɓti ru̱gnar ɓar ve vaarem ɓa. Chem gwa ɗanarang ku̱me alqawar chele ɓaarem nu̱ Magham ndu̱ memu̱nar mbarkandi, kom ndu̱ jiiri ɓu̱ Yesu Masiya ɓar mbe mu̱ti.

1 Biturus 4:8

Guma ndu̱ aa nu̱m, ndola ma yen ndu̱ memu̱na nu da. Ku̱me ndola wa ka lu̱pa ɗyin zop khangndi.

2 Bitu̱rus 1:7

Nu̱ ɗyine sawar Magham tun shaata mbarkir ye yen. Ɗyine mbarkirang tun shaata ndola.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.