1 Timoti 1:16 - Mewar Alqawarang

¹⁶ Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

1 Timoti 1:16 ပူးပေါင်းရင်းမြစ်များ

Luka 15:10

Nga maataran ye nu, wanang tu̱k nu̱ ru̱ktiku ɓu̱ Magham a kashari ɗyine aa nyi nu̱ solar da nu̱ tubaki.”

Luka 23:43

Tu̱ Yesu tlogha yenda za, “Zhire, nga zu̱ran yoro, ba meeni nang, to ka khan su̱yen ndu̱ nga zhena.”

Luka 7:47

Ku̱me nang nga zu̱ran yoro, wa yaapa solar khangndi nu̱ shikya yenda, nang ke ɗyi nu̱ saki tu̱ wuɗ ndolar maɗyikandi.”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Yokhana 5:24

“Zhire nga zu̱ran ye nu, njif nu̱ka tu̱kki ɓalar ɓanga, tu̱ka maita njif nu̱ ɗa ru̱kki nga, wa gwa nyifi nu̱ke ɓu̱ shi woɗa ɓa. Ɓu̱ kuma nda ɓa, wa woɗa lawar me mu̱ti wa gwa nyifiri.

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 6:54

Kap njif nu̱ke a nji dlu vara, tu̱ ka za tom ɓang tu̱k, wa gwa nyifi nu̱ke ɓu̱ shi woɗa ɓa, ngga da nda nu̱ viɗi fu̱ɗar wuri.

Tlu̱nar ɓu̱ Pudeku 13:39

Yang ba nu̱ ku̱nshe nda tu̱k, aaki maitaki nda ka gwa dli ɗyin mbe solarku nu̱ wopar ɓu̱ Musa ku̱naki dli ɗyinonu ɓar mbanang.

Romeku 15:4

Jiwa kap ɗyi nu̱ bu̱laki zhu mbu̱ bu̱lar Ɓalar ɓu̱ Magham bu̱la ma shoga tun yerem. Ma ku̱ kha mi ndu̱ sar memu̱na mbe kaɗanyi, ndu̱ par du̱mbu̱r nu̱ke bu̱lar Ɓalar ɓu̱ Magham a vu̱rtan yerem ku̱me gwami sar memu̱na.

Romeku 6:23

Jiwa ɗye ɓi ɓu̱ sola chin ke mu̱ɗi, yang vu̱rti ɓu̱ Magham chin ke nyifi nu̱ke ɓu̱ shi woɗa ɓa, nu̱ ku̱nshe Masiya Yesu Zhinerem gwaanji.

1 Korintiyeku 7:25

Ɗyine ɓalar ɓu̱ wonkharku nu̱ke nu̱ shi ɓu̱rti ku ɓa, Zhinkir gwaanji nu̱ zu̱ tun ya ɗyinan ɓa, yang ɓala khara ye nar ɓanga nu̱ke tun wa maita nga mbe ɗaanar ɓu̱ Zhinkir gwaanji.

2 Korintiyeku 4:1

Nu̱ke ɗaanar ɓu̱ Magham saki tu̱ vu̱r tlu̱nar nang yerem, me bu̱nerem ɓu̱ datl ɓa.

Afiseku 1:12

Daaterem chem nyem nggaki su̱ sa memu̱narem ye Masiyang ma ku̱ shi mi khar khamndi zhaaji ɓu̱ Magham.

Afiseku 1:6

Shi wanang ma ku̱ kuna mi zhaaji ɓu̱ mu̱nkir ɓaran nu̱ vu̱rki yerem mu̱nki ndu̱ yele tu̱k nu̱ ku̱nshe Yi ɓaran nu̱ke a ndolaran.

Afiseku 2:7

Yang Magham shi nang ma ku̱ wut mu̱nkir ɓaran nu̱ke koɗokhsi ɓa ye aa nyi sarchi nu̱ke a ɓari. Wut mu̱nkir ɓaran nang, mbe Masiya Yesu.

2 Tasalonikeku 1:10

Ɗyiku nang kap ka ɗal ye sarchi gaɓti ɓaran, nduki shakhshakhndi ka na zhaaji ɓaran, yang nu̱ mbu Yesu ku kap ka shi lazham ku ye fu̱ɗaran su̱yen ndu̱ tunu, nu̱ke tun wa maita saidu nyem shiki.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

2 Bitu̱rus 3:15

Kor ma nu̱ ɗyine ɗyi nu̱ saki tu̱ Zhinkir gwaanji ki kaɗanyi chin ke a shim ku̱ nduki gwa ɗanari. Ba wa nu̱ Bulus mu̱dlerem nu̱ke chem a ndolaran bu̱laki ye nu wa nu̱ Magham vu̱rki kaɗari ni yenda.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.