1 Timoti 1:15 - Mewar Alqawarang

¹⁵ Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

1 Timoti 1:15 ပူးပေါင်းရင်းမြစ်များ

Matta 1:21

Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 18:11

[Ku̱me Yi ɓu̱ Nduk a ɓa ma ɗana nduki nu̱ saghaki.]

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 9:13

Ɗu̱ ma tun a nggu̱t mbu̱ ɗyi nu̱ke ɓalar na a zu̱ran, ‘Nga gang sadka kha nu ɓa, nga shimkya nar zhiyaye.’ Ku̱me na nga ɓa ma qa nu̱ jeembu ku ɓa, nga ɓa ku̱me nu̱ solarku.”

Markus 2:17

Nu̱ Yesu tu̱kki ɓalar nu̱ shiki kwang, tu̱ tlogha ye wor a za, “Njif nu̱ke varan mu̱ni nu̱ka laɓ nu̱ kuzhi ɓa, yang njif nu̱ke khaatan ka laɓki nu̱ kuzhi. Yang ngaa ɓakya ma qa nu̱ jeembu ku ɓa, ngaa ɓakya ma qa nu̱ solarku ma ku̱ nggoɗ ku̱ tu̱ njig solarku ɓaanda.”

Luka 15:2

Yang tu̱ Parisekwang su̱yen ndu̱ Maalu̱m Taurete ku, tu̱ ku̱s ba ruru mbu̱ memu̱na wor za, “Nggu̱t njif nang wa gonta ɗyinan ndu̱ nu̱ solar ku kap ndu̱ zu̱mndi ɗye zu̱mndi ndu̱ wora.”

Luka 19:10

Jiwa wonji Yi ɓu̱ Nduk a ɓa ma laɓ nji nduki nu̱ saghaki, ku̱ ɗana wora.”

Luka 5:32

Na nga ɓa ma qa nu̱ jeembu ɓa, nga ɓa ku̱me nu̱ solarku, ku̱ nggoɗi, ku̱ njig solarku ɓaanda.”

Yokhana 1:12

Yang koɗokh me nduki nu̱ dlu̱ki nda, tu̱ maita dlu̱man, wa vu̱r zalale ye wor ma ku̱ kha ma qusonggi ɓu̱ Magham.

Yokhana 1:29

Vi dumaaran, tu̱ Yokhana na Yesu a ɓar she nda. Tu̱ Yokhana zu̱ za, “Nggu̱t ma! Wonji Ye gamndi ɓu̱ Magham nu̱ kya da solar ɓu̱ larji ɓara.

Yokhana 12:47

“Kap njif nu̱ tu̱kki shogar ɓanga, yang nu̱ khutlo ɓa, nga kya ma kuma nda ɓa. Ku̱me na nga ɓa ma kuma larji ɓa, nga ɓakya ma ɗana larji.

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Tlu̱nar ɓu̱ Pudeku 11:1

Tu̱ pudeku ndu̱ ɓeeni nu̱ mbu Yesu ku nu̱ke a nje aa fu̱n mbu̱ dlar ghai Yakhudiya tu̱k za nduki nu̱ke ɗya Yakhudeku ɓa wa dlu̱ ɓalar ɓu̱ Magham.

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 3:26

Nu̱ Magham datki maavi ɓaran, tu̱ ru̱kti nda nu̱ she nu gumapaali ma ku̱ sa barke ye nu, tu̱ ɗa da nu ɓar mbe ɗye shir malkandi.”

Romeku 11:14

nga sa memu̱nara, shir wanang ka sa nduki ɓang Yakhudeku tu̱ shi zhiri, tu̱ sa ɓeenanku ku̱ gwa ɗanari.

Romeku 5:6

Jiwa ba ye sarchi nu̱ khaki torop, mbu̱ sarchi nu̱ke chem ku̱naki shaata vaarem, tu̱ Masiya mu̱t ku̱me chem, chem nu̱ke ɗye shir ɓaarem nu̱ kha torop ndu̱ shimndi ɓu̱ Magham ɓa.

1 Korintiyeku 15:9

Nga ke kataran kap chele pudeku ɓu̱ Yesu, nang khu̱l ku̱ qa nga pude ɓu̱ Yesu ɓa, ku̱me nga vu̱r bonye ye tabar ɓu̱ nu̱ mbu Magham.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Timoti 1:19

to khuɓ maito ɓaaro ndu̱ konyi mbarkandi. Ɓeeni nduki wa nggu̱ɗ ku mbe maito ɓaanda ku̱me wa zhang ɗyi nu̱ konyi ɓaanda zu̱ki ye wora.

1 Timoti 3:1

Ɓalar nang ɗya ndooga shwat: kap njif nu̱ shimki ku̱ kha nji ma dle guma a shimkya ɗyi nu̱ke zhaaji si maɗyi.

1 Timoti 4:9

Ɓalar nang ɗya ndooga shwat: wa ku̱s ku̱ nduk dlu̱ri nda guma da.

1 Timoti 6:13

Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

2 Timoti 2:11

Balar nang ɗya zhire shwat, nu̱ zu̱ki za, Mbu̱ chem wa mu̱t su̱yen ndu̱ chin, chem ka kha ndu̱ nyifiri su̱yen ndu̱ chin,

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 7:25

Ku̱me nang ka ɗu̱ma ɗana nduki nu̱ ɗa ɓa ki she Magham nu̱ ku̱nshe nda aakochi, ku̱me a nje ndu̱ nyifiri laada su̱ ɓa, a zu̱m guma ndu̱ khuti Magham ku̱me wora.

1 Yokhana 3:5

Tun wa zu̱n nu̱ ɗyine Yesu a ɓa ma ku̱ da nji solarku ɓaarem ɓara, yang sola nje mbe nda ɓa.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

1 Yokhana 5:11

Yang nang ke saidwang: Magham wa vu̱r nyifi yerem nu̱ke nu̱ka shi woɗa ɓa, yang nyifi nang a mbe Yi ɓaran.

Ɗyin mbu̱ tukari 21:5

Tu̱ njif nu̱ke a nje kharan ɗyine zhakhɗye nang zu̱ za, “Nggu̱ɗu, nga gaɓti ndu̱ aa nu̱m ku̱ kha mewa!” Tu̱ zu̱ ya tu̱k za, “Bu̱lo nang nu̱ gha, ku̱me nang ɗya ɓalar zhirekandi, yang bai bai su̱ ɓa.”

Ɗyin mbu̱ tukari 22:6

Tu̱ nu̱ ru̱ktang zu̱ ya za, “Ɓalar nang ɗya zhire, ɗyen wanang shwat. Zhinkir gwaanji Maghamndi ɓu̱ Jiimbiku ɓu̱ annabiku, a ru̱kki ndu̱ nu̱ ru̱kti ɓaran sha ma ku̱ wut ɗyi nu̱ke a ma ɗaatli ɓu̱ shoɓ ɓa ye maaviku ɓaran.”

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.