Ma ku̱ aaki vu̱r gorkir ye Woyang, ba wa nu̱ka vu̱rki gorkir ye Zhinkirang ku. Kap njif nu̱ke nu̱ vu̱r gorkir ye woyang ɓa, nu̱ vu̱r gorkir ye Zhin nu̱ ɗa ru̱kki nda ɓa.”
Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.
Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.
Ki ke Apolos ɗo? Ki ke Bulusang na? Ai chem ɗya ba nu̱ tlu̱narku ɓu̱ Magham, nun maitaki Labar Mbarkandang nu̱ ku̱nshe rem, aaki chele ɓaarem shikya ɗyi nu̱ Zhinerem gwaanji vu̱rki yenda ɓa goma?
Ɗyine ɓalar ɓu̱ wonkharku nu̱ke nu̱ shi ɓu̱rti ku ɓa, Zhinkir gwaanji nu̱ zu̱ tun ya ɗyinan ɓa, yang ɓala khara ye nar ɓanga nu̱ke tun wa maita nga mbe ɗaanar ɓu̱ Zhinkir gwaanji.
Magham datki nga ku̱ kha nga ma maavi ɓu̱ tabar ɓu̱ nu̱ mbu Yesu, yang vu̱r tlu̱nar nang ya ma ku̱ shaata nga nu, tang shi waazu ɓalar ɓu̱ Magham ye nu nyeedlan.
Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.
Ma yir she Titus, woi ɓanga zhirekandi mbe maito nu̱ke a kha rem kap. Mu̱nkir ndu̱ qaandi memu̱nar na viki she Magham Zhinki, ndu̱ Masiya Yesu Nu̱ Ɗanar rem ku̱ kha gha su̱yen ndu̱ to.