1 Tasalonikeku 5:9 - Mewar Alqawarang

⁹ Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

1 Tasalonikeku 5:9 ပူးပေါင်းရင်းမြစ်များ

Matta 26:24

Yi ɓu̱ Nduk ka mu̱ɗ ba wa nu̱ bu̱laki ɗyine nda. Yang njif nu̱ke a ma vu̱r Yi ɓu̱ Nduk ɓarang ɗya ɗye zhiyaye! Ka duk yenda tu̱ga nu̱ kha nda ɓa.”

Tlu̱nar ɓu̱ Pudeku 1:20

Tu̱ Biturus zu̱m guma ndu̱ ɓalarang za, “Jiwa a nje bu̱laran mbu̱ lagarkati Zabura za, ‘Ku̱ rafti ɓaran kha karangan, ku̱ aaki khan mban ɓa.’ “Wa gaɓ tu̱ zu̱ tu̱k za, ‘Ku̱ njif nggur dlu̱ me tlu̱nar ɓaranang.’

Tlu̱nar ɓu̱ Pudeku 1:25

ma ku̱ dlu̱ me tlu̱nar pude nu̱ Yakhuda njigki tu̱ ɗu̱ varan ye maa nu̱ shipaki nda.”

Tlu̱nar ɓu̱ Pudeku 13:48

Nu̱ nduki nu̱ke ɗya Yakhudeku ɓa tu̱kki wanang, tu̱ kasha ku maɗyi, tu̱ vu̱r zhaaji ye ɓalar ɓu̱ Magham tu̱ nduki nu̱ datki wora ma gwa nyifi nu̱ke ɓu̱ shi woɗa ɓa ndang maita ku.

Romeku 11:30

Ba wa nu̱ke tun nu̱ke ɗya Yakhudeku ɓa, tun wa zhang mbu su̱qura Magham gha, yang leendang wa ɗaana nu ku̱me zhangndi mburi su̱qur ɓaanda.

Romeku 11:7

Yang kim ɗo? Israila wa ku̱na gwa ɗyi nu̱ke a laɓtan ku maɗyang, yang nduki koɗomma nu̱ datki chele ɓaanda gwaki ku. Tu̱ ɓeena ndukyang kha ma nu̱ kaaku̱ɗakh ɗyin ku.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 3:3

ma ku̱ bonye nang sa njif nggur tu̱ kha damtaran ɓa. Ai, tun ndu̱ ɗyinonu tun wa zu̱n za nang ke ɗyi nu̱ saki tu̱ daasa remi ye wora.

1 Timoti 1:13

Aa nu̱ke ɗau fara nga nu̱ ndu̱mndi Magham, ndu̱ wuti bonye ndu̱ vu̱rti takashi ye nu̱ mburi nda ku. Yang kap ndu̱ nang tu̱ na zhiyaye ɓanga ku̱me nga shi ɗyiku nang mbu̱ song zu̱ni ndu̱ song maito.

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

1 Biturus 2:10

Ɗau fara, tun ndukiku nu̱ke zhaaji ve nu ɓa, yang leendang tun nduki ɓu̱ Magham. Ɗau fara nun gwa ɗaanar ɓu̱ Magham ɓa, yang leendang tun wa gwa.

1 Biturus 2:8

Yang a nje bu̱laran tu̱k za, “Ɗya ndogdi ji sar, ɗya ndogdi nu̱ka ɓa ki ndu̱ nggu̱di ɓu̱ nduk tu̱k!” Nduki ji saari worang ku̱me wa zhang mbu ɓalar ɓu̱ Magham gha. Yang daasa ye wor ma wanang.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.