1 Tasalonikeku 5:6 - Mewar Alqawarang

⁶ Ku̱me nang shi mi ɗyenir wa nu̱ke ɓeenanku a san ɓa, yang ku̱ shi mi khar ɓaarem daasaran mbe khar ku̱si ɗyin.

1 Tasalonikeku 5:6 ပူးပေါင်းရင်းမြစ်များ

Matta 13:25

Sarchi nu̱ke aaki a ɗyeni, tu̱ nu̱ zhangndi ɓaran ɗu̱ tu̱ ɗa kap gululu yenda nu̱ mbu̱ dam alkamyang, tu̱ ɗu̱ varan.

Matta 24:42

“Ku̱me nang, tun kha daasaran, ku̱me nun zu̱n fu̱ɗar nu̱ke Zhinonu gwaanji kaɗa ɓa ki ɓa.

Matta 25:13

“Ku̱me nang tun kha daasaran, ma nu̱ke nun zu̱n fu̱ɗaran ɓa yang sarchi ni ɓa.

Matta 25:5

Nu̱ke nu̱ zhin ɓu̱rtang na ɓa ɗau ɓa, tu̱ wonkharkwang kap ki yinggu̱s yinggu̱s tu̱ zhi ɗyenir ku.

Matta 26:38

Tu̱ yang ze wor za, “Su̱bu̱rti mbi nu̱ke a mbu̱ nyifi ɓanga ka ɗu̱ma tlagha nga. Kha ma gha fan, tun shi buuri su̱yen ndu̱ nga.”

Markus 13:37

Ɗyi nu̱ke ngaa zu̱ran ye nu nang, nga zu̱kya ye aaki, daasa ma vaanu nu̱ gha!

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 12:39

Yang zu̱n ma mbu̱ke nu̱ rafa wa zu̱n za nu̱ muuru a ɓari, tu̱ga ka kha daasaran.

Luka 21:36

Tun kha daasaran ɗo, tun a barar aakochi ku̱me gwa nu du̱mbu̱r lawar mbe ɗyiku nu̱ke a ma shir nang, tun ɗu̱ma chingndi gha gume Yi ɓu̱ Nduk tu̱k.”

Luka 22:46

Tu̱ Yesu zham wor za, “Tun a ɗyenir nu̱ma, ji ma nu̱ viɗi tun shi barari ku̱me nggu̱ɗ nu nu̱ mbu̱ buuri ɓa.”

Tlu̱nar ɓu̱ Pudeku 20:31

Ku̱me nang kha ma daasaran! Kor ma nu̱ke me sonyi kunung nu̱ peetaki nang laada dut dlu̱mndi aaki chele ɓaanu virkir ndu̱ fu̱ɗar ɓa, nga shi ye nu ndu̱ ɗyim ghoori.

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

1 Korintiyeku 16:13

Kha ma daasaran, tun ching gha shaanggu̱ɗang mbu̱ maito ɓaanu, tun kha wang, ndu̱ du̱mbu̱r tu̱k.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Afiseku 5:14

ku̱me yarang ke nu̱ wut tun ye dalangi. Nang ke ɗyi nu̱ saki tu̱ zu̱ za, “Ju, to nu̱ke ta ɗyeniri! Ju ɓar mbe mu̱ti! Masiya ka vu̱r yarang yoro.”

Afiseku 6:18

Tun ki barar mbe zalale ɓu̱ Jiimba aa nyi sarchi, ndu̱ aa nyi pooni bararku ndu̱ khutiku, kha ma daasaran aakochi tun zu̱m guma ndu̱ barari ye nduki ɓu̱ Magham.

Filipiyeku 4:5

Kha ma ndu̱ ɗu̱bar memu̱na ye aaki. Zhinerem gwaanji wa shi bing ɓari.

Kolosiyeku 4:2

Ching ma nu̱ ɗyine barari, tun kha vaanu buran, tun a wut kunar ɓaanu ye Magham.

1 Tasalonikeku 4:13

Yang nyeezaku, nang shim ku̱ kha nu waare zu̱ndi ɗyine nduki nu̱ zhiki ɗyenir ɓa, ku̱ memu̱na nu su̱bu̱r ku̱me wa mu̱t ku ɓa wa nduki nu̱ke ɗye sar memu̱na nje kha wor ɓa nda ɓa.

1 Tasalonikeku 5:10

Wa mu̱t ku̱me chemi, ku̱me aa chem a nje ndu̱ nyifiri, aa chem wa zhi ɗyeniri, chem kha nu̱ su̱yen ndu̱ chin.

1 Tasalonikeku 5:8

Yang nu̱ke ɓaarem chem ɓu̱ fu̱ɗa, shi mi khar ku̱si ɗyin, chem sa lukti vi nu̱ maito ndu̱ ndolari. Tu̱ sar memu̱nar gwar ɗanari kha ma jere vi ɓaarem.

1 Timoti 2:15

Yang kap ndu̱ nang ka ɗana nusuku nu̱ ku̱nshe khar qusongga, mbu̱ wa zu̱m guma mbu̱ maito ndu̱ ndola ndu̱ khar shakhshakhndi, ndu̱ ku̱si ɗyin.

1 Timoti 2:9

Wanang tu̱k, nga shim ku̱ nusuku shi viri nu̱ shipaki, tu̱ sa ɗye sarku nu̱ shipaki, ku̱ shi khang sar ɗyiku ye dlebtiku ɓa, ndu̱ sar ɗye ginarwe, ndu̱ ndogdiku nu̱ zhaaji, ndu̱ ɗye sarku nu̱ me mu̱zhindi ɓa.

1 Timoti 3:11

Ku̱ nusuki ɓaanda tu̱k kha ndu̱ zhaaji, ku̱ kha ma nu̱ gu̱ndi virki ku ɓa, ku̱ ku̱s vaanda tu̱ shi zhire mbe ɗyi nu̱ke a shiran ku kap.

1 Timoti 3:2

Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.

2 Timoti 4:5

Yang to, ku̱s vaaro mbe aa nyi tunu, to gu̱n memu̱na ro mbe bonye, to shi tlu̱nar ɓu̱ nu̱ wopar Labar mbarkandi, to nyel tlu̱nar ɓaaro ye khar ɓa ma maavi ɓu̱ Magham.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Titus 2:6

Wanang tu̱k to pa du̱mbu̱r ye nyakhtlirku ku̱ kha ma nu̱ ku̱si ɗyin ku.

1 Biturus 1:13

Ku̱me nang tun daasa memu̱na nu ma tlu̱nari, tun ku̱s vaanu yeyen, tun sa memu̱na nun ve mu̱nkir nu̱ke a ma vu̱rtan ye nu ye fu̱ɗar nu̱ke Yesu Masiya ka ɗa gaɓki.

1 Biturus 4:7

Lauɗarsi aa nu̱m wa shi bing. Ku̱me nang shi ma nggu̱ti mbari, tun ku̱r vaanu. Ku̱me ku̱ ɗu̱ma nu tun shi barari.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

Ɗyin mbu̱ tukari 16:15

“Wonji, nga ɓar wa nu̱ muuri! Barkya ve njif nu̱ khaaki daasaran nu̱ ɗye sarku ɓaran khanda, ma ku̱ shi nji yir san nggaran chin tu̱k kawa chele ndukiku ɓa!”

Ɗyin mbu̱ tukari 3:2

Ju nu̱ viɗi! To pa du̱mbu̱r ye ɓeena ɗyiku nu̱ke a nje yang wa shi bing mu̱ti, ku̱me nang gwa ɗye shirku ɓaaro nyeedlan gume Maghamndi ɓang ɓa.