1 Tasalonikeku 5:23 - Mewar Alqawarang

²³ Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

1 Tasalonikeku 5:23 ပူးပေါင်းရင်းမြစ်များ

Luka 1:46

Tu̱ Maryam tlogha za, “Ngaa gor dlu̱m Magham mbu̱ memu̱nara,

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 15:33

Ku̱ Magham nu̱ vu̱rti qaandi memu̱na kha gha su̱yen ndu̱ tun kap. Amin.

Romeku 15:5

Bu ku̱ Magham nu̱ka vu̱rki sar memu̱na mbe kaɗanyi ndu̱ par du̱mbu̱r sa tun dlu̱ yen sarchi nu̱ke tun a da ɗyin saari Masiya Yesu.

Romeku 16:20

Magham nu̱ vu̱rti qaandi memu̱na, ɓu̱ shoɓ ɓa ka takhsha Sheɗan nu̱ mbu̱ saran. Ku̱ mu̱nkir ɓu̱ Zhinerem gwaanji Yesu khan su̱yen ndu̱ tunu.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 1:30

Magham saki ku̱ khanu nu̱ mbe Masiya Yesu, chin saki tu̱ Masiya kha chin ke kaɗari ɓaarem. Chem gwa dlu̱r she Magham, chem kha ma nduki ɓaran wakakandi chem lawa me khar maavi ɓu̱ sola nu̱ ku̱nshe nda.

1 Korintiyeku 14:33

Maghamndi ɓaarem ɗya nu̱ rokhdla ɓa, ɗya nu̱ ɓar ndu̱ qaandi memu̱na. Wa nu̱ke a nje mbu̱ tabar ɓu̱ nu̱ mbu Yesu ku kap.

2 Korintiyeku 5:19

Nu̱ ɗyine Magham a somta chele ɓaarem ndu̱ nduki nu̱ mbu̱ larji nang nu̱ ku̱nshe Masiya. Nu̱ka shiga su̱ solar ɓaanda wa ɗya kudum nu̱ke a ɗyine wor ɓa. Magham wa vu̱r ɓalar somtar yerem.

Filipiyeku 1:10

Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

Filipiyeku 4:9

Shi ma boote ndu̱ ɗyi nun shogaki tun dlu̱ ye vaanu ndu̱ ɗyi nun tu̱kki, ɗyi nun naki mbya. Shir wanang ka sa tu̱ Magham nu̱ vu̱rti qaandi memu̱na kha gha su̱yen ndu̱ tunu.

Kolosiyeku 1:22

Nu̱ ku̱nshe mu̱ti ɓu̱ Masiya mbu̱ man var nang Magham wa somta nu ye varan, ma ku̱ ɗa ɓa nu̱ tun gume nda, shibtan shakhshakh waare zop.

1 Tasalonikeku 2:19

Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

1 Tasalonikeku 3:11

Bu ku̱ Maghamndi ɓaarem ndu̱ Zhinerem nu̱ vaaran, ndu̱ Zhinerem gwaanji Yesu, daasa njiv ɓar ɓaarem she nu yerem.

1 Tasalonikeku 3:13

Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 4:3

Nang ke shimndi ɓu̱ Magham, tun kha shibtan, tun shakh ɗyinonu ndu̱ ɗye su̱bu̱rti vaanu.

1 Tasalonikeku 5:22

Shakh ma ɗyinonu ndu̱ aa nyi ɗyi malkandi.

2 Tasalonikeku 3:16

Bu ku̱ Zhinkir gwaanji nu̱ qaandi memu̱na, vu̱r qaandi memu̱nar ye nu ndu̱ varan aakochi, mbu̱ aa nyi tunu. Ku̱ Zhinkir gwaanji kha gha su̱yen ndu̱ tun kap.

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 2:11

Jiwa chin nu̱ saki nduki tu̱ kha shakhshakh, ndu̱ wor nu̱ khaki shakhshakhang, zhin wor da. Nang ke ɗyi nu̱ saki Yesu nu̱ka tu̱k kawar zu̱ran za ɗya nyeezanku ɓa.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

Yaqub 1:4

Yang njig ma ku̱ kanaɗyi ɓaanu shi tlu̱nar ɓaran, tu̱ sa nu tun kha ɗyinonu ku̱san tun kha nyeedlan tu̱k nun mbu̱ɗ aa nu̱m ɓa.

1 Biturus 1:2

Tun ke nduki nu̱ Magham Zhinki datki nu wa nu̱ daasaki, tu̱ gaɓ ndu̱ tun konggol nu̱ ku̱nshe wakar nu̱ Jiimbi shakhshakhndi shiki ye nu. Ɗya shimndi ɓaran ku̱ mbu nu zu̱r ɓu̱ Yesu Masiya, tun gwa boote ni nu̱ Ku̱nshe baatli tom ɓaran. Bu ku̱ Magham boosa nu ndu̱ mu̱nkir ndu̱ qaandi memu̱nari.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.