1 Tasalonikeku 5:21 - Mewar Alqawarang

²¹ Buu ma aa nu̱m dong, tun khuɓ ɗyi nu̱ke mbari.

1 Tasalonikeku 5:21 ပူးပေါင်းရင်းမြစ်များ

Luka 12:57

“Kha ku̱me nu̱m nun ka kuma ɗyi mbarkandi ye va nu ɓa?

Yokhana 15:4

Kha ma nu̱ mbya, tang khan mbe nu. Ba wa nu̱ke bu̱n qu̱far anap ɓu̱ ɗu̱ma kha woi waare man qu̱far anapang ɓa, wanang tu̱k tun ɓu̱ ɗu̱ma kharan ɓa kope tun wa khan mbya.

Yokhana 8:31

Tu̱ Yesu ze Yakhudeku nu̱ maitaki nda za, “Mbu̱ tun wa zu̱m guma ndu̱ khubti shogar ɓanga, tun ke nu̱ mburi nga ku zhirekandi.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 12:9

Bu ku̱ ndolar zhirekandi kha chele ɓaanu. Tun zhang ɗyi malkandi gha, tun khuɓ ɗyi mbarkandi maɗyi.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

1 Korintiyeku 2:11

Woɗye ki ka zu̱nki kwaari nu̱ mbu memu̱na ndukwa, kope jiimbi njifang ɓa goma? Wanang tu̱k, nduk a nje nu̱ke ka zu̱nki kwaari ɓu̱ Magham ɓa, kope Jiimbi shakhshakhndi.

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Afiseku 5:10

gang ma kya ɗyi nu̱ke Zhinkir gwaanji ka tu̱kki mu̱ndan.

Filipiyeku 1:10

Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Filipiyeku 3:16

Ɗyi gwaanji chin ke, ye maa nyem khu̱lki kap, ku̱ zu̱m mi guma si.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

1 Tasalonikeku 5:15

Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

1 Tasalonikeku 5:22

Shakh ma ɗyinonu ndu̱ aa nyi ɗyi malkandi.

2 Tasalonikeku 2:15

Ku̱me nang, nyeezaku, tun ching gha shaanggu̱ɗang, tun khuɓ me ghai nyem shogaki ye nu, aa mbu̱ ɓala aa mbu̱ lagarkat.

2 Timoti 1:15

Ta zu̱n nu̱ ɗyine aaki mbu̱ dlar ghai Asiya wa yaɓti nga gha, kap ndu̱ Faijelus ndu̱ Khamojenis.

2 Timoti 3:6

Chele pooni nduki nang ɓeenan wa ka paɗa tu̱ ka vi nu̱ mbu̱ raftiku ɓu̱ nduki. Tu̱ ka za ɗyin nusuku nu̱ke nggu̱bu̱ngan ku yang solar wa duk du̱mbu̱r ɓaanda tu̱k, ndu̱ shimndi ɗyi malkandiku zum zum nu̱ke a nggum wora.

2 Timoti 4:14

Alekhzanda nu̱ ɓu̱dlang wa shi ɗyi malkandi ya maɗyi. Zhinkir gwaanji ka dli gaɗe ni yenda ku̱me ɗyi nyin shiki.

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.

Ɗyin mbu̱ tukari 2:25

Yang khuɓ ma ɗyi nu̱ke a kha nu mbari kope nga gaɓi.

Ɗyin mbu̱ tukari 3:11

Nga ɓar fan ndu̱ fan. Tun khuɓ maito ɓaanu ɓang ɓang, ma ku̱ njif nggur lawa ɗye zhar nu̱ke tun ka gwaki ɓar ɓa.

Ɗyin mbu̱ tukari 3:3

Ku̱me nang kor ɗyi no tu̱kki to dlang. Nggoɗ to njig solar nu̱ke ta shiran to mbu zhire ni. Mbu̱ yang no nakha ɓa, ngga ɗa ɓa ba wa nu̱ke nu̱ muuru ka shiki, ngga ɗa ɓa yang tom ɓu̱ zu̱m sarchi nu̱ke ngga ɗa ɓa ki ɓa.