1 Tasalonikeku 5:15 - Mewar Alqawarang

¹⁵ Nggu̱t ma mbari ku̱ aaki dli gaɗa ye mu̱dlen ku̱me wa mu̱na nda ɓa, tun vu̱r vaanu ye shir mbarkir ye yen ndu̱ ɓeena nduki kap.

1 Tasalonikeku 5:15 ပူးပေါင်းရင်းမြစ်များ

Matta 5:39

Yang nga zu̱ran ye nu, nggu̱tl nu ku̱ nduk mu̱na nu ɓa, mbu̱ nduk wa ɓu̱tlor ve shalnggor nu̱ zu̱ma to dambu̱r shalnggor da nda yenda.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Tlu̱nar ɓu̱ Pudeku 16:28

Tu̱ Bulus da su̱quran nu̱ viɗi tu̱ zu̱ za, “Ruɓana va nu̱ gha bam ɓa! Chem a nje kap ɓaarem!”

Romeku 12:9

Bu ku̱ ndolar zhirekandi kha chele ɓaanu. Tun zhang ɗyi malkandi gha, tun khuɓ ɗyi mbarkandi maɗyi.

Romeku 14:19

Ku̱me nang ku̱ shi mi ɗyi nu̱ke chem ka ɗu̱maki shiran ma a ɓa mi ndu̱ khar mu̱nkandi ndu̱ par du̱mbu̱r ye yen.

1 Korintiyeku 14:1

Laɓ ma kya ndola tun kasha vu̱rtiku ɓu̱ Jiimbi shakhshakhndi, nu̱ shi wa vu̱rti nu̱ zu̱r ru̱kti ɓu̱ Magham ɓa.

1 Korintiyeku 16:10

Mbu̱ Timoti a ɓa, tun dlu̱ri nda ndu̱ khaanu rap, ku̱me ɗya nu̱ tlu̱nar ɓu̱ Zhinerem gwaanji ba wa nu̱ke nga shiran.

1 Korintiyeku 6:7

Ai dar zhaano ɓu̱ yen nun ka shiki nang a wutkya tu̱ɓti ɓaanu. Ye nang kuzhom kanaɗa nu aa shikya batal ye nu de? Tun ɓu̱ kanaɗa aa nduk zu̱mkya ɗyi ɓaanu ɓar ɓa goma?

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Afiseku 5:15

Ku̱me nang tun ku̱r vaanu maɗyi mbe khar viti nu̱ke tun a mban. Ku̱ shi nu khar ɓaanu wa nggu̱bu̱ng ku ɓa, shi ma wa nu̱ kaɗari ku.

Afiseku 5:33

Yang kap ndu̱ wanang, ɓalar nang wa su̱ɓa nu tu̱k. Bu ku̱ aaki chele ɓaanu ndola nokhzan wa varan, tu̱ nokhzang tu̱k vu̱r zhaaji ye zhimen.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

1 Tasalonikeku 5:21

Buu ma aa nu̱m dong, tun khuɓ ɗyi nu̱ke mbari.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 2:24

Ku̱ nu̱ tlu̱nar ɓu̱ Magham kha ma nu̱ keele ɓa, ku̱ kha ma nu̱ mbarkir ye aaki, ku̱ kha ma njif nu̱ke ka ɗu̱maki shoga ɓara, yang nu̱ zhangndi nduk ɓa.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:17

Vu̱r ma zhaaji ye aaki: Tun ndola nyeezonu nu̱ mbu Yesu, sawa ma Magham, tun vu̱r zhaaji ye kuji gwaanji.

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.

Ɗyin mbu̱ tukari 19:10

Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.

Ɗyin mbu̱ tukari 22:9

Tu̱ yang zu̱ ya za, “Shi na ɓa! Nga mu̱dlonu maava, to ndu̱ nyeezor annabiku, ndu̱ kap nduki nu̱ke a mbu ɓalar nu̱ mbu̱ lagarkati nang. Ghor ghai ye Magham!”