1 Tasalonikeku 5:14 - Mewar Alqawarang

¹⁴ Chem a khutonu tu̱k, nyeezaku, wu ma nu̱ shimndi khar bam ku nang, tun pa du̱mbu̱r ye nduki nu̱ sawarku, tun shaata nduki nu̱ke khukhutan ku mbe maito, tun da kanaɗyi ndu̱ aaki.

1 Tasalonikeku 5:14 ပူးပေါင်းရင်းမြစ်များ

Matta 12:20

Ɓu̱ zha aa ghofi nu̱ shiki bing ma zhar nu̱ gha ɓa, ɓu̱ piita ɓai nu̱ shiki bing ma mu̱ti nu̱ gha ɓa, kope wa sa zhire tu̱ zu̱m loobo.

Luka 22:32

Yang nga shi barar yoro ma ku̱ maito ɓa kata ɓa. Mbu̱ ta nggoɗ ta gaɓ nu̱ sha yang, to ɓa vu̱r shokhku̱rokh me bu̱n ye nyeezoro.”

Tlu̱nar ɓu̱ Pudeku 20:27

ku̱me nang zhang zu̱ kap shimndi ɓu̱ Magham gha ye nu ɓa ɗo.

Tlu̱nar ɓu̱ Pudeku 20:31

Ku̱me nang kha ma daasaran! Kor ma nu̱ke me sonyi kunung nu̱ peetaki nang laada dut dlu̱mndi aaki chele ɓaanu virkir ndu̱ fu̱ɗar ɓa, nga shi ye nu ndu̱ ɗyim ghoori.

Tlu̱nar ɓu̱ Pudeku 20:35

Mbu̱ ɗyiku nang kap tun ka na nu̱ vya tun zu̱n nu̱ ɗyine wa ku̱s ku̱ shi nu tlu̱nar wa nang shiki ma ku̱ shaata nu nduki nu̱ke du̱mbu̱r ɓaanda kata. Tun a kor ɓalar ɓu̱ Zhinerem gwaanji Yesu nu̱ zu̱ki za, ‘Vu̱rtan wa duk dlu̱ran barke.’ ”

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 14:1

Dlu̱ ma nduki nu̱ke maito ɓaanda khukhutan, dla nu kumar ɗyine ɗyi nu̱ke tun a keele ɗyinan ɓa.

1 Korintiyeku 4:14

Nang bu̱la ɗyi nang ye nu ma ku̱ tu̱k nu kawa ɓa, nga bu̱la ma wu nga nu wa nu̱ke zhinki ka wuki qusonggi ɓaran nu̱ke a ndolaran.

1 Korintiyeku 8:7

Yang aaki zu̱nki zhire nang ɓa, ɓeeni nduki wa su̱n vaanda nu̱ mu̱lu̱mku nu̱ke ma ɓar leendang a daran ku za mbu̱ wor wa zu̱m ɗye zu̱mndi nu̱ vu̱rki ye mu̱lu̱m, yel ɗya ɗye zu̱mndi ɓu̱ mu̱lu̱m. Ku̱me konyi ɓaanda kata, tu̱ ku̱s tamandan ku za wor wa shi zop nu̱ ku̱nshe zu̱mndi ɗye zu̱mndang.

Galatiyeku 5:22

Yang ɗye shir mbarkandi ku ɓu̱ Jiimba chin ke, ndola, ndu̱ kasha, ndu̱ qaandi memu̱na, ndu̱ kanaɗyi, ndu̱ mbarkiri, ndu̱ shir ɗyi toropndi, ndu̱ shir zhire,

Afiseku 4:2

Tun kha ndu̱ katar ɗyin tu̱ memu̱na nu kha ɓu̱tokh ndu̱ kanaɗyi, ndu̱ dlu̱r yen mbe ndolari.

Afiseku 4:32

Tun shi mbarkir ye yen, tun na zhiyaye ɓu̱ yen, tun ndu̱m nu̱ ve yen ba wa nu̱ Magham ndu̱mki nu̱ ve nu nu̱ ku̱nshe Masiya.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

2 Tasalonikeku 3:15

Yang ku̱ da nu nda nu̱ mbu̱ nu̱ zhangndi ɓaanu ɓa, tun wuri nda wa mu̱dlo nu.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.

Titus 1:10

Nduki a nje khang nu̱ke nu̱ka mbu zu̱r ɓu̱ dlegumeku ɓa, nu̱ ɓalarku nu̱ke ɗyin su̱ ɓa, nu̱ lambar ku, nu̱ shi wa ɓeeni Yakhudeku nu̱ gangki vaanda nu̱ ɗyin ɓalar dlarsi ɓa.

Titus 1:6

Wa ku̱s ku̱ ndukkudaandi kha waare zop gume nduki, ku̱ kha ma nu̱ nokhzi kaada, ku̱ kha ma njif nu̱ke qusonggi ɓaran wa maita Yesu ku. Yang ku̱ kha ma qusonggi nu̱ke nduki nu̱ zu̱n wor ndu̱ ɗye shir malkandi ndu̱ zhangndi tu̱kti maa ɓa.

Yibraniyeku 12:12

Ku̱me nang shaata ma du̱mbu̱r ye me bu̱nonu nu̱ shiki ndotlu̱tla, tun pa du̱mbu̱r ye me purmonu nu̱ nggumki.

Yibraniyeku 13:3

Tun kor ndu̱ nduki nu̱ke a nje khiiran zhaaru̱m, ba wa tun khiiran su̱yen ndu̱ wora. Tun kor ndu̱ nduki nu̱ke a za bonye ba wa no za tun kya za bonyang.