1 Tasalonikeku 5:12 - Mewar Alqawarang

¹² Yang tu̱k nyeezaku, chem a khutonu tun vu̱r zhaaji ye nduki nu̱ke a bonye tlu̱nar chele ɓaanu, ndu̱ dlegumeku ɓaanu mbe Zhinerem gwaanji. Kom ndu̱ nduki nu̱ke a ɗu̱rtonu mbu̱ khar viti ɓaanu mbe njiv ɓu̱ Magham.

1 Tasalonikeku 5:12 ပူးပေါင်းရင်းမြစ်များ

Luka 10:7

Mbu̱ tun wa vi nu̱ mbu̱ ghai, tun kha ba nu̱ mbu̱ rafti da, tun zu̱m aa nyi ɗye zu̱m nu̱ vu̱rki ye nu. Ku̱me nu̱ tlu̱na wa shipa ku̱ gwa ɗye ɓi ɓaran. Kha nu ma vi rafa rafa ɓa.

Yokhana 4:38

Nga ru̱ktonu ma ku̱m ɗyi nu̱ke nun tlu̱na ɓa. Nduki nggur shiki bonye ni, yang tun shi boote ndu̱ tlu̱nar ɓaandang.”

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Tlu̱nar ɓu̱ Pudeku 20:35

Mbu̱ ɗyiku nang kap tun ka na nu̱ vya tun zu̱n nu̱ ɗyine wa ku̱s ku̱ shi nu tlu̱nar wa nang shiki ma ku̱ shaata nu nduki nu̱ke du̱mbu̱r ɓaanda kata. Tun a kor ɓalar ɓu̱ Zhinerem gwaanji Yesu nu̱ zu̱ki za, ‘Vu̱rtan wa duk dlu̱ran barke.’ ”

Romeku 16:12

Shi ma qaandi ye Tu̱raifina ndu̱ Tu̱raifusa, nusuku nu̱ke a tlu̱nar maɗyikandi mbe Zhinerem gwaanji. Shi qaandi tu̱k ye Parsis, nokhzi nggur ndolakandi nu̱ shiki tlu̱nar maɗyi ku̱me Zhinerem gwaanji.

Romeku 16:6

Shi ma qaandi ye Maryam chin nu̱ shiki tlu̱nar maɗyikandi ye nu.

1 Korintiyeku 12:28

Mbu̱ tabar ɓu̱ nu̱ mbu Yesu, gumapaali Magham wa vu̱r pudeku, nu̱ rapan annabiku, nu̱ kunungan tu̱ vu̱r maalu̱mku. Tu̱ vu̱r nu̱ shir ɗye lazham ku, ndu̱ nu̱ shaanar khaatiku, ndu̱ shaatar nduki, ndu̱ nu̱ kwaaɗarku, ndu̱ nu̱ ɓalar ndu̱ me ghiindiku zum zum.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

1 Korintiyeku 16:16

Nga khutonu mbu ma zu̱r ɓu̱ nduki nang, tun vu̱r zhaaji tu̱k ye nduki nu̱ gontaki ɗyin wor ndu̱ wor mbu̱ tlu̱narang.

1 Korintiyeku 16:18

Ku̱me wa mu̱n mba ndu̱ tun kap. Pooni nduki nang wa shipa ku̱ vu̱r nu zhaaji ye wora.

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 5:9

Dukti nang, chem ma shim ku̱ tu̱k mu̱ndi ɓaarem, aa chem a mbu̱ larji nang aa chem a mbu̱ viɗi.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 4:11

Ɗyi nun shiki nang wa sa tang tu̱k sawa, ba wa no za bonye nang zaki ɗyinonu nang wa kha bam!

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

Filipiyeku 2:19

Nga sa memu̱nara mbe Zhinerem gwaanji Yesu nu̱ ɗyine ngga ru̱k Timoti nu̱ she nu ɓu̱ shoɓ ɓa, ma ku̱ gwa nga du̱mbu̱r tu̱k nu̱ ku̱nshe tu̱kti labar ɓaanu.

Kolosiyeku 1:29

Ma ku̱ ɗu̱ma nga tang shi ɗyinang, nga shi bonye tang shi wute, nga tlu̱nar nu̱ du̱mbu̱r maɗyikandi nu̱ Masiya vu̱r ki ya yang a tlu̱nar mbya.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Tasalonikeku 4:1

Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Tasalonikeku 5:14

Chem a khutonu tu̱k, nyeezaku, wu ma nu̱ shimndi khar bam ku nang, tun pa du̱mbu̱r ye nduki nu̱ sawarku, tun shaata nduki nu̱ke khukhutan ku mbe maito, tun da kanaɗyi ndu̱ aaki.

1 Timoti 5:1

Wu na geema nu̱ shokhna ɓa, to shi ɓalar yenda wa ɗya zhu nu̱ khaki ro. To shi ɓalar ye nyakhtlirku wa nyeezoro,

1 Timoti 5:20

Yang nduki nu̱ shiki sola, to wu wor gume nduki, ma ku̱ ɓeenan tu̱k sawa.

2 Timoti 2:6

Ai, nu̱ ghuti nu̱ shiki tlu̱nar maɗyikandi shipaki ku̱ nggaasi zu̱m boote damang gumapaali.

Titus 1:3

Tu̱ yang wut nu̱ dam mbu̱ sarchi nu̱ khaki torop mbe ɓalar ɓaran nu̱ke nga waazu ni, nu̱ vu̱rki du̱ngdan ya nu̱ ku̱nshe zu̱r ɓu̱ Magham Nu̱ Ɗanar rem.

Titus 1:5

Nga njig to nu̱ Ku̱rit ma ku̱ kwata na tlu̱nar nu̱ khaki, yang to dat dlegumeku mbu̱ aa nyi ghai, ba wa nang zu̱ki yoro.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.

Ɗyin mbu̱ tukari 1:20

“Wonji ɗyi tukakandi nu̱ mbu̱ anjinjeku mutndi no naki mbu̱ khara nu̱ zu̱mang, kom ndu̱ mbu tokhol ɓai ku nu̱ ginarwe wor mutndang. Wor anjinje mutndi nang, ɗya nu̱ ru̱ktiku ɓu̱ tabarku ɓu̱ nu̱ mbu Yesu ku mutndang, yang tu̱k tokhol ɓai ku nu̱ ginarwe wor mutndi nang, ɗya tabar ɓu̱ nu̱ mbu Yesu ku wor mutndang.”

Ɗyin mbu̱ tukari 2:12

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Pagamum no za, Wonji ɓalarku nu̱ ɗa viki she njif nu̱ khubki kaskar nu̱ men rapndi nyamnyamndang.

Ɗyin mbu̱ tukari 2:18

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Tiyatira no za, Wonji ɓalarku nu̱ ɗa viki she Yi ɓu̱ Magham, chin nu̱ke yitan shipaki dlu̱r ɓai, saaran wa ghuri nu̱ khiiki nu̱gha.

Ɗyin mbu̱ tukari 2:3

Nga zu̱n ta kaɗanyi mbe gu̱ndi memu̱nar mbu̱ bonyeku ku̱me dlu̱ma, no nggum ɓa.

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.

Ɗyin mbu̱ tukari 3:1

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Sardis no za, Wonji ɓalar nu̱ ɗa viki she njif nu̱ khubki jiimbiku mutndi ɓu̱ Magham, ndu̱ anjinjeku mut khubtan kha ndang. Nga zu̱n ɗye shir ɓaaro. Nduki a na wa to nu̱ nyifi, yang to mu̱tan!

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.