1 Tasalonikeku 5:10 - Mewar Alqawarang

¹⁰ Wa mu̱t ku̱me chemi, ku̱me aa chem a nje ndu̱ nyifiri, aa chem wa zhi ɗyeniri, chem kha nu̱ su̱yen ndu̱ chin.

1 Tasalonikeku 5:10 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Yokhana 10:11

Nga ke nu̱ khutlori mbarkandi, nu̱ khutlo mbarkandi wa ka vu̱r nyifi ɓaran ku̱me ndu̱ɓangkwang.

Yokhana 10:15

ba wa nu̱ Zhinkirang zu̱nki nga, nga tu̱k nga zu̱n Zhinkirang. Nga ka vu̱r nyifi ɓang ku̱me ndu̱ɓangkwang.

Yokhana 10:17

Nang ke ɗyi nu̱ saki tu̱ Zhinkir ɓang ki ndola nga, nga ka vu̱r nyifi ɓang ma da nga tu̱k.

Yokhana 15:13

Ndolar a nje nu̱ dukki nang ɓa, ku̱ nduk vu̱r nyifi ɓaran ku̱me raptan.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.

2 Korintiyeku 5:15

Yang nu̱ke mu̱t ku̱me nduki kap, ma ku̱ nduki nu̱ke a nje nu̱ nyifi, shi khar ɓaanda me ɗyin wor gana fan ɓa, yang ku̱ shikya khar ɓu̱ njif nu̱ mu̱tki ku̱me wora. Tu̱ ji ndu̱ chin ɓar mbe mu̱ti ku̱me wor tu̱k.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

1 Tasalonikeku 4:13

Yang nyeezaku, nang shim ku̱ kha nu waare zu̱ndi ɗyine nduki nu̱ zhiki ɗyenir ɓa, ku̱ memu̱na nu su̱bu̱r ku̱me wa mu̱t ku ɓa wa nduki nu̱ke ɗye sar memu̱na nje kha wor ɓa nda ɓa.

1 Tasalonikeku 4:15

Chem a zu̱ran ye nu tu̱k ba wa nu̱ ɓalar ɓu̱ Zhinkir gwaanji zu̱ki. Chem nu̱ke ka ɓa gwaki rem ndu̱ nyifiri sarchi nu̱ke Zhinerem gwaanji ka ɗa gaɓki, chem ɓu̱ kaya nduki nu̱ mu̱tki jiiri ɓar mbe ɗyenirang sar da ɓa.

1 Tasalonikeku 4:17

Kom chem nu̱ke chem a nje ndu̱ nyifiri ye sarchi ni, ka da rem su̱yen ndu̱ wor mbu̱ ku̱zapti, ma ku̱ gama mi ndu̱ Zhinerem gwaanji mu̱na viɗi mbu̱ khu̱kheeti. Chem ka kha gha su̱yen ndu̱ Zhinerem gwaanji koɗokhsi ɓa.

1 Tasalonikeku 5:6

Ku̱me nang shi mi ɗyenir wa nu̱ke ɓeenanku a san ɓa, yang ku̱ shi mi khar ɓaarem daasaran mbe khar ku̱si ɗyin.

1 Timoti 2:6

Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

2 Timoti 2:11

Balar nang ɗya zhire shwat, nu̱ zu̱ki za, Mbu̱ chem wa mu̱t su̱yen ndu̱ chin, chem ka kha ndu̱ nyifiri su̱yen ndu̱ chin,

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,