1 Tasalonikeku 4:8 - Mewar Alqawarang

⁸ Ku̱me nang aaki zhangki mbu shogar nang gha, zhangkya nduk ɓa, zhangkya Magham, chin nu̱ka vu̱rki Jiimbi ɓaran shakhshakhndi yenwang.

1 Tasalonikeku 4:8 ပူးပေါင်းရင်းမြစ်များ

Luka 10:16

“Kap njif nu̱ tu̱kki nu, a tu̱k kya nga. Kap njif nu̱ zhangki nu gha yang, zhang kya nga. Aaki nu̱ zhangki nga yang, zhang kya Magham nu̱ ɗa ru̱kki ngang.”

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Tlu̱nar ɓu̱ Pudeku 13:41

‘Nggu̱t ma, tun nu̱ ɓalar ndu̱mndi! Shi ma lazham, tun mu̱ɗi! Ku̱me nga ma tlu̱nar nggur mbu̱ qaandi virkirku ɓaanu, tlu̱nar nu̱ke aa nduk wa ze nu, tun ɓu̱ maita ɓa.’ ”

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

1 Korintiyeku 2:10

Yang Magham wa wut ɗyiku nang yerem nu̱ ku̱nshe Jiimba. Ku̱me chin Jiimbyang ke nu̱ laɓ mbu̱ aa nu̱m, kap ndu̱ ɗyiku ɓu̱ Magham tukakandi nu̱ke dar mban shar.

1 Korintiyeku 7:40

Yang ye nar ɓanga, ka duk tu̱kti mu̱ndi mbu̱ wa kha varan gha wanang. Nga naran Jiimbi shakhshakhndi a nje mbya.

2 Korintiyeku 1:22

Wa sa ɗyi nu̱ saidaki za chem ɓaran nu̱ ɗyinerem, tu̱ sa Jiimbi ɓaran nu̱ mbu̱ memu̱narem mu̱nki. Ma ku̱ wut chem ku̱si ɓaran dong ma ku̱ wut ɗyi nu̱ke a ɓar gana fan.

Galatiyeku 4:6

Nu̱ke tun qusonggi ɓaran tu̱ Magham a ru̱k nu̱ Jiimbi Yi ɓaran nu̱ mbu̱ memu̱na nu, a qa Magham za, “Aba, Zhinki.”

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

2 Bitu̱rus 1:21

Jiwa ɓalar nu̱ annabiku zu̱ki nu̱ ɗa vi mbe shaandi ɓu̱ nduk sar da ɓa. Jiimbi shakhshakhndi ke nu̱ viri nu̱ mbu̱ memu̱na wora tu̱ sa wor ku̱ zu̱ ɗyiku nu̱ dlu̱ki ku she Magham.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.

Yakhuda 1:8

Ba wanang tu̱k nu̱ zhineku nang a sa man var wor tu̱ kha zopan. Wa ka zhang mbu nu̱ kwaaɗarku, wa ka shi maatli ɓalar ve du̱ngndiku nu̱ zhaaji ɓu̱ Magham nu̱ke a mbu̱ viɗi.