1 Tasalonikeku 4:5 - Mewar Alqawarang

⁵ yang ku̱ kha nu ndu̱ shimndi zawa wa nu̱ke ku̱rjiku ka shiki ɓa, ku̱me nu̱ zu̱n Magham ku ɓa.

1 Tasalonikeku 4:5 ပူးပေါင်းရင်းမြစ်များ

Matta 6:32

Ku̱me nduki nu̱ke nu̱ zu̱n Magham ɓa kya laɓ poona ɗyiku nang. Yang Zhinonu nu̱ke a mbu̱ viɗi wa zu̱n tun a gang ɗyiku nang kap.

Luka 12:30

Nduk larji nu̱ke nu̱ zu̱n Magham ɓa a damtarku ɗyine ɗyiku nangang. Zhinonu wa zu̱n za tun a shim ɗyiku nangang.

Tlu̱nar ɓu̱ Pudeku 17:23

Sarchi nang baaraki mbu̱ ghai nga nggu̱t ɗyiku nun ka gharki ghai ye wora tang na du̱ku̱l dlar sadke nu̱ bu̱lar ɗyine nda viɗ za, ‘YE MAGHAMNDI NU̱KE NYEM ZU̱N ƁA.’ Nga ɓakya ma wut chin Maghamndi nun ka gharki ghai yenda yang nun zu̱n nda ɓa nda ni.

Romeku 1:24

Ku̱me nang tu̱ Magham yaɓ wor gha tu̱ ki shim ɗyi malkandi ku zum zum mbu̱ memu̱na wora, tu̱ ka shi boote ndu̱ var wor a shi ɗye kawar ku ndu̱ yen.

Romeku 1:26

Ku̱me nang tu̱ Magham yaɓ wor gha tu̱ ka shim shir ɗye kawarku bam bam. Tu̱ nusuku ɓaanda nggoɗ tu̱ njig qaandi ndu̱ khuzuku wa nu̱ Magham du̱ngki ku̱ nduk shi, tu̱ ka qan ndu̱ yen ve njiv nu̱ke nu̱ shipa ɓa.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 15:34

A gaɓ man mbu kwaari ɓaanu mbarkandi, tun njig tlu̱nar solari. Ɓeena nduki chele ɓaanu nu̱ zu̱n Magham ku ɓa. Nga zu̱ wanang ma ku̱ tu̱k nu kawa.

Galatiyeku 4:8

Mbu̱r fara nun zu̱n Magham ɓa, tun a ghar ghai ye mu̱lu̱mku nu̱ke ɗya aa nu̱m ku ɓa.

Afiseku 2:12

Kor ma ɓa, ye sarchi naandang tun nu̱ gonta nu ndu̱ Masiya ɓa, maa ching kha nu mbu̱ Israila ɓa, tun a mbu̱ alqawar nu̱ Magham shiki ndu̱ zhikaneremku nang ɓa. Ɗye sar memu̱na kha nu mbu̱ larji nang ɓa, Magham a su̱yen ndu̱ tun ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

1 Biturus 4:3

Jiwa tun wa woɗa su̱bu̱r sarchi mbe khar ɓaanu ɗau fara, nang ke pooni khar nu̱ke nduki nu̱ke nu̱ zu̱n Magham ɓa a tu̱k mu̱ndan. Tu̱ na aa nyi ɗye shir malkandi, ndu̱ melakh ɓu̱ man var ku zum zum, ndu̱ me kuyari, ndu̱ nggar zu̱mndi bamndi, ndu̱ zar ɗyiku bam bam, ndu̱ ghaari ghai ye mu̱lu̱mku, nu̱ khaki ma ɗye zhaana.