1 Tasalonikeku 4:4 - Mewar Alqawarang

⁴ Ɗya shimndi ɓu̱ Magham ku̱ aaki zu̱n njiv nu̱ke chin ka khaki ɗyinan ku̱san mbe shakhshakh ndu̱ zhaaji,

1 Tasalonikeku 4:4 ပူးပေါင်းရင်းမြစ်များ

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:24

Ku̱me nang tu̱ Magham yaɓ wor gha tu̱ ki shim ɗyi malkandi ku zum zum mbu̱ memu̱na wora, tu̱ ka shi boote ndu̱ var wor a shi ɗye kawar ku ndu̱ yen.

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 6:19

Nga shikya pooni ɓalar ɓu̱ nduk ye nu, ku̱me tu̱ɓti ɓaanu nu̱ me ɓu̱ nduku. Ɗau fara tun wa su̱n ndu̱ vu̱rti me bar ɓaanu ma tlu̱na ɗye zhaaneku, ndu̱ mu̱nar nu̱ke a zu̱m guma ndu̱ shaatari aakochi. Yang leendang vu̱r ma me bar ɓaanu ye tlu̱nar dambu, tun kha wakaran.

1 Korintiyeku 6:15

Alapa nun zu̱n za man vaanu ɗya me bar ɓu̱ Masiya ɓa goma? Alambu̱ram! Ngam ɓu̱ gaɓ ndu̱ me bar ɓu̱ Masiya tu̱ kha ma ɓu̱ man mu̱nggu̱l ɓa.

1 Korintiyeku 7:2

Yang ku̱me ku̱ nduk shi zawa ɓa, ku̱ aa nyi khusku kha ndu̱ nokhzan, tu̱ aa nyi nusu kha ndu̱ zhimen.

1 Korintiyeku 7:9

Mbu̱ yang ɓu̱ ɗu̱ma ku̱s ɗyin wor ɓa, wa shipa ku̱ shi ɓu̱rti ku. Ku̱me ka duk nu̱ mbaari ku̱ shi ɓu̱rti ku ye ku̱ zawar ɓaanda duk du̱mbu̱r ɓaanda.

2 Korintiyeku 4:7

Kap ndu̱ nang, chem nu̱ke gu̱nar nu̱ jiimbi nang a nje mbe rem, chem a khar ba wa kayang nu̱ du̱nki ndu̱ daɓa. Chem kha wanang ma ku̱ wut mi za Magham ke nu̱ zalale aa nu̱m kap, yang tun khaarem mban ɓa.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

Yibraniyeku 13:4

Tun vu̱r zhaaji ye ɓu̱rti tun kap ɓaanu. Tun vu̱r zhaaji ye gaanggir ɓu̱rti ɓaanu ku̱me Magham ka kuma nu̱ zawar mbu̱ khu̱rti ndu̱ nu̱ shiran mbu̱ ɓu̱rti.

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.