1 Tasalonikeku 4:16 - Mewar Alqawarang

¹⁶ Jiwa Zhinerem gwaanji ndu̱ ɗyinan ka ɗa zhur viɗi, ndu̱ qar maɗyikandi, ndu̱ su̱qur gorkir ɓu̱ nu̱ ru̱ktiku ɓu̱ Magham, ndu̱ piiri domndi ɓu̱ Magham. Nduki nu̱ mu̱tki mbe Masiya, ka nggaki su̱ jiiri gumapaali.

1 Tasalonikeku 4:16 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 26:64

Tu̱ Yesu ze nda za, “Ba wa no zu̱kyang. Yang nga zu̱ran ye nu, ji ɗyin leendang tun ka na Yi ɓu̱ Nduk kharan ɗyin bu̱n zu̱me ɓu̱ Nu̱ zalalyang, a ɓar tu̱k mbu̱ ku̱zapti nu̱ mu̱na viɗi.”

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

1 Korintiyeku 15:18

Nang yang nduki nu̱ mu̱tki mbe Masiya, wa su̱ya ku bam ɗo.

1 Korintiyeku 15:20

Yang wa ji ndu̱ Masiya ɓar mbe mu̱ti shwat, nang wutki nu̱ ɗyine ka ɓa ji ndu̱ nduki nu̱ mu̱tki ku.

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 3:11

Bu ku̱ Maghamndi ɓaarem ndu̱ Zhinerem nu̱ vaaran, ndu̱ Zhinerem gwaanji Yesu, daasa njiv ɓar ɓaarem she nu yerem.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

2 Tasalonikeku 2:1

Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

2 Bitu̱rus 3:10

Yang Fu̱ɗar ɓu̱ Zhinkir gwaanji ka ɗa ɓa wa ɓar ɓu̱ nu̱ muuru. Maa viɗi ka su̱ya ndu̱ su̱qur du̱mbu̱rkandi. Ɗyi nu̱ shiki maa viɗi ndu̱ maa vu̱ghai si ka va nu̱ gha ndu̱ ɓai, Larji ndu̱ ɗyi nu̱ke a mban kap ka su̱ya ku.

Yakhuda 1:9

Yang aa Makel, gorkir ɓu̱ nu̱ ru̱ktiku ɓu̱ Magham nu̱ shi pooni ɗyi nang ɓa. Ye sarchi nu̱ keele gangki chele ɓaran ndu̱ Sheɗan, a dakhlar ku ɗyine man var Musa nu̱ mu̱tki, nu̱ Makel ɓu̱tl memu̱naran tu̱ pu̱zi nda tu̱ shi maatli ɓalar yenda ɓa. Zu̱ ba za, “Ku̱ Zhinkir gwaanji wuro ro!”

Ɗyin mbu̱ tukari 1:10

Ye fu̱ɗar ɓu̱ Maghamang, nga mbe Jiimba, tang tu̱k su̱qur maɗyikandi nu̱ shipaki pi domndi.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.

Ɗyin mbu̱ tukari 14:13

Tang gaɓ tang tu̱k su̱qur ɓalar nggur viɗi a zu̱ran za, “Bu̱lo nang. Barkya ve nduki nu̱ke ka mu̱tki ku mbu̱ tlu̱nar ɓu̱ Zhinkir gwaanji ji ɗyin leendang!” Jiimbyang za, i “Shwat! Ka mas ku mbe bonye ɓaanda, ku̱me tlu̱nar ɓaanda ka mbu wora!”

Ɗyin mbu̱ tukari 8:13

Nu̱ke nga nggu̱tki, tang tu̱k jijau nggur nu̱ke a jiiri mu̱na viɗi a qar nu̱ su̱qur du̱mbu̱rkandi a zu̱ran za, “Ɗye zhiyayi! Ɗye zhiyayi! Ɗye zhiyayi ye nduki nu̱ mbu̱ larji. Ku̱me su̱qur piiri domndiku ɓu̱ nu̱ ru̱kti kunungndi nu̱ke a ma piiran kwang!”

Ɗyin mbu̱ tukari 8:2

Kom tang na nu̱ ru̱kti ku ɓu̱ Magham mutndikwang chingndan gha ku gume Magham, tu̱ yang vu̱r domndiku mut ye wora.