1 Tasalonikeku 4:13 - Mewar Alqawarang

¹³ Yang nyeezaku, nang shim ku̱ kha nu waare zu̱ndi ɗyine nduki nu̱ zhiki ɗyenir ɓa, ku̱ memu̱na nu su̱bu̱r ku̱me wa mu̱t ku ɓa wa nduki nu̱ke ɗye sar memu̱na nje kha wor ɓa nda ɓa.

1 Tasalonikeku 4:13 ပူးပေါင်းရင်းမြစ်များ

Matta 27:52

Tu̱ ku̱jipku qu̱ni, tu̱ nduki shakhshakhndi nu̱ mu̱ɗki ku khang ji ndu̱ nyifiri.

Yokhana 11:24

Tu̱ Marta tlogha yenda za, “Nga zu̱n ka ji sarchi jiiri ɓu̱ mu̱tiku fu̱ɗar wuri.”

Tlu̱nar ɓu̱ Pudeku 13:36

“Yang Dauda wa mu̱t qu̱rse wa woɗa tlu̱nar nu̱ Magham vu̱rki yenda mbu̱ qaandiku ɓaran, tu̱ pa nda gha su̱yen ndu̱ zhikanku, tu̱ man varan mu̱tli.

Tlu̱nar ɓu̱ Pudeku 7:60

Tu̱ kurum gha tu̱ da su̱quran nu̱ viɗi tu̱ zu̱ za, “Magham, shi na tun ye wor ku̱me solar nu̱ shiki kunang ɓa.” Nu̱ zu̱ki wanang tu̱ mu̱ɗi.

Tlu̱nar ɓu̱ Pudeku 8:2

Tu̱ nu̱ sawar Magham ku pa Istafanus gha, tu̱ gho mu̱ti ɓaranku maɗyi.

Romeku 1:13

Nyeezaku, nga shim zu̱n nu nu̱ ɗyine ngaa shim ɓar she nu sar khang, yang ma ɓar meeni wa nggu̱tli nga shir wanang. Ɗyi nu̱ saki tang shim ɓarang chin ke, ku̱ gwa nga tang wopa Labar Mbarkandang chele ɓaanu tu̱ nduki maita, ba wa nang shiki chele nduki nu̱ke ɗya Yakhudeku ɓa.

1 Korintiyeku 10:1

Nyeezaku, nga shim kor nu ɗyine zhikaneremku wa shi yir ku su̱ ku̱zapti, tu̱ dla gaawu gwaanji vyangndang nu̱ dam.

1 Korintiyeku 12:1

Yang leendang, nyeezaku, ɗyine ɓalar vu̱rtiku ɓu̱ Jiimbi shakhshakhndi, nang shim ku̱ kha nu mbu̱ zhum ɓa.

1 Korintiyeku 15:6

Qu̱rse nang wa wut varan mbu̱ sarchi da ye nyeezerem nu̱ke khang ɓaanda wa duk won qurmun, khang chele nduki nang a nje ku ndu̱ nyifiri, aa nu̱ke ɓeenan wa mu̱t ku.

2 Korintiyeku 1:8

Nyeezaku, chem a shim zu̱n nu pooni bonye nyem zaki mbu̱ dlar ghai Asiya, chem wa za bonye maɗyikandi nu̱ke nyem taman za chem ka shi nyifi ɓa.

Afiseku 2:12

Kor ma ɓa, ye sarchi naandang tun nu̱ gonta nu ndu̱ Masiya ɓa, maa ching kha nu mbu̱ Israila ɓa, tun a mbu̱ alqawar nu̱ Magham shiki ndu̱ zhikaneremku nang ɓa. Ɗye sar memu̱na kha nu mbu̱ larji nang ɓa, Magham a su̱yen ndu̱ tun ɓa.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

1 Tasalonikeku 4:14

Ma nu̱ke chem wa maita nu̱ ɗyine Yesu wa mu̱ɗi, tu̱ ji ɓar mbe mu̱tang, wanang tu̱k mbe Yesu, Magham ka ɗa gaɓ ndu̱ nduki nu̱ shiki ɗyeniri, su̱yen ndu̱ Yesu.

1 Tasalonikeku 4:15

Chem a zu̱ran ye nu tu̱k ba wa nu̱ ɓalar ɓu̱ Zhinkir gwaanji zu̱ki. Chem nu̱ke ka ɓa gwaki rem ndu̱ nyifiri sarchi nu̱ke Zhinerem gwaanji ka ɗa gaɓki, chem ɓu̱ kaya nduki nu̱ mu̱tki jiiri ɓar mbe ɗyenirang sar da ɓa.

1 Tasalonikeku 5:10

Wa mu̱t ku̱me chemi, ku̱me aa chem a nje ndu̱ nyifiri, aa chem wa zhi ɗyeniri, chem kha nu̱ su̱yen ndu̱ chin.

1 Tasalonikeku 5:6

Ku̱me nang shi mi ɗyenir wa nu̱ke ɓeenanku a san ɓa, yang ku̱ shi mi khar ɓaarem daasaran mbe khar ku̱si ɗyin.

2 Bitu̱rus 3:4

Ka zu̱ ku za, “Shwat, Yesu nu̱ shi alqawar za chin ka ɗa gaɓ ɓa goma? Yang, a fu̱n nda? Zhikanerem ku wa njig larji nang ku zhu ɗau, yang tun a nje nu̱ paataki ma nu̱ shiki larji ɓa.”

2 Bitu̱rus 3:8

Yang tun raptaku nu̱ke nga ndolaran, tun da nu̱ke nang shim ku̱ mona nu ɓa, chin ke qaandi da she Zhinkir gwaanji a khar wa sonyi du̱pu, yang sonyi du̱pu a khar wa qaandi da.