1 Tasalonikeku 4:1 - Mewar Alqawarang

¹ Ye lauɗar san nyeezaku, chem wa shoga pooni khar viti nu̱ke Magham a shimndan ye nu, ba wa nu̱ke tun a khar ɓaanu. Leendang chem a qari su̱yen ndu̱ khuti ye nu mbe Zhinerem gwaanji Yesu tun shaata nu̱ si maɗyi.

1 Tasalonikeku 4:1 ပူးပေါင်းရင်းမြစ်များ

Yokhana 15:2

Aa nyi me bu̱n qu̱far nu̱ke nu̱ kha woi mbya ɓa, ka ku̱rta nu̱ gha. Aa nyi bu̱n nu̱ khaki woi, ka shaata kwaɗa nda nu̱ gha ma ku̱ shaata khar woi.

Tlu̱nar ɓu̱ Pudeku 20:27

ku̱me nang zhang zu̱ kap shimndi ɓu̱ Magham gha ye nu ɓa ɗo.

Romeku 8:8

Nduki nu̱ke ɗye shir ɓu̱ manva ke ɓaanda, khar viti ɓaanda ɓu̱ mu̱n mbu̱ Magham sar da ɓa.

1 Korintiyeku 11:23

Ɗyi nang zu̱ki ye nu nang, nga dlu̱ she Zhinerem gwaanji, za, Zhinerem gwaanji Yesu, mbu̱ virkir nu̱ nggaki gaandan, wa da ɓurti toliri,

1 Korintiyeku 15:1

Yang leendang, nyeezaku, nga shim ku̱ kor nga Labar mbarkandi nang zu̱ki ye nwang ye nu, chin labar nun dlu̱ki, tun ching nu̱ ɗyinanang.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 13:11

Ye lauɗar san, nyeezaku, kope fu̱ɗa ngguri. Shi ma tun kha nyeedlan, tu̱k ma khuti ɓanga, kha ma ma tun da tun shi khar mu̱nkandi ndu̱ yen. Nang ka saki tu̱ Maghamndi nu̱ ndola kha gha su̱yen ndu̱ tunu.

2 Korintiyeku 5:9

Dukti nang, chem ma shim ku̱ tu̱k mu̱ndi ɓaarem, aa chem a mbu̱ larji nang aa chem a mbu̱ viɗi.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 6:1

Nyeezaku, mbu̱ wa ku̱s nduk a sola, tun nu̱ke tun a sawa Magham, tun taata nda tun a gaɓ ndu̱ chin ye njivi. Yang ku̱rma vaanu, ku̱ gaɓti nu̱ mu̱dlonu ye njivang sa tun nggu̱ɗ nu̱ mbu̱ buuri zum ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Afiseku 4:20

Tun yang nun shoga tun wanang she Masiya ɓa!

Afiseku 5:17

Ku̱me nang ku̱ kha nu ma nggu̱bu̱ngku ɓa, zu̱n ma ɗyi nu̱ke Magham a shim ku̱ shi nu.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 1:9

Nga barar ku̱ Magham sa tu̱ ndolar ɓaanu ndu̱ zu̱ndi Magham nun shiki ndu̱ dar mbu̱ aa nyi tun shaata tu̱ duk wanang.

Filipiyeku 3:14

Nga zhang vara ku̱ gwa nga tang basan ma gwa ɗye ɓi qari ma yir mbu̱ viɗi nu̱ Magham qaki nga maaran nu̱ ku̱nshe Masiya Yesu.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 2:6

Nu̱ke tun wa dlu̱ Masiya Yesu tu̱ kha ma Zhinonu gwaanji, shi ma khar viti ɓaanu mbe nda.

1 Tasalonikeku 3:12

Bu ku̱ Zhinkir gwaanji sa tun shaata tun boosa mbe ndolar yen ndu̱ ndolar nduki kap, ba wa nyem ndolaki nu.

1 Tasalonikeku 4:2

Jiwa tun wa zu̱n shogar nyem shiki ye nu ba wa nu̱ Zhinerem gwaanji Yesu vu̱rki zalale yerem ku̱ shoga mi.

1 Tasalonikeku 5:12

Yang tu̱k nyeezaku, chem a khutonu tun vu̱r zhaaji ye nduki nu̱ke a bonye tlu̱nar chele ɓaanu, ndu̱ dlegumeku ɓaanu mbe Zhinerem gwaanji. Kom ndu̱ nduki nu̱ke a ɗu̱rtonu mbu̱ khar viti ɓaanu mbe njiv ɓu̱ Magham.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Tasalonikeku 2:1

Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

2 Tasalonikeku 3:1

Ye lauɗar san, nyeezaku, shi ma barar yerem ma ku̱ ɓalar ɓu̱ Zhinerem gwaanji dlu̱ maari ɗau ɗau, tu̱ gwa zhaaji ba wa nu̱ gwaki chele ɓaanu.

2 Tasalonikeku 3:13

Yang tun nyeezaku, ku̱ nggum nu ndu̱ shir ɗyi toropndi ɓa.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

Yibraniyeku 11:6

Nduk ɓu̱ gwa dlu̱r she Magham waare maito ɓa, ku̱me wa ku̱s ku̱ njif nu̱ songki bing ndu̱ Magham maita nu̱ ɗyine Magham a nje, yang chin ka ɓiiki nduki nu̱ke a laɓ maa nu̱ chin kap.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

Yibraniyeku 13:22

Nyeezaku, Nga khutonu, tun shi kaɗanyi ndu̱ wuro nu nang shiki, ku̱me nang bu̱la ɓalar kirkandi ye nu ɓa ɗo.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.

1 Yokhana 3:22

Chem wa ka gwa ɗyi nyem khuɗki she nda kap, ku̱me chem a mbu zu̱r ɓaran, chem a shi ɗyi nu̱ke a shimndan.