1 Tasalonikeku 3:8 - Mewar Alqawarang

⁸ Yang leendang chem a nyifi shwat, ma nu̱ke tun a nje chingndan gha shanggu̱ɗang mbe Zhinkir gwaanji.

1 Tasalonikeku 3:8 ပူးပေါင်းရင်းမြစ်များ

Yokhana 15:4

Kha ma nu̱ mbya, tang khan mbe nu. Ba wa nu̱ke bu̱n qu̱far anap ɓu̱ ɗu̱ma kha woi waare man qu̱far anapang ɓa, wanang tu̱k tun ɓu̱ ɗu̱ma kharan ɓa kope tun wa khan mbya.

Yokhana 15:7

Mbu̱ tun wa khan mbya, tu̱ ɓalar ɓang khan mbe nu, tun ka khuɗ ɗyi nu̱ke tun a shimndan kap, ka shi ye nu.

Yokhana 8:31

Tu̱ Yesu ze Yakhudeku nu̱ maitaki nda za, “Mbu̱ tun wa zu̱m guma ndu̱ khubti shogar ɓanga, tun ke nu̱ mburi nga ku zhirekandi.

Tlu̱nar ɓu̱ Pudeku 11:23

Nu̱ ɗu̱ki, tu̱ na mu̱nkir nu̱ Magham shiki ye wora, tu̱ kasha, tu̱ pa du̱mbu̱r ye wor ku̱ ching nu̱ ɗyine maito ɓaanda mbe Zhinerem gwaanji ndu̱ memu̱nar da.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

1 Korintiyeku 16:13

Kha ma daasaran, tun ching gha shaanggu̱ɗang mbu̱ maito ɓaanu, tun kha wang, ndu̱ du̱mbu̱r tu̱k.

Galatiyeku 5:1

Masiya dli ɗyineremang ma ku̱ kha mi vaarem zu̱ran. Ku̱me nang tun ching gha shaanggu̱ɗang, vu̱r nu vaanu ma tlu̱nar maava tu̱k ɓa.

Afiseku 3:17

Tu̱ Masiya khan mbu̱ memu̱nanu nu̱ ku̱nshe maito. Nga barar ye nu̱, ma nu̱ke tun wa shi dlu̱dlarsi tun ku̱s maa vu̱ghai ɗyiɗying mbe ndola.

Filipiyeku 1:21

Ku̱me ɓang, mbu̱ nga nje ndu̱ nyifiri, nga nje ku̱me Masiya, mbu̱ yang nga mu̱ɗi ɗya zu̱mndi guma.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 4:1

Ku̱me nang, tun nyeezaku nang saki nu̱ ve memu̱nara aakochi, tang ki kasha na nga nu maɗyi, tun nun ka mu̱nki memu̱nara, tun nang ka shiki wakhti ndu̱ tunu. Nga khutonu tun ching gha shaanggu̱ɗang mbe Zhinkir gwaanji, tun nu̱ke nga ndolaran.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

1 Tasalonikeku 3:7

Ku̱me nang, nyeezaku, mbu̱ bonye ɓaarem ndu̱ palase nyem zaki chem wa gwa du̱mbu̱r mbu̱ memu̱na rem ku̱me maito ɓaanu.

Yibraniyeku 10:23

Bu ku̱ ching mi gha shanggu̱ɗang ɗyine sar memu̱nar ɓaarem, nu̱ke chem a saidaran, ku̱me njif nu̱ shiki alqawaran ɗya nu̱ zhire.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

2 Bitu̱rus 3:17

Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

Ɗyin mbu̱ tukari 3:11

Nga ɓar fan ndu̱ fan. Tun khuɓ maito ɓaanu ɓang ɓang, ma ku̱ njif nggur lawa ɗye zhar nu̱ke tun ka gwaki ɓar ɓa.

Ɗyin mbu̱ tukari 3:3

Ku̱me nang kor ɗyi no tu̱kki to dlang. Nggoɗ to njig solar nu̱ke ta shiran to mbu zhire ni. Mbu̱ yang no nakha ɓa, ngga ɗa ɓa ba wa nu̱ke nu̱ muuru ka shiki, ngga ɗa ɓa yang tom ɓu̱ zu̱m sarchi nu̱ke ngga ɗa ɓa ki ɓa.