1 Tasalonikeku 3:6 - Mewar Alqawarang

⁶ Yang wonji Timoti a gaɓ nu̱ she rem ndu̱ labar mu̱nkandi ɗyine maito ɓaanu ndu̱ ndolar ɓaanu. Wa ze rem tu̱k za tun a kwaari mbarkandi ɗyine rem tu̱k aakochi, tun a kasha ku̱ na nu rem ba wa nu̱ke chem a kasha ku̱ na mi nu tu̱k.

1 Tasalonikeku 3:6 ပူးပေါင်းရင်းမြစ်များ

Tlu̱nar ɓu̱ Pudeku 16:1

Tu̱ Bulus ɗu̱ Darbe ndu̱ Listu̱ra. Yang nu̱ mbu Yesu nggur a nje dlu̱man za Timoti, man ɗya nu̱ mbu Yesu tu̱k yang me ghai ɓaran ɗya Yakhuda, zhin ɗya me ghai Gu̱rik.

Tlu̱nar ɓu̱ Pudeku 18:1

Qu̱rse nang tu̱ Bulus njig ghai Atina tu̱ gaɓ nu̱ Koranti.

Tlu̱nar ɓu̱ Pudeku 18:5

Sarchi nu̱ Sila ndu̱ Timoti a jiiki ku Makidoniya, tu̱ Bulus vu̱r sarchi ɓaran kap ye waazu, a wutan ye Yakhudeku za shwat Yesu ke Masiya.

1 Korintiyeku 11:2

Nga makhta nu ku̱me tun wa ka kor ndu̱ nga aakochi, ma tun a mbu ɗyi nang shogaki ye nu maɗyi ba wa nun tu̱kki.

1 Korintiyeku 13:13

Yang leendang ɗyiku kunungndi nang a nje shwat, wor ke: Maito, sar memu̱nari, ndu̱ ndola, yang chele ɗyi kunungndi nang, ndola dukki gwaari.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Filipiyeku 1:8

Magham ka saida nga nu̱ ɗyine nga shim na nu nu̱ pooni ndolar ɓu̱ Masiya Yesu.

Kolosiyeku 1:4

Jiwa chem wa tu̱k labar maitar Masiya Yesu nun shiki, ndu̱ pooni ndolar nu̱ke tun a wutan ye nduki ɓu̱ Magham kap.

Kolosiyeku 4:18

Nga Bulus nga kya bu̱la qaandi nang ye nu ndu̱ khara. Ku̱ mona nu nu̱ ɗyine nga nje khiiran zhaaru̱m ɓa. Ku̱ mu̱nkir ɓu̱ Magham kha gha su̱yen ndu̱ tunu.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 2:17

Nyeezaku, ji ɗyin sarchi nu̱ shakki rem ndu̱ tun me sarchi koɗommandi nang, nga shikya ɓalar ɓu̱ shakhti mbu̱ manva ku̱me chem a su̱yen mbu̱ memu̱na rem. Chem wa shimi, chem shi chem shi ma ku̱ na mi nu yiti ndu̱ yiti.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Tasalonikeku 3:7

Ku̱me nang, nyeezaku, mbu̱ bonye ɓaarem ndu̱ palase nyem zaki chem wa gwa du̱mbu̱r mbu̱ memu̱na rem ku̱me maito ɓaanu.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

1 Timoti 1:5

Nga ɓalar nang ma ku̱ kha nu ndu̱ ndolar na viki mbe memu̱nar shakhshakhndi, ndu̱ konyi mbarkandi, ndu̱ maito piikandi.

2 Timoti 1:3

Nga kuna Magham nu̱ke nga tlu̱nar yenda ndu̱ konyi mbarkandi ba wa nu̱ke zhikankir ku ɓang shiki. Nga ka kwaroro aakochi mbu̱ barar ɓanga.

Filimon 1:5

Jiwa nga ka tu̱k labar maito ɓaaro mbu̱ Zhinerem gwaanji Yesu ndu̱ ndolar nu̱ke ta wutan ye nduki ɓu̱ Magham kap.

Yibraniyeku 13:3

Tun kor ndu̱ nduki nu̱ke a nje khiiran zhaaru̱m, ba wa tun khiiran su̱yen ndu̱ wora. Tun kor ndu̱ nduki nu̱ke a za bonye ba wa no za tun kya za bonyang.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.

1 Yokhana 3:23

Nang ke ɗyi nu̱ Magham zu̱ki za shem chin ke ku̱ maita mi dlu̱m Yi ɓaran Yesu Masiya, chem ndola yen tu̱k wa nu̱ Masiya zu̱ki yerem.