1 Tasalonikeku 3:3 - Mewar Alqawarang

³ ma ku̱ bonye nang sa njif nggur tu̱ kha damtaran ɓa. Ai, tun ndu̱ ɗyinonu tun wa zu̱n za nang ke ɗyi nu̱ saki tu̱ daasa remi ye wora.

1 Tasalonikeku 3:3 ပူးပေါင်းရင်းမြစ်များ

Luka 21:12

“Yang me ku̱ ɗyiku nang shi kap, ka ku̱sonu tu̱ vu̱r bonye ye nu, ka ɗu̱ ndu̱ zhaano ɓaanu gume maa tabarku, tu̱ khiiro nu gha mbu̱ zhaaru̱m. Tu̱ ɗu̱ ndu̱ tun gume kujiku ndu̱ nu kwaaɗarku, yang ka shi ɗyiku nang ye nu kap ku̱me nga.

Yokhana 16:2

Ka komba nu ku ɓar mbu̱ maa tabar ɓaanda. Sarchi a nje a ɓari shwat nu̱ke aaki tlaghaki nu ka taman za chin a shikya tlu̱nar ɓu̱ Magham.

Yokhana 16:33

“Nga zu̱ ɗyiku nang ye nu ku̱me gwa nu qaandi memu̱na mbya. Tun a za bonye mbu̱ larji, yang gu̱n ma memu̱na nu ku̱me nga shi loobo ɗyine larji.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 2:25

Ji Dauda wa shi ɓalar ɓaran nu̱ zu̱ki za, ‘Nga na Zhinkir gwaanji aakochi, a nje su̱yen ndu̱ nga. Nu̱ke a nje ɗyin bu̱na nu̱ zu̱ma, ngam ɓu̱ tu̱k sawa ɓa.

Tlu̱nar ɓu̱ Pudeku 21:11

Nu̱ Agabus a ɓa ki she rem tu̱ da ɗye gu̱ndi mbu̱ var ɓu̱ Bulus. Tu̱ gu̱n kharanku ndu̱ saaranku nu̱gha tu̱ zu̱ za, “Wonji ɗyi nu̱ Jiimbi shakhshakhndi zu̱ki. ‘Yakhudeku nu̱ Urshalima ka gu̱n nu̱ ɗye gu̱ndi mbu̱ var nang nu̱ gha wanang, ka vu̱r nda nu̱ mbu̱ khar nduki nu̱ke ɗya Yakhudeku ɓa.’ ”

Tlu̱nar ɓu̱ Pudeku 21:13

Tu̱ Bulus tlogha za, “Nu̱m saki tun shi wanang? Nu̱m saki tun ki ghoori tun a su̱bu̱r memu̱nara? Ai, nga daasaran ma ku̱ gu̱ndi nga nu̱ gha ɗyenda ɓa, aa ka tlagha nga nu̱ gha Urshalima ku̱me dlu̱m Zhinerem gwaanji Yesu.”

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

Romeku 5:3

Yang nu̱ ching ye nang ɗyenda ɓa, chem a zhakhzhakh tu̱k mbu̱ bonye ɓaarem, nu̱ke chem wa zu̱n nu̱ ɗyine bonye wa ka sa gu̱ndi memu̱na.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

1 Korintiyeku 4:9

Ye nar ɓanga, chem pudeku chem ke gaɓtan gana mbe aa nu̱m, chem wa shipa nduki nu̱ dlaki kumar tlaghar mu̱ti ye wora ve dalangi. Chem wa kha ma ɗyi nu̱ke larji nang kap, ndu̱ nu̱ ru̱ktiku ɓu̱ Magham, nu̱ nduki saki yiti ye wora.

Afiseku 3:13

Ku̱me nang nga khutonu, ku̱ me bu̱nonu datl ku̱me bonye nu̱ke nga zaran ku̱me tun ɓa. Ai, bonye nu̱ke nga zaran nang ka kha ndu̱ zhaaji ye nu.

Filipiyeku 1:28

Sawa nu nu̱ zhangndiku ɓaanu ɓa; tun kha wang, nang ka wut ye wor nu̱ ɗyine ka su̱ya ku yang ɓaanu tun ka ɗana, ku̱me Magham ka shiki nang.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

1 Biturus 2:21

Jiwa Zhinkir gwaanji qa nu ku̱me pooni bonye nang. Masiya wa za bonye ku̱me tun tu̱k. Shir wanang wa njig dulbu yerem ma ku̱ mbu mi ɗyin saaran.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.