1 Tasalonikeku 3:13 - Mewar Alqawarang

¹³ Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 3:13 ပူးပေါင်းရင်းမြစ်များ

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Markus 8:38

Aaki tu̱kki kawar ɓanga, ndu̱ kawar wopar ɓalar ɓanga, mbu̱ qaandi virkir malkandi nu̱ song zhire ndu̱ khang solar kunang. Yi ɓu̱ nduk tu̱k kaa tu̱k kawar ɓaran mbu̱ aa ɓa mbu̱ zhaaji ɓu̱ Zhinkirang ndu̱ ɓu̱ nu̱ ru̱kti ku shakhshakhndi ɓu̱ Magham.”

Luka 1:6

Ku̱lmbu̱r ɓaanda ɗya nu̱ sawar Magham ku, wa ka khutlo Wopar ɓu̱ Magham ndu̱ zu̱r ɓaran wa nu̱ shipaki.

Romeku 14:4

To ki ɗo nu̱ke to ka kumaki maavi ɓu̱ njif nggurang na? Zhin nu̱ rafa ka kumaki nda. Yang wonji ka zu̱m loobo, ku̱me Zhinkir gwaanji ka ɗu̱ma sa nda tu̱ shi loobo.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Afiseku 5:27

Shi wanangang ku̱me sarchi nu̱ke chin ka ɓa daki tabar ɓu̱ nu̱ mburi nda kwang ye varan, ku̱ kha ndu̱ zhaaji maɗyi waare ru̱gna ndu̱ ɗyi nu̱ke mbar ma na ɓa, ku̱ kha shakhshakh waare beeko.

Filipiyeku 1:10

Gwar wanang ka shaata nu tun ɗu̱ma dat ɗyi nu̱ dukki mbaari, ku̱me ku̱ Fu̱ɗar ɓar ɓu̱ Masiya gwa nu wakaran, waare zop.

Kolosiyeku 1:22

Nu̱ ku̱nshe mu̱ti ɓu̱ Masiya mbu̱ man var nang Magham wa somta nu ye varan, ma ku̱ ɗa ɓa nu̱ tun gume nda, shibtan shakhshakh waare zop.

1 Tasalonikeku 2:19

Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

1 Tasalonikeku 3:11

Bu ku̱ Maghamndi ɓaarem ndu̱ Zhinerem nu̱ vaaran, ndu̱ Zhinerem gwaanji Yesu, daasa njiv ɓar ɓaarem she nu yerem.

1 Tasalonikeku 3:2

Chem wa ru̱k Timoti khaterem, nu̱ke a tlu̱nar ndu̱ chem mbu̱ tlu̱nar ɓu̱ Magham nu̱ wopar Labar mbarkandi ɓu̱ Masiya. Ma ku̱ pa du̱mbu̱r ye nu, tu̱ vu̱r shokhku̱rokh me bu̱n ye nu mbe maito ɓaanu,

1 Tasalonikeku 4:15

Chem a zu̱ran ye nu tu̱k ba wa nu̱ ɓalar ɓu̱ Zhinkir gwaanji zu̱ki. Chem nu̱ke ka ɓa gwaki rem ndu̱ nyifiri sarchi nu̱ke Zhinerem gwaanji ka ɗa gaɓki, chem ɓu̱ kaya nduki nu̱ mu̱tki jiiri ɓar mbe ɗyenirang sar da ɓa.

1 Tasalonikeku 4:17

Kom chem nu̱ke chem a nje ndu̱ nyifiri ye sarchi ni, ka da rem su̱yen ndu̱ wor mbu̱ ku̱zapti, ma ku̱ gama mi ndu̱ Zhinerem gwaanji mu̱na viɗi mbu̱ khu̱kheeti. Chem ka kha gha su̱yen ndu̱ Zhinerem gwaanji koɗokhsi ɓa.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

2 Tasalonikeku 1:10

Ɗyiku nang kap ka ɗal ye sarchi gaɓti ɓaran, nduki shakhshakhndi ka na zhaaji ɓaran, yang nu̱ mbu Yesu ku kap ka shi lazham ku ye fu̱ɗaran su̱yen ndu̱ tunu, nu̱ke tun wa maita saidu nyem shiki.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

2 Tasalonikeku 2:1

Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

Yaqub 5:8

Tun kha ndu̱ kanaɗyi tu̱k. Tun ching gha shanggu̱ɗang, ku̱me ɓar ɓu̱ Zhinkir gwaanji wa shi bing.

1 Biturus 5:10

Qu̱rse tun wa za bonye nang me sarchi koɗomma, Magham nu̱ mu̱nkir kap, chin nu̱ qaki nu ma gwa nu zhaaji su̱yen ndu̱ chin koɗokhsi ɓa mbe Masiya. Ka gaɓ ndu̱ tun tun kha nyeedlan, ka pa du̱mbu̱r ye nu tun ching gha shanggu̱ɗang.

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.