1 Tasalonikeku 2:4 - Mewar Alqawarang

⁴ Ba wa nu̱ Magham naki chem wa khu̱l ku̱ vu̱r tlu̱nar wopar Labar mbarkandi nang yerem yang chem a woparan. Chem a shiran ma mu̱n mi memu̱na nduk ɓa, chem a shim ku̱ memu̱na Magham kha mu̱n ndu̱ chem chin nu̱ zu̱nki ɗyin mbu̱ memu̱narem.

1 Tasalonikeku 2:4 ပူးပေါင်းရင်းမြစ်များ

Luka 12:42

Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.

Luka 16:11

Mbu̱ nun shi zhire mbe gu̱nar larji ɓa, ki ka vu̱rki gu̱nar zhirekandi ye nwa?

Yokhana 21:17

Tu̱ Yesu gaɓ tu̱k tu̱ zham nda nu̱ kunungan za, “Siman yi ɓu̱ Yokhana, ta ndola nga mu?” Tu̱ Biturus su̱bu̱r mban nu̱gha ku̱me ye zhamndi nu̱ kunungang Yesu wa zu̱ za, “Ta ndola nga mu?” Tu̱ gaɓ tu̱ tlogha za, “Zhinerem gwaanji ta zu̱n aa nu̱m kap, yang ta zu̱n tu̱k za nga ndola ro.” Tu̱ Yesu ze nda za, “Zu̱m ndu̱ ndu̱ɓangku ɓanga.

Romeku 8:27

Yang Magham nu̱ zu̱nki memu̱na nduku, wa zu̱n ɗyi nu̱ke Jiimbyang a shimndan, ku̱me Jiimbyang ka khuɗkya shimndi ɓu̱ Magham ye nduki ɓu̱ Magham.

1 Korintiyeku 7:25

Ɗyine ɓalar ɓu̱ wonkharku nu̱ke nu̱ shi ɓu̱rti ku ɓa, Zhinkir gwaanji nu̱ zu̱ tun ya ɗyinan ɓa, yang ɓala khara ye nar ɓanga nu̱ke tun wa maita nga mbe ɗaanar ɓu̱ Zhinkir gwaanji.

1 Korintiyeku 9:17

Mbu̱ nga shiran ku̱me shimndi ɓanga, tu̱ga wa ku̱s ku̱ ɓiiri nga. Yang nu̱ke nga shiran ku̱me shimndi ɓang ɓa, wa kha ma tlu̱nar ɓanga.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 5:11

Nu̱ke chem nu̱ sawar Magham, nang ke ɗyi nu̱ saki chem a me ɓaarem ma dut mi nduki ku̱ sawa nda tu̱k. Magham wa zu̱nderem kap, ngaa taman tun wa zu̱n ndu̱ nang mbu̱ memu̱na nu.

2 Korintiyeku 5:16

Ku̱me nang chem wa njig nggu̱t nduk mbu̱ manva wa nu̱ke nduk larji ka shiki, aa nu̱ke chem wa nggu̱t Masiya wanang zhu ɗau fara, yang gana chem ɓu̱ nggu̱ti nda nu̱ mbu̱ wanang tu̱k ɓa.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Galatiyeku 2:7

Yang wa na tlu̱nar nu̱ Magham vu̱rki ya ku, nu̱ wopar Labar mbarkandi ye ku̱rjiku nu̱ke su̱ wor dlaran ɓa, ba wa nu̱ vu̱rki ye Biturus ku̱ shi ye Yakhudekwang.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Afiseku 6:6

Shi nu tlu̱nar nar yiti, wa nduki nu̱ke a shim ku̱ nduki kuna wor ɓa, nu̱ke tun maavi ɓu̱ Masiya, shi ma ɗyi nu̱ke Magham a shimndan, ndu̱ memu̱na nu da.

Kolosiyeku 3:22

Tun maaviku, mbu ma zu̱r ɓu̱ zhinonu nu̱ rafa mbe aa nyi tunu. Ku̱ shi nu tlu̱nar nar yiti wa nduki nu̱ke a shim ku̱ nduki makhta wor ɓa, me ɓu̱ nang, tun shi tlu̱nar ɓaanu chele ɓaanu ndu̱ Magham, wa nu̱ke nu̱ sawar Magham ku ka shiki.

1 Timoti 6:20

Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

2 Timoti 1:14

Khutlo shogar zhirekandi nu̱ vu̱rki du̱ngdan ye ro nu̱ ku̱nshe shaatar ɓu̱ Jiimbi shakhshakhndi nu̱ke kharan mbe rem.

2 Timoti 2:2

Ɗyi no tu̱kki sha gume saidu ku khang, to shoga ye nduki nu̱ shir zhire ma ku̱ shoga ku ye nduki ngguri.

Titus 1:3

Tu̱ yang wut nu̱ dam mbu̱ sarchi nu̱ khaki torop mbe ɓalar ɓaran nu̱ke nga waazu ni, nu̱ vu̱rki du̱ngdan ya nu̱ ku̱nshe zu̱r ɓu̱ Magham Nu̱ Ɗanar rem.

Yibraniyeku 4:13

Tun a nje mbu̱ du̱ngdiku ɓu̱ Magham nu̱ke tukaran she nda ɓa. Aa nu̱m ndu̱ aa nu̱m qu̱ndan, a ye dalangi, a naran. Chem ka shiga su̱ ɗyi nyem shiki mbu̱ khar viti ɓaarem yenda.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.

Ɗyin mbu̱ tukari 2:23

Ngga tlagha nduki nu̱ke a mbu shogar ɓaran nu̱gha, nu̱ mbu Yesu ku kap ka zu̱n nu̱ ɗyine nga ke nu̱ laɓ mbu̱ kwaari ndu̱ memu̱na aaki. Yang ngga ɓi aaki ku̱rku̱r ndu̱ tlu̱nar ɓaran.