1 Tasalonikeku 2:19 - Mewar Alqawarang

¹⁹ Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

1 Tasalonikeku 2:19 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Markus 8:38

Aaki tu̱kki kawar ɓanga, ndu̱ kawar wopar ɓalar ɓanga, mbu̱ qaandi virkir malkandi nu̱ song zhire ndu̱ khang solar kunang. Yi ɓu̱ nduk tu̱k kaa tu̱k kawar ɓaran mbu̱ aa ɓa mbu̱ zhaaji ɓu̱ Zhinkirang ndu̱ ɓu̱ nu̱ ru̱kti ku shakhshakhndi ɓu̱ Magham.”

Yokhana 21:22

Tu̱ Yesu ze nda za, “Mbu̱ nang shim ku̱ mu̱t ɓa kope nga gaɓi, nu̱m ke ɓa mba na? Ɓa ba mburi nga!”

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

1 Korintiyeku 4:5

Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

2 Korintiyeku 1:14

Ba wa nu̱ke tun dakya mbu̱ tun koɗomma, tun ka ɓa da mbu̱ tun kap. Tun ka shi wakhti ndu̱ chem ba wa nu̱ke chem ka ɓa shiki wakhti ndu̱ tunu, sarchi nu̱ke Zhinerem gwaanji Yesu ka ɗa gaɓki.

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

Filipiyeku 4:1

Ku̱me nang, tun nyeezaku nang saki nu̱ ve memu̱nara aakochi, tang ki kasha na nga nu maɗyi, tun nun ka mu̱nki memu̱nara, tun nang ka shiki wakhti ndu̱ tunu. Nga khutonu tun ching gha shaanggu̱ɗang mbe Zhinkir gwaanji, tun nu̱ke nga ndolaran.

1 Tasalonikeku 2:20

Ai, tun ke ɗye zhaaji ɓaarem, ndu̱ kashar ɓaarem.

1 Tasalonikeku 3:13

Bu ku̱ Magham vu̱r shokhku̱rokh memu̱nar ye nu tun kha waare zop, shakhshakh gume nda nu̱ke chin ke Zhinerem, ye fu̱ɗar nu̱ke Zhinerem gwaanji Yesu ka ɗa gaɓki su̱yen ndu̱ nduki ɓaran shakhshakhndi ku.

1 Tasalonikeku 4:15

Chem a zu̱ran ye nu tu̱k ba wa nu̱ ɓalar ɓu̱ Zhinkir gwaanji zu̱ki. Chem nu̱ke ka ɓa gwaki rem ndu̱ nyifiri sarchi nu̱ke Zhinerem gwaanji ka ɗa gaɓki, chem ɓu̱ kaya nduki nu̱ mu̱tki jiiri ɓar mbe ɗyenirang sar da ɓa.

1 Tasalonikeku 5:23

Bu ku̱ Magham ndu̱ ɗyinan, chin nu̱ qaandi memu̱na, shibtonu nu̱ gha guma da. Bu ku̱ khutlo jiimbonu, ndu̱ nyifi ɓaanu, ndu̱ man vaanu kap, tun kha waare zop ye fu̱ɗar nu̱ke Zhinerem gwaanji Yesu Masiya ka ɗa gaɓki.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.

2 Tasalonikeku 1:7

yang tun nu̱ke a vu̱r bonye ye nu kwang, ka maasonu, ndu̱ chem kap. Ɗyi nang ka shi ye fu̱ɗar nu̱ Zhinerem gwaanji Yesu ka ɗa ɓa ki mbu̱ viɗi su̱yen ndu̱ zhizhonggir ɓai du̱mbu̱rkandi, ndu̱ nu̱ ru̱ktiku ɓu̱ Magham rututundi ku.

2 Tasalonikeku 2:1

Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yaqub 5:7

Ku̱me nang, nyeezaku, shi ma khar kanaɗyi ma ɓar ye sarchi nu̱ke Zhinkir gwaanji ka ɗa gaɓki. Nggu̱t ma pooni kaɗanyi nu̱ke nu̱ ghuti ka shiki sarchi nu̱ke a bu dam ɓaran ku̱ vu̱r boote mbarkandi. Wa ka shi kaɗanyi tu̱ bu romndi nu̱ gumapaali ndu̱ nu̱ gana.

Yaqub 5:8

Tun kha ndu̱ kanaɗyi tu̱k. Tun ching gha shanggu̱ɗang, ku̱me ɓar ɓu̱ Zhinkir gwaanji wa shi bing.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

2 Bitu̱rus 1:16

Ai, sarchi nyem zu̱ki labar wuti zalale ndu̱ ɓar ɓu̱ Zhinerem gwaanji Yesu Masiya ye nu chem a zu̱kya shinjiku ye nu nu̱ nduki dlaki mbu̱ ghu̱rti ɓaanda ɓa. Chem wa na zhaaji ɓaran ndu̱ yiterem.

2 Bitu̱rus 3:4

Ka zu̱ ku za, “Shwat, Yesu nu̱ shi alqawar za chin ka ɗa gaɓ ɓa goma? Yang, a fu̱n nda? Zhikanerem ku wa njig larji nang ku zhu ɗau, yang tun a nje nu̱ paataki ma nu̱ shiki larji ɓa.”

1 Yokhana 2:28

Leendang, tun qusonggi ɓang nu̱ke nga ndolaran zu̱m ma guma ndu̱ khar mbe Masiya, ku̱me fu̱ɗa ɓar ɓaran chem ɓu̱ tu̱k kawa ɓa chem ka kha ndu̱ shokhku̱rokh memu̱na gume nda.

Yakhuda 1:24

Makhtar wa kha chin nu̱ zalale kanggar nu ku̱ nggu̱ɗ nu shwat ɓa, tu̱ wuto nu waare beeko gume zhaaji ɓaran ndu̱ kashar maɗyikandi.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.

Ɗyin mbu̱ tukari 22:12

“Wonji, nga ɓar ɗau! Ngga ɗa ɓa ndu̱ ɗye ɓi ɓang khara, tang vu̱r ye aaki ku̱rku̱r ndu̱ ɗyi nu̱ tlu̱naki.