1 Tasalonikeku 2:15 - Mewar Alqawarang

¹⁵ Ɗya Yakhudeku tlaghaki Zhinerem gwaanji Yesu ndu̱ annabiku, tu̱ komba rem ku tu̱k. A su̱bu̱r memu̱na Magham ku maɗyi! A kare ndu̱ aaki ku!

1 Tasalonikeku 2:15 ပူးပေါင်းရင်းမြစ်များ

Matta 23:37

“Awai, Urshalima, Urshalima! Nu̱ tlaghar annabiku, nu̱ mbukti nduki na ru̱kki ye nu! Sar kim nga shimki kanggu̱la nga nu ba wa nu̱ke kuzha ka tabaki qusonggi ɓaran nu̱ mbu̱ khobkan, yang tun wa zhang gha.

Matta 27:25

Tu̱ ndukyang kap tlogha za, “Ku̱ taɗar tom ɓaran khan ɗyine rem ndu̱ qusonggi ɓaarem!”

Matta 5:12

Shi ma kashari tu̱ memu̱na nu shi ɓong maɗyi, ku̱me ɗye ɓi ɓaanu khang viɗi, aa annabiku na ɓa ki gume nu wa za bonyeku ba wanang.

Luka 24:20

Yang tu̱ kuru rututundiku ndu̱ dlegumeku ɓaarem vu̱r nda ma tlagha nda nu̱ gha, tu̱ yang kaatli nda ku.

Tlu̱nar ɓu̱ Pudeku 12:3

Nu̱ naki Yakhudeku wa kasha ɗyi nyin shikyang, tu̱ ku̱s Biturus tu̱k. Ku̱si nda sarchi tabar nji ɓurti tolir nu̱ke yis mban ɓa ndang.

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 4:10

zu̱n man gha, tun ndu̱ nduki nu̱ Israila kap. Khuski nang chingndan gha gume nu shaanaran ku̱me dlu̱m Yesu Masiya khuzi Nazaret nun katlki nda gha, tu̱ Magham ji ndu̱ chin mbe mu̱tang.

Tlu̱nar ɓu̱ Pudeku 5:30

Maghamndi ɓu̱ Zhikanerem wa ji ndu̱ Yesu ɓar mbe mu̱ti, chin nun tlaghaki nda nu̱ gha nu̱ ku̱nshe kaatli nun katlki nda nu̱ me qu̱far kaatlang.

Tlu̱nar ɓu̱ Pudeku 7:52

Annabyang nje nu̱ke zhikannu nu̱ vu̱r bonye yenda ɓa mu? Wor tlaghaki nduki nu̱ wopaki ɓar ɓu̱ nu̱ Jeembu nang, yang leendang tun vu̱rki nu̱ Jeembwang ɓar tun tlagha nda nu̱ gha.

1 Korintiyeku 10:5

Yang kap ndu̱ nang, nduki khang chele ɓaanda Magham nu̱ tu̱k mu̱ndi ɓaanda ɓa, tu̱ mu̱t ku lakhɓiɓi mbu̱ gaarang.

2 Korintiyeku 11:26

Mbu̱ khang yirku nang shiki nga me mu̱ti mbu̱ gaawuku, ndu̱ me mu̱ti mbu̱ khar nu̱ yetarku, ndu̱ me mu̱ti mbu̱ khar mu̱dla Yakhudeku, ndu̱ me mu̱ti mbu̱ khar nduki nu̱ke ɗya Yakhudeku ɓa. Sar khang nga me mu̱ti mbu̱ ghai gwaanjiku, ndu̱ me mu̱ti mbu̱ gureku, ndu̱ me mu̱ti mbu̱ gaawu gwaanji, ndu̱ me mu̱ti mbu̱ khar nduki nu̱ kotaki ku za wor nyeezerem.