1 Tasalonikeku 2:14 - Mewar Alqawarang

¹⁴ Jiwa nyeezaku, shoga ma tunu she tabar ɓu̱ nu̱ mbu Magham mbe Masiya Yesu, wor nu̱ke a mbu̱ dlar ghai Yakhudiya, nu̱ke tun wa za bonye kha nduki nu̱ mbu̱ ghai ɓaanu, ba wa nu̱ zaki ku mbu̱ khar Yakhudeku.

1 Tasalonikeku 2:14 ပူးပေါင်းရင်းမြစ်များ

Tlu̱nar ɓu̱ Pudeku 11:19

Yang tu̱ nu̱ mbu Yesu ku nu̱ lakhtaki ku̱me bonye na viki ku̱me tlaghar Istafanusang ɗu̱ mbu̱ dlar ghai Fonishiya, ndu̱ Saipurus ndu̱ ghai Antakiya tu̱ ki waazu ɓalar ɓu̱ Magham ye Yakhudeku ɗyenda.

Tlu̱nar ɓu̱ Pudeku 13:50

Tu̱ yang Yakhudekwang sokh nusuku nu̱ ghaari ghai ku nggur nu̱ke nduki a na zhaaji ɓaanda ndu̱ dlegumeku ɓu̱ nduki nu̱ mbu̱ ghayang. Tu̱ vu̱r bonyeku ye Bulus ndu̱ Barnaba, tu̱ komba wor ɓar mbu̱ dlar ghai ɓaanda.

Tlu̱nar ɓu̱ Pudeku 14:19

Yang nu̱ Yakhudeku nggur a jiiki Antakiya ndu̱ Ikoniya ta ɓa ku tu̱ za ɗyin ndukyang, tu̱ da ndogdi ku tu̱ mbuk Bulus tu̱ ku̱du̱r nda nu̱ qu̱rse ghayi a tamandan ku za wa mu̱ɗi.

Tlu̱nar ɓu̱ Pudeku 14:2

Yang tu̱ ɓeeni Yakhudeku nu̱ zhangki maitaran gha ɗu̱ tu̱ ɗa sokh nduki nu̱ke ɗya Yakhudeku ɓa tu̱ su̱bu̱r chele ɓaanda ndu̱ nu̱ mbu Yesu ku.

Tlu̱nar ɓu̱ Pudeku 14:4

Yang tu̱ nduki nu̱ mbu̱ ghayang shakh ku san rap. San da a gu̱n su̱ ye Yakhudekwang, san da a gaanje Pudekwang.

Tlu̱nar ɓu̱ Pudeku 14:5

Tu̱ nduki nu̱ke ɗya Yakhudeku ɓa ndu̱ Yakhudekwang su̱yen ndu̱ dlegumeku ɓaanda daasa ku ma wut palase ye Pudekwang ma mbuk wor ndu̱ ndogdiku.

Tlu̱nar ɓu̱ Pudeku 17:13

Yang ba nu̱ Yakhudeku nu̱ke a Tasalonika tu̱kki za Bulus a wopa Labar Mbarkandang ɓu̱ Magham mbu̱ ghai Biriya, tu̱ ɗu̱ ku tu̱ ɗa sokh nduki nje, a da khangkal ɓaanda nu̱ viɗi.

Tlu̱nar ɓu̱ Pudeku 18:12

Yang sarchi nu̱ Galiyo zu̱mki kwaaɗar ghai Akaya, tu̱ Yakhudeku taba ɗyin wor tu̱ nggu̱ɗ nu̱ ve Bulus ku tu̱ ɗu̱ ndu̱ chin gume kumari.

Tlu̱nar ɓu̱ Pudeku 8:1

Yang Shawulu a nje ye maarang a gu̱n su̱ tlaghar Istafanus nu̱ shikikwang. Ye sarchi nang, tu̱ nu̱ mbu Yesu ku nu̱ke a Urshalima za bonye maɗyikandi. Tu̱ lakhta wor nu̱ mbu̱ dlar ghai Yakhudiya ndu̱ Samariya tu̱ njigkya ba Pudekwang ɗyenda mbu̱ Urshalima.

Tlu̱nar ɓu̱ Pudeku 8:3

Yang ɓu̱ Shawulu, tu̱ ku̱s vu̱r bonye maɗyikandi ye nu̱ mbu Yesu ku. Tu̱ ki viri rafa rafa, a ku̱di nusuku ndu̱ khuzuku, a khi wor gha zhaaru̱m.

Tlu̱nar ɓu̱ Pudeku 9:1

Yang ɓu̱ Shawulu ba a zu̱m guma ndu̱ vu̱r bonye ye nu̱ mbu Yesu ku a shim tlagha wora. Tu̱ ɗu̱ she dle gume ɓu̱ kurukwang,

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Tlu̱nar ɓu̱ Pudeku 9:31

Kom tu̱ nu̱ mbu Yesu ku nu̱ Yakhudiya ndu̱ Galili ndu̱ Samariya gwa qaandi memu̱na. Tu̱ me bu̱n wor shi shokhku̱rokh tu̱ gwa du̱mbu̱r ku ku̱nshe shaatar ɓu̱ Jiimbi shakhshakhndi. Tu̱ shaata ku maɗyi, a khar ɓaanda ndu̱ sawar Zhinkirang.

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 7:17

Yang aa kikimndi, ku̱ aaki shi pooni khar viti nu̱ke Zhinerem gwaanji vu̱rki yenda. Nang ke ɗyi nu̱ke nga shim shoga nga ye tabar ɓu̱ nu̱ mbu Yesu ku kap.

Galatiyeku 1:22

Yang ye sarchi naandang, tabar ɓu̱ nu̱ mbu Masiya nu̱ke a mbu̱ ghai Yakhudiya, nu̱ zu̱ndi nga ku yiti ndu̱ yiti ɓa.

1 Tasalonikeku 1:1

Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

1 Tasalonikeku 1:6

Yang tun wa da ɗyin sarerem, ndu̱ ɓu̱ Zhinkir gwaanji, tun wa dlu̱ ɓalar ɓu̱ Magham ndu̱ kashar nu̱ke Jiimbi shakhshakhndi ka saki ye nduku, aa nu̱ke tun wa za bonye maɗyi.

1 Tasalonikeku 3:4

Jiwa sarchi nu̱ke chem a su̱yen ndu̱ tunu chem wa za zu̱ran ye nu, nyem za chem ka za bonye. Tu̱ yang ɗyen kha wanang, ba wa nun zu̱nki.

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.