1 Tasalonikeku 2:13 - Mewar Alqawarang

¹³ Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

1 Tasalonikeku 2:13 ပူးပေါင်းရင်းမြစ်များ

Matta 10:20

Ku̱me ɗya tun kya ɓalarang ɓa, Jiimbi ɓu̱ Zhinkir ɓaanu kya ɓalarang nu̱ ku̱n she nu.

Matta 10:40

“Njif nu̱ dlu̱ki nu, dlu̱kya nga, yang njif nu̱ dlu̱ki nga dlu̱kya njif nu̱ ɗa ru̱kki nga.

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Luka 5:1

Sarchi ngguri Yesu chingndan gha me ɗyim chitndi nu̱ Janisarat. Tu̱ ndukiku ku̱s ba songndi nu̱ she nda ma tu̱k ɓalar ɓu̱ Magham.

Luka 8:11

“Wonji mbakhti mbu̱ ku̱rti ɓalarang: Ye poonang ɗya ɓalar ɓu̱ Magham.

Luka 8:21

Tu̱ Yesu tlogha ye wor za, “Kap nduki nu̱ tu̱kki ɓalar ɓu̱ Magham, tu̱ shi tlu̱nar si ku, wor ke mankir ɓanga ndu̱ khata ku.”

Yokhana 15:3

Aa leendang tun shakhshakh ku̱me ɓalar nang zu̱ki ye nu.

Yokhana 17:17

Ku̱ kha wakaran ku Shakhshakh mbe zhire; ɓalar ɓa ke zhire.

Yokhana 17:19

Nga kha wakaran ku̱me wora, nga shim ku̱ gwa wakar zhirekandi ku.”

Tlu̱nar ɓu̱ Pudeku 10:33

Nang ke ɗyi nu̱ saki tang ru̱k nu̱ sho ɗau, yang wa shi mbar nu̱ke ta ɓa. Yang leendang wonji rem gume Magham ma tu̱k mi ɗyi nu̱ke zu̱ki za zu̱na yerem.”

Tlu̱nar ɓu̱ Pudeku 13:48

Nu̱ nduki nu̱ke ɗya Yakhudeku ɓa tu̱kki wanang, tu̱ kasha ku maɗyi, tu̱ vu̱r zhaaji ye ɓalar ɓu̱ Magham tu̱ nduki nu̱ datki wora ma gwa nyifi nu̱ke ɓu̱ shi woɗa ɓa ndang maita ku.

Tlu̱nar ɓu̱ Pudeku 16:14

Yang nokhzi nggur a nje nu̱ sawar Magham nu̱ gwaki dlu̱mndan yerem dlu̱man za Lidiya. Ɗya ye Tiyatira, wa ka masa kaparku nu̱ me mu̱zhindi ɓara ɗya pooni kaparku nu̱ka yobki nu̱ gha vyang garara. Tu̱ Zhinkir gwaanji qu̱n memu̱naran nu̱gha, tu̱ gwa dlu̱mndan ye Bulus a tu̱k ɗyi nu̱ke a zu̱ran.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Tlu̱nar ɓu̱ Pudeku 17:32

Nu̱ tu̱kki ɓalar dar nda nu̱ viɗi mbe mu̱ti tu̱ ɓeenan shi ɓalar ndu̱mndi yenda, yang tu̱ ɓeenan zu̱ za, “Chem a shim tu̱k mi ɗyi nu̱ke to ka zu̱ki ɗyine ɓalar nang tu̱k.”

Tlu̱nar ɓu̱ Pudeku 2:41

Tu̱ Biturus shi baptisme ye nduki nu̱ dlu̱ki ɓalarang, tu̱ gwa shaatar nduki nu̱ khu̱lki du̱pu kunung ye fu̱ɗaranang.

Tlu̱nar ɓu̱ Pudeku 8:14

Nang ɗo, nu̱ pudeku nu̱ke a Urshalima tu̱kki za dlar ghai Samariya wa dlu̱ ɓalar ɓu̱ Magham ku, tu̱ ru̱k Biturus ndu̱ Yokhana ye wora.

Romeku 10:17

Ku̱me nang, maito ka ɓa nu̱ ku̱nshe tu̱kti labarang, yang nduk ka tu̱k labar nang nu̱ ku̱nshe ɓalar ɓu̱ Masiya.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

Galatiyeku 4:14

Aa nu̱ke pooni khaati nang shikyang aa ɓa ndu̱ damtar ye nu maɗyi, kap ndu̱ nang nun ndu̱mndi nga ɓa yang nun zhang nggu̱ti nga gha ɓa. Tun wa dlu̱ri nga ba wa no za nga nu̱ ru̱kti ɓu̱ Magham nu̱ ɗa zhurki viɗi, tun dlu̱ri nga ba wa nun dlu̱ki Masiya Yesu nu̱ varan.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

Yibraniyeku 4:12

Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Yaqub 1:18

Magham shimki ku̱ kha rem ku̱nshe ɓalar ɓaran zhirekandi ma ku̱ duk mi ɗyiku nyin du̱ngki ndu̱ zhaaji.

1 Biturus 1:23

Jiwa tun wa gwa mewar khari. Yang mewar nyifi ɓaanu nang tun gwa she pooni nu̱ke wa ka mu̱t ɓa, tun gwa she pooni nu̱ke nu̱ka shi mu̱t ɓa. Kha nu nu̱ ku̱nshe ɓalar ɓu̱ Magham nu̱ke nyifiri a si yang nu̱ka shi mu̱ti ɓa.

1 Biturus 1:25

yang ɓalar ɓu̱ Magham a nje aakochi koɗokh si ɓa.” Ɓalar nang chin ke Labar mbarkandi nu̱ shiki waazu ni ye nu.

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.