1 Tasalonikeku 2:10 - Mewar Alqawarang

¹⁰ Tun wa saida rem, Magham wa saida rem tu̱k ku̱me pooni khar nyem shiki chele ɓaanu, tun nu̱ mbu Yesu ku, chem wa shi khar ɓaarem wakaran, ndu̱ dambi, nu̱ke ɗyi nggur a nje nu̱ke nduk ka pu̱zki rem ɗyinan ɓa.

1 Tasalonikeku 2:10 ပူးပေါင်းရင်းမြစ်များ

Luka 23:41

Yang kumar nu̱ shiki yeremang wa shi torop, ku̱me chem a za kya ɓu̱r ɓu̱ ɗyi nyem shiki. Yang ɓu̱ njif nang nu̱ shi zop nggur aa da ɓa.”

Tlu̱nar ɓu̱ Pudeku 20:18

Nu̱ ɗa ɓa ki ku tu̱ ze wor za, “Tun nu̱ vaanu tun wa zu̱n pooni khar nang shiki ndu̱ tunu ji ɗyin sarchi nang viki nu̱ mbu̱ dlar ghai Asiya nu̱ gumapaali.

Tlu̱nar ɓu̱ Pudeku 20:26

Ku̱me nang nga zu̱ran ye nu meeni, tom ɓu̱ aaki a nje ɗyina ɓa,

Tlu̱nar ɓu̱ Pudeku 24:16

Nang ke ɗyi nu̱ saki aakochi nga wute mbu̱ memu̱nara ku̱ kha nga mba rap rap ɓa yang damtar nggur nje chele ɓang ndu̱ Magham ndu̱ nduk ɓa.

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 11:11

Yang nga shikya zhangndo nu nang zu̱ki wanangang mu? Magham wa zu̱n nga ndola nu.

2 Korintiyeku 11:31

Magham nu̱ke chin ke Zhin Zhinerem gwaanji Masiya Yesu. Nu̱ke barke a ve dlu̱man koɗokhsi ɓa! Wa zu̱n nga shikya wollo ɓa.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 5:11

Nu̱ke chem nu̱ sawar Magham, nang ke ɗyi nu̱ saki chem a me ɓaarem ma dut mi nduki ku̱ sawa nda tu̱k. Magham wa zu̱nderem kap, ngaa taman tun wa zu̱n ndu̱ nang mbu̱ memu̱na nu.

2 Korintiyeku 7:2

Wut ma ndolar yerem ɓa. Ai, nyem sola aa nu̱m ye nu ɓa, nyem su̱bu̱r aaki ɓa, yang nyem shi batal ye aaki ɓa.

1 Tasalonikeku 1:5

ku̱me Labar mbarkandi nyem a ɓa ki su̱ ye nu. Nu̱ ɗa ɓa ye nu mbe ɓala ɗyenda ɓa, aa ɓa ye nu ndu̱ zalala, ndu̱ Jiimbi shakhshakhndi ndu̱ zhire nyelkandi shwat. Tun wa zu̱n pooni khar nyem shiki chele ɓaanu ma ku̱ gwa nu boote ni.

1 Tasalonikeku 2:5

Tun wa zu̱n nu ɗyine, nyem wutkya mu̱ndi ɓala ye nu ɓa, yang nyem melakh ɗyi nggur kha nu chem shim ku̱ tuka mi melakh ɓaarem gha ɓa. Magham ke saidu ɓaarem ɗyine nang.

2 Tasalonikeku 3:7

Ai, tun ndu̱ ɗyinonu tun wa zu̱n nu̱ ɗyine wa shipa ku̱ shoga nu ɗyi nu̱ke chem a shiran, ku̱me sarchi nu̱ke chem a su̱yen ndu̱ tunu, nyem kha gha bam ɓa,

1 Timoti 4:12

Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

2 Timoti 3:10

Leendang ta woɗa ta zu̱n shogar ɓanga, ndu̱ ɗye shir mbarkandi ɓanga, ndu̱ ku̱rti ɓanga, ndu̱ maito, ndu̱ kaɗanyi, ndu̱ ndolari, ndu̱ sar memu̱nar mbe kanaɗyi nang ka shiki.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.