1 Tasalonikeku 1:8 - Mewar Alqawarang

⁸ Ku̱me ɓalar ɓu̱ Zhinkir gwaanji wa ɗu̱ aa fu̱n ku̱me tunu, nu̱ ɗu̱ mbu̱ ghai Makidoniya ndu̱ Akaya ɗyenda ɓa, nduki kap wa zu̱n maito ɓaanu mbe Magham, aa nyem zu̱ aa nu̱m nu̱ ɗyinan ɓa.

1 Tasalonikeku 1:8 ပူးပေါင်းရင်းမြစ်များ

Tlu̱nar ɓu̱ Pudeku 18:12

Yang sarchi nu̱ Galiyo zu̱mki kwaaɗar ghai Akaya, tu̱ Yakhudeku taba ɗyin wor tu̱ nggu̱ɗ nu̱ ve Bulus ku tu̱ ɗu̱ ndu̱ chin gume kumari.

Romeku 1:8

Gumapaali nga kuna Maghamndi ɓanga nu̱ ku̱nshe Yesu Masiya ku̱me tun kap, nu̱ke labar maito ɓaanu wa ɗu̱ aa fu̱n mbu̱ larji.

Romeku 15:26

Tabar ɓu̱ nu̱ mbu Yesu ku nu̱ke a Makidoniya ndu̱ Akaya wa kasha vu̱rti ɗyiku ma shaatar nduki ɓu̱ Magham nu̱ke a mbu̱ song far mbu̱ ghai Urshalima.

Romeku 16:19

Aaki wa tu̱k ɓalar dlu̱r Labar mbarkandi nun shiki tun a mburan, nang wa sa tang kasha nu. Yang nga shim ku̱ kha nu ndu̱ kaɗari mbe ɗyi mbarkandi, tun kha waare zop mbe aa nyi ɗyi nu̱ke malkandi.

1 Korintiyeku 14:36

Woɗye nggaasi ɓalar ɓu̱ Magham ɗyine nu mu, yang a ɓa ye nu tun ɗyenda mu?

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

2 Korintiyeku 3:4

Chem zu̱ nang ku̱me chem wa zu̱n nu̱ ɗyine shwat ɗyen wanang she Magham nu̱ ku̱nshe Masiya.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.

2 Tasalonikeku 3:1

Ye lauɗar san, nyeezaku, shi ma barar yerem ma ku̱ ɓalar ɓu̱ Zhinerem gwaanji dlu̱ maari ɗau ɗau, tu̱ gwa zhaaji ba wa nu̱ gwaki chele ɓaanu.

1 Timoti 2:8

Nga shim aakochi ku̱ khuzuku aa fu̱n ghar khar wor shakhshakhndi nu̱ viɗi a bararku waare shokhnar ndu̱ keele.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

3 Yokhana 1:12

Aaki wa zu̱ saidu mbarkandi ɗyine Dimitiriyus, zhire ndu̱ ɗyinan wa saida nda. Aa chem ma chem wa saida nda, yang ta zu̱n nu̱ ɗyine saidu ɓaaremang ɗya zhire.

Ɗyin mbu̱ tukari 14:6

Tang na nu̱ ru̱kti ɓu̱ Magham nggur a jiiri mbu̱ khu̱kheeti, khubtan ndu̱ ru̱kti nu̱ Labar mbarkandi nu̱ke koɗokhsi ɓaandang. Ma woparan ye nduki nu̱ larji, wor ke, dlar maa ɓu̱ nduki kap, ndu̱ pooni nduki, ndu̱ me ghai, ndu̱ nduki.

Ɗyin mbu̱ tukari 22:17

Jiimba ndu̱ Wonkhar nu̱ke a ma ɓu̱rti a zu̱ran ku za, “A ɓo!” Yang kap njif nu̱ tu̱kki, ku̱ zu̱ tu̱k za, “A ɓo!” Kap njif nu̱ke a tu̱k khuzhumndi ku̱ ɗa ɓa, kap njif nu̱ke a gangndan ku̱ dlu̱ ɗyim nu̱ka vu̱rki nyifiri mu̱nki.