1 Tasalonikeku 1:5 - Mewar Alqawarang

⁵ ku̱me Labar mbarkandi nyem a ɓa ki su̱ ye nu. Nu̱ ɗa ɓa ye nu mbe ɓala ɗyenda ɓa, aa ɓa ye nu ndu̱ zalala, ndu̱ Jiimbi shakhshakhndi ndu̱ zhire nyelkandi shwat. Tun wa zu̱n pooni khar nyem shiki chele ɓaanu ma ku̱ gwa nu boote ni.

1 Tasalonikeku 1:5 ပူးပေါင်းရင်းမြစ်များ

Markus 16:20

Tu̱ nu̱ mburindakwang ɗu̱ tu̱ ku̱s zu̱ labar mbarkandang nu̱ aa fu̱n. Magham a tlu̱nar su̱yen ndu̱ wora. A wut zhire ɓu̱ ɓalarang nu̱ ku̱nshe ɗye saidu ndu̱ ɗye lazham ku nu̱ke a shir mbu̱ waazu ɓalarang. Amin. (Ku̱ shi wanang.)

Luka 1:1

Nu̱ke nduki khang wa shi bu̱lar ɗyine ɗyiku nu̱ shiki chele ɓaarem,

Tlu̱nar ɓu̱ Pudeku 11:21

Nu̱ke zalale ɓu̱ Zhinerem gwaanji a nje su̱yen ndu̱ wora, tu̱ nduki khang maita, tu̱ ɗa gaɓ nu̱ she Zhinerem gwaanji.

Tlu̱nar ɓu̱ Pudeku 16:14

Yang nokhzi nggur a nje nu̱ sawar Magham nu̱ gwaki dlu̱mndan yerem dlu̱man za Lidiya. Ɗya ye Tiyatira, wa ka masa kaparku nu̱ me mu̱zhindi ɓara ɗya pooni kaparku nu̱ka yobki nu̱ gha vyang garara. Tu̱ Zhinkir gwaanji qu̱n memu̱naran nu̱gha, tu̱ gwa dlu̱mndan ye Bulus a tu̱k ɗyi nu̱ke a zu̱ran.

Tlu̱nar ɓu̱ Pudeku 2:33

Wa vu̱r zhaaji yenda a bu̱n zu̱ma ɓu̱ Magham, tu̱ ɗa dlu̱ Jiimbi shakhshakhndi nu̱ Zhin shiki alqawaranang ta zu̱n ɗyinerem, nang ke ɗyi nu̱ke tun a naran ndu̱ tu̱ktan.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

1 Korintiyeku 1:24

Yang she nduki nu̱ Magham qaki wora aa ɗya Yakhudeku aa nduki nu̱ke ɗya Yakhudeku ɓa, Masiya ke zalale ɓu̱ Magham ndu̱ kaɗari ɓaran.

1 Korintiyeku 10:33

Tun shi ba wa nang ka shiki. Nga shim ku̱ aaki tu̱k mu̱ndi mbu̱ ɗyi nu̱ke nga shiran kap, yang nga shiran ku̱me ɗyina ɓa, nga shiran ma boote ɓu̱ aaki ma ku̱ nduki khang gwa ɗanar ku.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

1 Korintiyeku 3:6

Nga kaɓki, tu̱ Apolos batl ɗyimi, yang Magham saki kaɓtang tu̱ gori.

1 Korintiyeku 4:20

Ku̱me kwaaɗar ɓu̱ Magham ɗya maghar ɓala ɓa ɗo, ɗya zalale nu̱ke a nje si.

1 Korintiyeku 9:14

Wanang tu̱k, Zhinkir gwaanji wa zu̱ za nu̱ tlu̱nar Labar Mbarkandang ku̱ gwa ɗye khar viti ɓaanda nu̱ ku̱nshe tlu̱nar ɓaanda.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

Galatiyeku 2:2

Nga ɗu̱ ku̱me Magham wa wut ya za ɗu̱ nga, nang khu̱lki tang qa dlegumeku ɓu̱ nu̱ mbu Yesu kwang nu̱ konggol tang zu̱ su̱ Labar mbarkandi nang wopaki ye nduki nu̱ke ɗya Yakhude ku ɓa ndang ye wora. Nga shi wanang ku̱me nang shim ku̱ tlu̱nar nang shiki ndu̱ nu̱ke nga shiran kha bam ɓa.

Galatiyeku 5:5

Yang ɓaarem, chem wa sa memu̱narem nu̱ ɗyine Magham ka sa chem gwa khar waare sola gume nda. Nang ke ɗyi nu̱ke chem a buran nu̱ ku̱nshe Jiimbi shakhshakhndi nu̱ke a tlu̱nar mbe maitar Masiya nyem shiki.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Afiseku 3:20

Leendang ku̱ zhaaji kha Magham nu̱ke ka ɗu̱ma shi ɗyi nu̱ke chem ɓu̱ ɗu̱ma shigaran ɓa, ka ɗu̱ma shi dukti ɗyi nyem khuɗki ndu̱ nyem korki, ba wa nu̱ke zalale ɓaran a tlu̱nar mberem.

Filipiyeku 2:13

Jiwa Magham kya tlu̱nar mbu̱ memu̱na nu, viɗ ɗyine ku̱rti shimndi ɓaran, ma ku̱ shi nu ɗyi nu̱ dlu̱ki mban.

Filipiyeku 4:9

Shi ma boote ndu̱ ɗyi nun shogaki tun dlu̱ ye vaanu ndu̱ ɗyi nun tu̱kki, ɗyi nun naki mbya. Shir wanang ka sa tu̱ Magham nu̱ vu̱rti qaandi memu̱na kha gha su̱yen ndu̱ tunu.

Kolosiyeku 2:2

Yang nga shi nang ma ku̱ gwa du̱mbu̱r ku tu̱ gonta ɗyin wor mbe ndola. Gwar ɗyiku nang ka sa tu̱ gwa gu̱nar gwaanji nu̱ maito nu̱ke memu̱nar rap rap si ɓa nu̱ dar mbu̱ ɗyi tukakandi ɓu̱ Magham nang ke Masiya ndu̱ varan.

1 Tasalonikeku 2:13

Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

2 Timoti 2:8

Kor nu̱ ɗyine Yesu Masiya nu̱ jiiki ndu̱ chin ɓar mbe mu̱ti, a viki me sham ɓu̱ Dauda. Nang ke Labar mbarkandi nu̱ke nga woparanang.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.

2 Bitu̱rus 1:19

Ɗyiku nang wa kha torop ndu̱ ɓalar ɓu̱ annabiku. Wa shi mbar ku̱ gaɓ nu ndu̱ khangkal ɓaanu nu̱ ɗyin ɓalar nang ma ku̱ kha wa ɓai nu̱ke a vu̱r yarang mbu̱ zhum maari kope sarchi nu̱ke maa ɗatlki. Sarchi nu̱ yarang ɓu̱ pazar ɗatli maa viki ye nu mbu̱ memu̱na nu.