1 Tasalonikeku 1:3 - Mewar Alqawarang

³ Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 1:3 ပူးပေါင်းရင်းမြစ်များ

Yokhana 14:15

“Mbu̱ tun a ndola nga, tun ka mbu zu̱r ɓanga.

Yokhana 15:10

Nga mbu zu̱r ɓu̱ Zhinkir ɓang tang khan mbu̱ ndolar ɓaran tu̱k. Wanang tu̱k mbu̱ tun wa mbu Woparku ɓang tun ka khan mbu̱ ndolar ɓanga.

Tlu̱nar ɓu̱ Pudeku 10:31

Tu̱ zu̱ ya za, ‘Korneliyus Magham wa tlogha su̱ barar ndu̱ shaatar nu̱ nungndiku nu̱ke ta shiran, Magham a kwaroro ku̱men.

Tlu̱nar ɓu̱ Pudeku 3:19

Ku̱me nang, nggoɗ ma, tun gaɓ nu̱ she Magham ma ku̱ shiɓ solar ɓaanu ye nun gha. Zhinerem gwaanji nu̱ke a su̱yen ndu̱ tunu ka pa du̱mbu̱r ye jiimbonu tu̱ memu̱nanu kha mewa,

Romeku 12:12

Tun shi zhakhzhakh mbe sar memu̱nar nu̱ke tun a san, tun kha ndu̱ kanaɗyi mbe bonye, ki ma barar aakochi.

Romeku 15:13

Bu ku̱ Maghamndi nu̱ka vu̱rki sar memu̱nari, nyeedlonu ndu̱ kashari ndu̱ qaandi memu̱nari wa nu̱ke tun a maita nda, ma ku̱ kha nu ndu̱ sar memu̱nar nyelkandi, nu̱ ku̱nshe zalale ɓu̱ Jiimbi shakhshakhndi.

Romeku 15:4

Jiwa kap ɗyi nu̱ bu̱laki zhu mbu̱ bu̱lar Ɓalar ɓu̱ Magham bu̱la ma shoga tun yerem. Ma ku̱ kha mi ndu̱ sar memu̱na mbe kaɗanyi, ndu̱ par du̱mbu̱r nu̱ke bu̱lar Ɓalar ɓu̱ Magham a vu̱rtan yerem ku̱me gwami sar memu̱na.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 16:6

Shi ma qaandi ye Maryam chin nu̱ shiki tlu̱nar maɗyikandi ye nu.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

1 Korintiyeku 13:13

Yang leendang ɗyiku kunungndi nang a nje shwat, wor ke: Maito, sar memu̱nari, ndu̱ ndola, yang chele ɗyi kunungndi nang, ndola dukki gwaari.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 5:13

Nyeezaku, ɓaanu qa nu ma ku̱ ɗyinonu vi. Yang shi ma laya laya ma ku̱ vi ɗyin nun gwaki nang kha ma njiv mbu shimndi ɓu̱ manva ɓa. Me ɓu̱ nang bu ku̱ sa tun shi tlu̱nar wuti ndolar ye yen.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Galatiyeku 6:9

Ku̱me nang ku̱ nggum mi ndu̱ shir ɗyi mbarkandi ɓa. Sarchi a nje a ɓari nu̱ke chem ka ɓa gwaki boote nu̱ke barke a si.

1 Tasalonikeku 3:6

Yang wonji Timoti a gaɓ nu̱ she rem ndu̱ labar mu̱nkandi ɗyine maito ɓaanu ndu̱ ndolar ɓaanu. Wa ze rem tu̱k za tun a kwaari mbarkandi ɗyine rem tu̱k aakochi, tun a kasha ku̱ na nu rem ba wa nu̱ke chem a kasha ku̱ na mi nu tu̱k.

2 Tasalonikeku 1:11

Mbe kwaari ɗyiku nang chem a barar ye nu aakochi nu̱ ɗyine ku̱ Maghamndi ɓaarem sa tun shi khar viti nu̱ khaki dlu̱ran ndu̱ qar nu̱ qaki nu maaran. Bu ku̱ sa tun shi ɗyi mbarkandiku kap nun shimki shiran, nu̱ ku̱nshe zalale ɓaran tu̱ nyel tlu̱nar maito ɓaanu.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

1 Timoti 2:3

Ɗyi nang mbari, ku̱me Magham nu̱ Ɗanar ɓaarem wa ka tu̱k mu̱ndan maɗyi,

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

Yibraniyeku 11:17

Maito saki Yibram, sarchi nu̱ buuki nda, tu̱ vu̱r Yishaku ɓar ma dla sadke. Nang wa wut nu̱ ɗyine chin nu̱ dlu̱ki alqawarang wa daasa ma vu̱r nji woi ɓaran kaada fengtu̱lengndang ɓara.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yibraniyeku 4:11

Ku̱me nang, shi mi ɗyi nu̱ke chem ka shiki kap ma vi mi nu̱ mbu̱ maasi nang. Ku̱ aaki ku̱na viri nu̱ mban wa nu̱ ku̱naki ku ku̱me zhangndi tu̱kti maa ɓa.

Yibraniyeku 6:15

Qu̱rse Yibram wa gu̱n memu̱naran ndu̱ kaɗanyi maɗyi, wa dlu̱ ɗyi nu̱ shiki alqawaran yendang.

1 Biturus 3:4

Me ɓu̱ nang ku̱ viri ɓaanu kha ma viri nu̱ke a memu̱na nu, chin ke viri nu̱ ɓu̱tokh memu̱na ndu̱ ku̱si ɗyin, nu̱ke nu̱ka shi vi ɓar ɓa, yang ɗya ɗye zhaaji maɗyikandi she Magham.

1 Yokhana 3:18

Tun qusonggi ɓang nu̱ke nga ndolaran wut nu ndolar ɓaanu ve me ɗyenda ɓa, wut ma mbu̱ tlu̱nar ɓaanu ndu̱ shir zhire.

1 Yokhana 3:21

Raptaku nu̱ke nga ndolaran, mbu̱ memu̱narem nu̱ wut yerem za chem zopan ɓa, chem ka kha ndu̱ shokhku̱rokh memu̱na gume Magham.

1 Yokhana 3:3

Kap njif nu̱ saki memu̱naran nu̱ ɗyine Masiya wa ka shi khar shakhshakhndi wa nu̱ke chin shakhshakh.

1 Yokhana 5:3

Jiwa ndolar Magham chin ke, shir ɗyi nu̱ Magham zu̱ki za shem, yang ɗyi nu̱ka zu̱ki za shi myang shar ɓa,

Ɗyin mbu̱ tukari 2:19

Nga zu̱n ɗye shirku ɓaaro, ndu̱ ndolar nu̱ maito ɓaaro. Nga zu̱n tlu̱nar nu̱ke ta shiran ndu̱ sar memu̱nar mbe kanaɗyi ɓaaro. Nga zu̱n tlu̱nar nu̱ke ta shiran leendang wa duk nu̱ gumapaalyang.

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.