1 Tasalonikeku 1:10 - Mewar Alqawarang

¹⁰ tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

1 Tasalonikeku 1:10 ပူးပေါင်းရင်းမြစ်များ

Matta 1:21

Ka kha ye khusku, yang to ka qa dlu̱man Yesu, ku̱me chin ka ɗanaki nduki ɓaran mbe solarku ɓaanda.”

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 3:7

Yang nu̱ Yokhana naki Pariseku ndu̱ Sadukeku khang a ɓar she nda ma ku̱ shi baptisme ye wora, tu̱ ze wor za, “Tun ye ghu̱ɓtiku! Kya wuuki nu za ɗa nu shokhnar ɓu̱ Magham nu̱ke a ɓara na?

Luka 2:25

Yang ku̱maandi nggur a nje Urshalima dlu̱man za Simiyon, ɗya nu̱ jeembu ndu̱ komkomi ghaari ghai ye Magham. A bu ɓar ɓu̱ Masiya ma du̱ng memu̱na Israila, Jiimbi shakhshakhndang nje ɗyine nda.

Luka 3:7

Ku̱me nang, tu̱ Yokhana ze tabar nduki nu̱ ɗa ɓa ki ma ku̱ shi baptisme ye wora za, “Tun pooni khuskarku! Ki wuuki nu za ɗa nu shokhnar ɓu̱ Magham nu̱ kya ɓara na?

Tlu̱nar ɓu̱ Pudeku 1:11

Tu̱ nduki rapndang zu̱ za, “Nduki nu̱ Galili, nu̱m saki tun ching gha fan tun a nggu̱t maa viɗang na? Ba chin Yesu nu̱ daki nda ɓar she nu ma yir viɗ nang kaɗa gaɓ ba wa nun naki yir ɓaran.”

Tlu̱nar ɓu̱ Pudeku 17:31

Ku̱me wa sa sarchi nu̱ke chin ka kumaki larji mbe zhire nu̱ ku̱nshe njif nggur nyin datki. Magham wa wut zhire ni shwat nu̱ daki nda nu̱ viɗi nu̱ nyifiri mbe mu̱ti.”

Tlu̱nar ɓu̱ Pudeku 2:24

Yang tu̱ Magham ji ndu̱ chin ɓar mbe mu̱ti, tu̱ lawa nda ɓar mbe zalale ni. Ku̱me ɓu̱ shi ku̱ mu̱ti khubti nda ɓa.

Tlu̱nar ɓu̱ Pudeku 2:32

Magham wa ji ndu̱ Yesu nang ɓar mbe mu̱ti, yang chem nang kap saidu zhire ɓu̱ ɗyiku nang.

Tlu̱nar ɓu̱ Pudeku 3:15

Tun tlagha njif nu̱ke ɗya dlu̱dlarsi nyifi. Yang Magham wa ji ndu̱ chin ɓar mbe mu̱ti, chem ke saidu ɓu̱ ɗyiku nang.

Tlu̱nar ɓu̱ Pudeku 3:21

Wa ku̱s ku̱ Yesu khan mbu̱ viɗi, ma yir sarchi nu̱ke ka gaɓki ndu̱ aa nu̱m tu̱ kha mewa, ba wa nu̱ Magham zu̱ki zhu tang nu̱ ku̱nshe annabiku ɓaran shakhshakhndi.

Tlu̱nar ɓu̱ Pudeku 4:10

zu̱n man gha, tun ndu̱ nduki nu̱ Israila kap. Khuski nang chingndan gha gume nu shaanaran ku̱me dlu̱m Yesu Masiya khuzi Nazaret nun katlki nda gha, tu̱ Magham ji ndu̱ chin mbe mu̱tang.

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 4:25

Vu̱r Yesu ɓar tu̱ mu̱t ku̱me solarku ɓaarem, yang ji ndu̱ chin ɓar mbe mu̱ti tu̱ kha ndu̱ nyifiri ma ku̱ kha mi waare zop gume Magham.

Romeku 8:34

Ki khu̱lki ma ku̱ kuma mu̱ti ye wora? Masiya Yesu nu̱ mu̱tki, dukti nang, tu̱ ji mbe mu̱ti, yang a nje kharan ɗyin bu̱n zu̱ma ɓu̱ Magham, chin kya khuɗ Magham yerem.

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

Galatiyeku 3:13

Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”

Filipiyeku 3:20

Yang chem qusa kwaaɗar mbu̱ viɗi. Chem a bu ɓar ɓu̱ Nu̱ ɗana rem fara mbu̱ viɗi, chin Zhinerem gwaanji Yesu Masiya.

Kolosiyeku 1:18

Chin kya khar ɗyin man varan, man varang ke tabar ɓu̱ nu̱ mbu Yesu. Chin ke nggarsi, chin ke nu̱ gumapaali nu̱ jiiki mbe mu̱ti tu̱k, ma ku̱ kha ma nu̱ gumapaali mbe aa nu̱m ndu̱ aa nu̱m.

1 Tasalonikeku 1:7

Shir wanang tu̱ sa nu tun kha ma ɗye shoga she nu̱ mbu Yesu ku nu̱ mbu̱ ghai Makidoniya ndu̱ Akaya.

1 Tasalonikeku 2:16

A nggu̱tlerem ku za ku̱ shi mi waazu ye nduki nu̱ke ɗya Yakhudeku ɓa ma ku̱ gwa ɗanar ku ɓa. Ɗyi nu̱ke a shiran kwang a sa solar ɓaanda ku̱ kha nyeedlan aakochi. Yang shokhnar ɓu̱ Magham a ɓa ɗyine wora ye lauɗarsan.

1 Tasalonikeku 2:7

yang chem wa wut ɓu̱tokh memu̱na chele ɓaanu, ba wa nu̱ke manki ka nggu̱tki qusonggi ɓaran.

1 Tasalonikeku 5:9

Jiwa Magham nu̱ shim ku̱ shokhnar ɓaran a ɓa nu̱ ɗyine rem ɓa, shimkya ku̱ gwa mi ɗanari nu̱ ku̱nshe Zhinerem gwaanji Yesu Masiya.

2 Timoti 4:1

Nga ɓalar nang yor gume Magham ndu̱ Masiya Yesu, nu̱ke ka ɓa kumaki nu̱ nyifiri ku ndu̱ nduki nu̱ mu̱tki, nu̱ pitl gaɓti ɓaran ndu̱ kwaaɗar ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Yibraniyeku 10:27

Me ɓu̱ nang kumar a nje nu̱ke ɗya ɗye sawa su̱yen ndu̱ gu̱rgu̱r ɓai nu̱ke ka ɓa vaki nu̱ zhangndiku ɓu̱ Magham.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

1 Biturus 1:3

Barke wa kha Magham, Zhin Zhinerem gwaanji Yesu Masiya! Chin tu̱kki zhiyaye ɓaarem maɗyi, tu̱ vu̱r mewar nyifi yerem ndu̱ sar memu̱nar nu̱ nyifiri nu̱ ku̱nshe jiiri ɓu̱ Yesu Masiya ɓar mbe mu̱ti.

1 Biturus 2:21

Jiwa Zhinkir gwaanji qa nu ku̱me pooni bonye nang. Masiya wa za bonye ku̱me tun tu̱k. Shir wanang wa njig dulbu yerem ma ku̱ mbu mi ɗyin saaran.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

2 Bitu̱rus 3:12

Tun shi khar ɓaanu tun a kasha ɓar ɓu̱ fu̱ɗar ɓu̱ Magham. Tun shim ku̱ fu̱ɗar nang a ɓa ɗau, nang ke, fu̱ɗar nu̱ke maa viɗi ka ɓa vaki mbu̱ ɓai. Ɗyiku nu̱ shiki mu̱na viɗi ndu̱ maa vu̱ghai sang, ka yela ku tu̱ su̱ya mbu̱ ɓaiyang.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.