1 Tasalonikeku 1:1 - Mewar Alqawarang

¹ Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

1 Tasalonikeku 1:1 ပူးပေါင်းရင်းမြစ်များ

Tlu̱nar ɓu̱ Pudeku 15:22

Tu̱ Pudekwang ndu̱ dlegumeku ndu̱ tabar ɓu̱ nu̱ mbu Yesu kwang kap na wa shipa ku̱ dat nda nduki chele ɓaanda, tu̱ ru̱k wor ma yir Antakiya su̱yen ndu̱ Bulus ndu̱ Barnaba. Tu̱ dat Yakhuda nu̱ka qaki nda Barsaba, su̱yen ndu̱ Sila, nu̱ke ɗya dlegumeku ɓu̱ tabar nu̱ mbu Yesu ku.

Tlu̱nar ɓu̱ Pudeku 15:27

Ku̱me nang, chem wa ru̱k Yakhuda ndu̱ Sila she nu. Wor ka zu̱ki zhire ɓu̱ ɗyi nu̱ke chem bu̱laki ye nu nang ndu̱ me wora.

Tlu̱nar ɓu̱ Pudeku 15:40

Tu̱ Bulus dat Sila. Qu̱rse nu̱ mbu Yesu ku wa khuɗ ku̱ mu̱nkir ɓu̱ Zhinkir gwaanji khutlo wora, tu̱ vi ku ma yirang.

Tlu̱nar ɓu̱ Pudeku 16:19

Nu̱ nduki ɓu̱ wonkhar nang naki njiv gwar mu̱zhindi ɓaanda wa za, tu̱ ku̱s Bulus ndu̱ Sila ku, tu̱ ɗu̱ ndu̱ wor me gomari gume nu̱ kumar ku.

Tlu̱nar ɓu̱ Pudeku 16:25

Chele virkiri, Bulus ndu̱ Sila a bararku ndu̱ taazi gwaari dlu̱m Magham. Ɓeeni nduki nu̱ke a nje khiiran mbu̱ zhaaru̱mang a ngga dlu̱mndi wor ye wora.

Tlu̱nar ɓu̱ Pudeku 16:29

Tu̱ nu̱ nggu̱ti maarang zu̱ za ku̱ ɗa ɓa ndu̱ pitile. Tu̱ zhan mbu tu̱ ɗa nggu̱ɗ nu̱ gume Bulus ndu̱ Sila, varan a dlu̱rti ku̱me sawa.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Tlu̱nar ɓu̱ Pudeku 18:5

Sarchi nu̱ Sila ndu̱ Timoti a jiiki ku Makidoniya, tu̱ Bulus vu̱r sarchi ɓaran kap ye waazu, a wutan ye Yakhudeku za shwat Yesu ke Masiya.

Tlu̱nar ɓu̱ Pudeku 19:22

Tu̱ ru̱k nu̱ shaatar nda ku wor rap, wor ke Timoti ndu̱ Erastus, ku̱ ɗu̱ ku Makidoniya, chin yang, tu̱ kha gha dong mbu̱ dlar ghai Asiya.

Tlu̱nar ɓu̱ Pudeku 20:4

Tu̱ Sopata yi ɓu̱ Farus na viki ghai Biriya, ndu̱ Aristakus ndu̱ Sakundus, nduki nu̱ Tasalonika, ndu̱ Gayus na jiiki Darbe, ndu̱ Timoti ndu̱ Tikikus ndu̱ Tu̱rofimus nduki nu̱ Asiya bala nda ku.

Romeku 1:7

Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

2 Korintiyeku 1:19

Jiwa Yi ɓu̱ Magham Yesu Masiya, nu̱ke nga ndu̱ Sila ndu̱ Timoti shiki waazu ɓaran ye nu, ai ɗya, “E” ndu̱ “O'o” ɓa, mbe nda ɗya “E” aakochi.

Galatiyeku 1:2

Nyeezerem nu̱ke a su̱yen ndu̱ nga fan, kap a qaandi ye tabar ɓu̱ nu̱ mbu Yesu ku nu̱ke a Galatiya.

Galatiyeku 1:22

Yang ye sarchi naandang, tabar ɓu̱ nu̱ mbu Masiya nu̱ke a mbu̱ ghai Yakhudiya, nu̱ zu̱ndi nga ku yiti ndu̱ yiti ɓa.

Afiseku 1:2

Ku̱ mu̱nkir ndu̱ qaandi memu̱nar nu̱ ka viki she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Kolosiyeku 1:1

Lagarkati nang a vi she Bulus, pude ɓu̱ Masiya Yesu mbe shimndi ɓu̱ Magham, su̱yen ndu̱ Timoti, mu̱dlerem.

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

1 Timoti 1:2

ma yir she Timoti nu̱ khaki ma woi ɓang mbu̱ maito nang. Ku̱ mu̱nkir ndu̱ nar zhiyayi ndu̱ qaandi memu̱nar nu̱ka viki she Magham Zhinki ndu̱ Masiya Yesu Zhinerem gwaanji kha gha su̱yen ndu̱ to.

2 Timoti 1:2

Ma yir she Timoti yi ɓanga nu̱ke nga ndolaran. Mu̱nkir, ndu̱ nar zhiyaye, ndu̱ qaandi memu̱nar na viki she Magham Zhinki ndu̱ Masiya Yesu Zhinerem gwaanji ku̱ kha gha su̱yen ndu̱ to.

Yibraniyeku 13:23

Nga shim ku̱ zu̱n nu nu̱ ɗyine wa ngga mu̱dlerem Timoti gha zhaaru̱m. Mbu̱ a ɓa ɗau, chem ka ɗa ɓa su̱yen ma na nga nu.

1 Biturus 5:12

Nga bu̱la lagarkati koɗommandi nang ye nu ndu̱ shaatar ɓu̱ Sila, nu̱ke nga da nda ɗya khachinkir maitokandi yang nga na wa khu̱l ku̱ qa nga nda nu̱ shir zhire. Nga pa du̱mbu̱r ye nu, wut nga yenu nang ke mu̱nkir ɓu̱ Magham zhirekandi. Ku̱me nang ching man mbe mu̱nkir ɓu̱ Magham nang ndu̱ du̱mbu̱r.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.