1 Korintiyeku 9:1 - Mewar Alqawarang

¹ Woɗye zalala nje khara de? Nga pude ɓu̱ Yesu tu̱k ɓa goma? Nang na Yesu Zhinerem gwaanji ndu̱ yita de? Tun nang kap tun maita Yesu nu̱ ku̱n sha ɓa goma?

1 Korintiyeku 9:1 ပူးပေါင်းရင်းမြစ်များ

Tlu̱nar ɓu̱ Pudeku 13:2

Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 14:14

Yang nu̱ pudeku nang, Barnaba ndu̱ Bulus tu̱kki wanang, tu̱ ɓyakh luktiku ɓaanda nu̱ gha ku̱me su̱bu̱rti memu̱na. Tu̱ ɓu̱tl nu̱ mbu̱ tabar ndukyang ɗyin ɗa a zu̱ran ku za,

Tlu̱nar ɓu̱ Pudeku 14:4

Yang tu̱ nduki nu̱ mbu̱ ghayang shakh ku san rap. San da a gu̱n su̱ ye Yakhudekwang, san da a gaanje Pudekwang.

Tlu̱nar ɓu̱ Pudeku 23:11

Nu̱ virkir shiki tu̱ Zhinerem gwaanji ching gha bing ndu̱ Bulus tu̱ ze nda za, “Gu̱n memu̱naro, ku̱me ba wa no saidaki nga mbu̱ ghai Urshalima, to ka saida nga wanang tu̱k mbu̱ ghai Roma.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Tlu̱nar ɓu̱ Pudeku 9:17

Kom tu̱ Khananiya ɗu̱ tu̱ ɗa vi nu̱ mbu̱ raftang. Nu̱ du̱ngki kharan nu̱ ɗyine Shawulu, tu̱ zu̱ za, “Mu̱dla Shawulu Zhinerem gwaanji Yesu nu̱ wutki varan yoro yiti njiv nu̱ke ta ɓarang a ru̱kki nga. Ru̱ktang ma gwana nar maari tu̱k tu̱ nyeedlor ndu̱ Jiimbi shakhshakhndi.”

Tlu̱nar ɓu̱ Pudeku 9:3

A mbu̱ yirang, nu̱ shiki bing ndu̱ Damaskus, ba fan ndu̱ fan, tu̱ wuti maari na viki viɗi shi yarang ye maa nu̱ke a sang.

Tlu̱nar ɓu̱ Pudeku 9:5

Tu̱ Shawulu shi zhamndi za, “To kiya, Zhinkir gwaanji?” Tu̱ su̱qura ɓalarang tlogha yenda za, “Nga ke Yesu nu̱ke ta vu̱r bonye yendang.

Romeku 1:1

Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 11:13

Leendang nga ɓalarang ndu̱ tun nu̱ke tun Yakhudeku ɓa. Mbu̱ ba nga ke pude ɓu̱ Yesu nu̱ ɗa ru̱kki nga nu̱ she nu, nga da tlu̱nar ɓang ndu̱ zhaaji,

1 Korintiyeku 1:1

Lagarkati nang a vi sha, nga Bulus nu̱ Magham qaki nga ma ku̱ kha nga ma pude ɓu̱ Masiya Yesu, kom ndu̱ mu̱dlerem Sostanus.

1 Korintiyeku 10:29

Nga ɓalarang ɗyine kwaari nu̱ memu̱na nu ɓa, nga shiran ndu̱ kwaari nu̱ mbu̱ memu̱na njifang. Yang bai njif nggur ka zu̱ za “Yang nu̱m saki kwaari nu̱ memu̱na njif nggur ka nggu̱tlki nga shir khalandi ɓanga?

1 Korintiyeku 10:30

Mbu̱ nga zu̱m ɗye zu̱mndi ɓang ndu̱ kuna, nu̱m ka saki tu̱ nduk ndu̱mndi nga nu̱ ɗyine ɗyi nang zu̱mki su̱yen nu̱ kunar Maghama?”

1 Korintiyeku 11:16

Mbu̱ njif nggur a ma keele ɗyine ɓalar nang, wa shipa ku̱ zu̱n nu̱ ɗyine me ghai nggur a nje khaarem ɓa, yang a nje kha ɓeeni tabar ɓu̱ nu̱ mbu Yesu ku nggur ɗyine ɗyi nang ɓa.

1 Korintiyeku 3:6

Nga kaɓki, tu̱ Apolos batl ɗyimi, yang Magham saki kaɓtang tu̱ gori.

1 Korintiyeku 9:19

Aa nu̱ke nga maavi ɓu̱ aaki ɓa, nga gaɓ ndu̱ ɗyina ma maavi ɓu̱ aaki, ma a dut nga nduki khang mbu̱ ngga ɗu̱ma.

2 Korintiyeku 10:7

Nggu̱t ma ɗyi nu̱ke a nje ye dalang ɓa! Mbu̱ nduk a nje nu̱ tamanki za chin ɓu̱ Masiya, ku̱ njif nang kor tu̱k nu̱ ɗyine chem ɓu̱ Masiya tu̱k.

2 Korintiyeku 11:5

Nang taman za nduki nun ka qaki wor za “pudeku rututundi” nang wa dukti nga ndu̱ aa nu̱m ɓa.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

Galatiyeku 5:1

Masiya dli ɗyineremang ma ku̱ kha mi vaarem zu̱ran. Ku̱me nang tun ching gha shaanggu̱ɗang, vu̱r nu vaanu ma tlu̱nar maava tu̱k ɓa.

1 Tasalonikeku 2:6

Yang nyem laɓ ku̱ nduki makhta rem ɓa, nyem laɓ ku̱ makhta nu rem ɓa yang nyem laɓ she nduki nggur zum ɓa. Aa nu̱ke mbu̱ chem wa shimi, tu̱ga chem wa shi boote ndu̱ zalale nu̱ke a kha rem ye khar ɓaarem pudeku ɓu̱ Masiya. Chem tu̱k chem wa du̱ng taɗar ɓaarem nu̱ ɗyine nu,

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.