1 Korintiyeku 8:6 - Mewar Alqawarang

⁶ yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

1 Korintiyeku 8:6 ပူးပေါင်းရင်းမြစ်များ

Matta 11:27

“Zhinkir ɓang wa vu̱r aa nu̱m ya kap nduk nje nu̱ zu̱nki woyang ɓa kope Zhinkirang, yang tu̱k nduk nje zu̱nki Zhinkirang zum ɓa kope woyang, kom ndu̱ njif nu̱ woyang shimki ku̱ wutnji nda yenda.

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Yokhana 1:10

Tu̱ kha mbu̱ larji, aa nu̱ke shi larjyang nu̱ ku̱nshe nda, yang kap ndu̱ nang, larji nu̱ zu̱n nda ɓa.

Yokhana 1:3

Shi aa nu̱m nu̱ ku̱nshe nda, tun a nje nu̱ du̱ngki mbu̱ ɗyiku nu̱ shiki kunang waare chin ɓa.

Yokhana 10:30

Nga ndu̱ Zhinkirang chem da.”

Yokhana 13:13

Tun a qa nga Maalu̱m, ndu̱ Zhinonu gwaanji. Na torop, ku̱me nga wanang.

Yokhana 14:20

Ye fu̱ɗar nandang tun ka zu̱nki za nga mbe Zhinkir ɓanga, tun yang tun a mbya, ngaa mbe nu.

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Tlu̱nar ɓu̱ Pudeku 17:28

‘Ai, chin saki chem kha ndu̱ nyifiri, chem ki qushumndi, chem a nje kharan.’ Ba wa ni nu̱ qar taazi ku ɓaanu zu̱ki ku za, ‘Shwat, chem pooni ɓaran.’

Tlu̱nar ɓu̱ Pudeku 2:36

“Ku̱me nang, bu ku̱ Israila kap zu̱n nu̱ ɗyine chin Yesu nun katlki nda gha nang, Magham wa gaɓ ndu̱ chin ma Zhinkir gwaanji ndu̱ Masiya shwat.”

Tlu̱nar ɓu̱ Pudeku 5:31

Yang Magham wa vu̱r zhaaji yenda ku̱ khan ve bu̱nan nu̱ zu̱ma tu̱ kha ma dle gume ndu̱ nu̱ ɗanari, ma ku̱ qu̱n njiv ye Israila ku̱ nggoɗ ku tu̱ yaapa solar ɓaanda ye wora.

Romeku 11:36

Jiwa aa nu̱m a vi she nda, nu̱ ku̱nshe nda, kom ma yir she nda tu̱k. Bu ku̱ zhaaji kha Magham koɗokhsi ɓa. Amin.

1 Korintiyeku 1:2

Ma yir she tabar ɓu̱ nu̱ mbu Magham ku nu̱ke a mbu̱ ghai Koranti. Tun nu̱ qaki nu ma ku̱ kha nu wakaran mbe Yesu Masiya Zhinerem gwaanji ndu̱ Zhinkir ɓaanu gwaanji tu̱k.

1 Korintiyeku 12:3

Ku̱me nang nga shim zu̱n nu nu̱ ɗyine, nduk a nje nu̱ke Jiimbi shakhshakhndi a mbu ndu̱ chin nu̱ke ka zu̱ki za, “Wa mi pontori ɓu̱ Yesu! Ɓa.” Yang nduk a nje tu̱k nu̱ke ka zu̱ki za, “Yesu ɗya Zhinerem gwaanji” ɓa, kope Jiimbi shakhshakhndi a mbu ndu̱ chin.

1 Korintiyeku 6:13

Yang ɓeenan ka zu̱ tu̱k za, “Shi ɗye zu̱mi ku̱me maa mbu, shi maa mbu tu̱k ku̱me ɗye zu̱mi,” yang ɗo, Magham ka ɓa su̱ya wor nu̱gha kap. Nu̱ shi manva ma zawa ɓa, shir nda ku̱me Zhinerem gwaanji, man varang ɗya ɓu̱ Zhinerem gwaanji.

1 Korintiyeku 8:4

Ɗyine ɓalar ɗye zu̱mndi nu̱ka vu̱rki ye mu̱lu̱mku nang, chem wa zu̱n nu ɗyine, mbu̱ larji nang kap, mu̱lu̱m ɗya aa nu̱m ɓa, chem wa zu̱n Magham kaada, yang Maghamndi nggur a nje tu̱k ɓa.

Afiseku 1:3

Barke wa kha Magham shwat, chin Zhinkir ɓu̱ Zhinerem gwaanji Yesu Masiya! Magham nu̱ vu̱rki barke yerem mbu̱ kwaaɗar ɓaran nu̱ mbu̱ viɗi nu̱ ku̱nshe Masiya, tu̱ vu̱r aa nyi barke nu̱ mbu̱ Jiimba yerem tu̱k.

Afiseku 3:14

Ku̱me nang nga kurum gha gume Zhinerem nu̱ mbu̱ viɗi,

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

1 Biturus 1:21

Tun wa maita Magham nu̱ ku̱nshe nda chin nu̱ jiiki ndu̱ chin ɓar mbe mu̱ti tu̱ vu̱r zhaaji yenda. Ku̱me nang maito ɓaanu ndu̱ sar memu̱nar ɓaanu a mbe Magham.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.