1 Korintiyeku 7:17 - Mewar Alqawarang

¹⁷ Yang aa kikimndi, ku̱ aaki shi pooni khar viti nu̱ke Zhinerem gwaanji vu̱rki yenda. Nang ke ɗyi nu̱ke nga shim shoga nga ye tabar ɓu̱ nu̱ mbu Yesu ku kap.

1 Korintiyeku 7:17 ပူးပေါင်းရင်းမြစ်များ

1 Korintiyeku 4:17

Yang nga ru̱k Timoti woi nu̱ke nga ndola nda nu̱ she nu ku̱men, ɗya nu̱ shir zhire mbe Zhinerem gwaanji. Ka kor ɗyi nu̱ke nga shiran ye nu mbe mbu Masiya Yesu nu̱ke nga shiran, ba wa nang ka shogaki ɓar ye tabar ɓu̱ nu̱ mbu Yesu ku aa fu̱n.

1 Korintiyeku 7:24

Nyeezaku, aa nduk ɗya nu̱m sarchi nu̱ qaki nda, ku̱ kha wanang su̱yen ndu̱ Magham.

2 Korintiyeku 8:18

Chem a ru̱kti nda ku̱ ɗa ɓa she nu su̱yen ndu̱ mu̱dlerem nu̱ke aa nyi tabar ɓu̱ nu̱ mbu Yesu ku a kuna nda ku̱me wopar Labar Mbarkandang.

2 Korintiyeku 11:28

Yang qu̱rse ɓeeni ɗyiku zum zum, nga damtaran ndu̱ ɗyi nu̱ke tabarku ɓu̱ nu̱ mbu Yesu a mban.

1 Korintiyeku 7:18

Njif nu̱ qaki nda tu̱ gwa wa dla san nu̱gha, ku̱ shim kha nji waare dlarsi ɓa. Yang tu̱k njif nu̱ke Magham qaki nda tu̱ gwa nda nu̱ dla san ɓa, ku̱ laɓ ku̱ dla san yenda nu̱ gha ɓa.

1 Korintiyeku 7:7

Nga shim tu̱ga ku̱ aaki kha wa nga, yang aaki nu̱ pooni vu̱rti nu̱ Magham shiki yenda, njif ngguri Magham wa vu̱r ɗyi nggur yenda, tu̱ vu̱r ɗyi nggur zum ye njif ngguri.

1 Korintiyeku 14:33

Maghamndi ɓaarem ɗya nu̱ rokhdla ɓa, ɗya nu̱ ɓar ndu̱ qaandi memu̱na. Wa nu̱ke a nje mbu̱ tabar ɓu̱ nu̱ mbu Yesu ku kap.

Matta 19:12

Nduki a nje nu̱ khaki wor su̱ ve wor ɓa. Nduki a nje tu̱k nu̱ke nduki shiki ye wor wanang, yang nduki a nje tu̱k nu̱ zhangki ɓu̱rti gha ku̱me ndolar kwaaɗar mbu̱ viɗi. Nu̱ dar mbu̱ ɓalar nang ku̱ da mban.”

1 Korintiyeku 16:1

Leendang, ɗyine ɗyi nun bu̱laki ya ɗyine ɓalar mu̱zhindi nu̱ke tun ka tabaki ma shaata nduki ɓu̱ Magham ku nu̱ke a Yakhudiya. Wa ku̱s ku̱ shi nu ba wa nang zu̱ki ye tabarku ɓu̱ nu̱ mbu Yesu ku nu̱ke a Galatiya ku̱ shi ku.

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 11:16

Mbu̱ njif nggur a ma keele ɗyine ɓalar nang, wa shipa ku̱ zu̱n nu̱ ɗyine me ghai nggur a nje khaarem ɓa, yang a nje kha ɓeeni tabar ɓu̱ nu̱ mbu Yesu ku nggur ɗyine ɗyi nang ɓa.

1 Korintiyeku 11:34

Mbu̱ yang njif nggur a tu̱k meeri, ku̱ zu̱m ɗye zu̱mndi ɓaran kaari, ku̱ tabar ɓaanu a ɓa ndu̱ kumar ye nu ɓa. Ɓeeni ɗyikwang, mbu̱ nga ɓa ngga zu̱ ɗyi nu̱ke a nje ye nu.

Galatiyeku 1:22

Yang ye sarchi naandang, tabar ɓu̱ nu̱ mbu Masiya nu̱ke a mbu̱ ghai Yakhudiya, nu̱ zu̱ndi nga ku yiti ndu̱ yiti ɓa.

1 Tasalonikeku 2:14

Jiwa nyeezaku, shoga ma tunu she tabar ɓu̱ nu̱ mbu Magham mbe Masiya Yesu, wor nu̱ke a mbu̱ dlar ghai Yakhudiya, nu̱ke tun wa za bonye kha nduki nu̱ mbu̱ ghai ɓaanu, ba wa nu̱ zaki ku mbu̱ khar Yakhudeku.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.