1 Korintiyeku 6:9 - Mewar Alqawarang

⁹ Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

1 Korintiyeku 6:9 ပူးပေါင်းရင်းမြစ်များ

Matta 19:29

Yang tu̱k, kap njif nu̱ njigki raftiku, aa khachinku khuzuku, aa khachin nusuku, aa ku̱maandi ɓaran, aa mankir ɓaran, aa qusonggi ɓaran, aa damku ɓaran, ku̱me dlu̱ma. Ka gwa dukti ɓu̱ nang sar won, yang tu̱k tu̱ gwa nyifiri nu̱ke ɓu̱ shi woɗa ɓa.

Matta 25:34

“Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Luka 21:8

Tu̱ Yesu tlogha ye wor za, “Ku̱r ma va nu, ku̱me ku̱ nduk lamba nu ɓa. Nduki khang ka ɗa ɓa ku mbu̱ dlu̱ma a zu̱ran ku za, ‘Wor ke nga,’ yang, ‘Sarchi wa shi bing.’ Sar da mbu nu wor ɓa.

Tlu̱nar ɓu̱ Pudeku 20:32

“Yang leendang, nga sa nun mbu̱ khar Magham. Bu ku̱ ɓalar mu̱nkir ɓaran khutlo nu, chin ka du̱nki nu, tu̱ vu̱r me shakhti ɗye mbu̱ ge ɓaanu ye nu su̱yen ndu̱ nduki nu̱ wakaki var wora.

Tlu̱nar ɓu̱ Pudeku 24:25

Ye sarchi nang tu̱ Bulus shi ɓalar ɗyine tlu̱nar dambi, ndu̱ dukti du̱mbu̱r ɓu̱ shimndi ɓu̱ man va, ndu̱ kumar nu̱ke a ɓar fu̱ɗar wuri. Tu̱kti ɗyikunang tu̱ Feliks tu̱k sawa, tu̱ ze Bulus za, “Leendang goɓu. Mbu̱ nga gwa sarchi ngga ɓa qa ro.”

Romeku 1:18

Jiwa a wut shokhnar ɓu̱ Magham mbu̱ viɗi ɗyine song sawar Magham, kom ndu̱ tlu̱nar mu̱narku ɓu̱ nduki nu̱ka zhangki zhire gha ku̱me tlu̱nar malkandi ɓaanda.

1 Korintiyeku 15:33

Ku̱ nduk lamba nu ɓa! “Khar ndu̱ nu̱ mu̱narku wa ka sa nduk mbarkandi tu̱ gaɓ ma nduk malkandi.”

1 Korintiyeku 15:50

Nyeezaku, ɗyi nu̱ke nga zu̱ranang chin ke, ɓu̱ shi ku̱ man vaarem nu̱ke ɗya dlu ndu̱ tom gwa kwaaɗar ɓu̱ Magham ɓa, yang ɗyi nu̱ka mu̱tlki ɓu̱ kha wa ɗyi nu̱ke nu̱ka mu̱tl ɓa ɓa.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

1 Korintiyeku 5:1

Nga gwa labaran za nu̱ zawarku a nje chele ɓaanu, za njif nggur wa qan ndu̱ nokhzi zhin, yang aa chele nduki nu̱ke nu̱ zu̱n Magham ku ɓa nyem tu̱k za nduk wa shi pooni ɗye shir malkandi nang ɓa.

1 Korintiyeku 5:10

Nga ɓalarang ye nduki nu̱ song zu̱ndi Magham ku ɓa, yang nga shiran tu̱k ndu̱ nu̱ khape ku, ndu̱ nu̱ muuri ku, ndu̱ nu̱ ghaari ghai ye mu̱lu̱mku nu̱ mbu̱ larji nang zum ɓa. Mbu̱ nga shiran nu̱ wora, wa ku̱s ku̱ njig nu larji nang guma da.

1 Korintiyeku 5:11

Yang nga bu̱laran ye nu nu̱ ɗyine mbu̱ nduk a nje nu̱ke ɗya mu̱dlonu nu̱ mbu Yesu, yang ɗya nu̱ zawa, ku̱ kha nu ndu̱ chin ɓa. Yang mbu̱ ɗya nu̱ khape, aa a gharkya ghai ye mu̱lu̱m, aa ɗya nu̱ gu̱ndi virki, aa ɗya nduk kuyakandi, aa nu̱ muuru, zu̱m nu ɗye zu̱mndi ndu̱ pooni ndukiku nang ɓa.

1 Korintiyeku 6:10

Nu̱ muuri ku, ndu̱ nu̱ khape ku, ndu̱ nu̱ me kuyar ku, ndu̱ nu̱ gu̱ndi virkir ku, ndu̱ nu̱ batal ku nu̱ke ka viki nu̱ mbu̱ kwaaɗar ɓu̱ Magham ɓa.

1 Korintiyeku 6:18

Ɗa ma tlu̱nar zop! Solar nu̱ke nduk ka shiki kap ɓu̱ su̱ɓa man varan ɓa, yang njif nu̱ shiki zop wa su̱bu̱r man varan nu̱gha.

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

1 Korintiyeku 9:24

Tun wa zu̱n mbu̱ nduki a palam ɗari, chele ɓu̱ nu̱ ɗar kwang, aakya wuta ku̱ peeta nji mu̱dlen, yang nduk kaada ka gwaki ɗye ɓiirang ɓa goma? Ki ma pooni ɗar nu̱ke ka saki tun gwa ɗye ɓiirang ɗo.

2 Korintiyeku 12:21

Nga sawa Magham sarchi na nga gaɓki ka sa tang tu̱k kawa gume nu. Nga kawa ghoori nu̱ke ngga shiki ku̱me nduki khang nu̱ shiki zop zhu, yang nu̱ nggoɗ ku tu̱ njig tlu̱nar zop, ndu̱ zawar ndu̱ ɗyiku nu̱ shipaki nang ɓa.

Galatiyeku 6:7

Ku̱ lamba nu ɗyinonu ɓa, nduk nu̱ ka shi me ghu̱m ye Magham ɓa. Ɗyi nu̱ nduk kaɓki kap, ka ku̱mkya ba chin.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

Yibraniyeku 12:14

Shi ma ɗyi nu̱ke tun ka ɗu̱maki ma ku̱ kha nu mu̱n ndu̱ aaki, tun kha shakhshakh, ku̱me nduk a nje nu̱ke ka naki Magham waare khar shakhshakhndi ɓa.

Yibraniyeku 12:16

Ku̱r ma vaanu mbari ma ku̱ aaki kha ma nu̱ zawa ɓa, yang ku̱ kha nu ndu̱ song sawar Magham wa Yisuwa nu̱ masaki ɗye mbu̱ ge gomir ɓaran ɓara ma ɗye zu̱mndi piti da ɓa.

Yibraniyeku 13:4

Tun vu̱r zhaaji ye ɓu̱rti tun kap ɓaanu. Tun vu̱r zhaaji ye gaanggir ɓu̱rti ɓaanu ku̱me Magham ka kuma nu̱ zawar mbu̱ khu̱rti ndu̱ nu̱ shiran mbu̱ ɓu̱rti.

Yaqub 1:16

Nyeezaku, ndolarku ɓanga, ku̱ njig nu tu̱ njif nggur lamba nu ɓa.

1 Yokhana 3:7

Tun qusonggi ɓang nu̱ke nga ndolaran, ku̱ aaki lamba nu ɓa. Nu̱ shir zhire ɗya nu̱ dambi ba wa nu̱ke Masiya ɗya nu̱ dambi.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.