1 Korintiyeku 6:3 - Mewar Alqawarang

³ Nun zu̱n za chem ka ɓa kumaki nu̱ ru̱ktiku ɓu̱ Magham ɓa goma? Yang mbu̱ chem ka kumaki wora, chem ka ku̱na kuma ɗyiku nu̱ke a ɗaatli mbu̱ larji nang mu?

1 Korintiyeku 6:3 ပူးပေါင်းရင်းမြစ်များ

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Luka 8:14

Pooni nu̱ ku̱ɗbaki nu̱ ɓere njekhtikwang a khar wa nduki nu̱ tu̱kki, yang qan tu̱ ji kwaari ɗyin larji ndu̱ kaalar gu̱na, ndu̱ shimndi tu̱kti mu̱ndi larji tu̱ nggu̱tl wor shir ɗyi mbarkandi.

Romeku 6:16

Nun zu̱n za mbu̱ tun wa vu̱r vaanu ye njif nggur tun ki shi shimndi ɓaran, tun wa kha ma maavi ɓaran ɓa goma? Tun ka ɗu̱ma khar ma maavi ɓu̱ sola, nu̱ka ɓa ki ndu̱ mu̱ɗi, yang tun ka ɗu̱ma khar ma maavi ɓu̱ Magham, nu̱ka ɓa ki nu̱ dambu.

1 Korintiyeku 6:15

Alapa nun zu̱n za man vaanu ɗya me bar ɓu̱ Masiya ɓa goma? Alambu̱ram! Ngam ɓu̱ gaɓ ndu̱ me bar ɓu̱ Masiya tu̱ kha ma ɓu̱ man mu̱nggu̱l ɓa.

1 Korintiyeku 6:16

Nun zu̱n za aaki gontaki varan ndu̱ man mu̱nggu̱l wa kha ma man var da ku ɓa goma? Ai, a nje bu̱laran za, “Wor rapndang ka kha ma man var da ku.”

1 Korintiyeku 6:19

Nun zu̱n za man vaanu ɗya rafti ɓu̱ Jiimbi shakhshakhndi nu̱ke a mbe nu nun dlu̱ki she nda ɓa goma? Tun ɓu̱ shi zalale ndu̱ vaanu ɓa.

1 Korintiyeku 6:4

Yang nu̱m saki tun ki da zhaano ɓu̱ yen nu̱ gume nduki nu̱ke tabar ɓu̱ nu̱ mbu Yesu nu̱ da wor ma ɗyi nggur ɓa nda na?

2 Timoti 2:4

Ai, soje zhirekandi a nje nu̱ke ka saki ɗyinan nu̱ mbu̱ ɗyi ɓu̱ nduki nu̱ke ɗya soja ɓa ɓa, ku̱me a shim ku̱ dle gume ɓaran tu̱k mu̱ndi ɓaran.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

2 Bitu̱rus 2:4

Aa nu̱ ru̱ktiku ɓu̱ Magham, sarchi nu̱ shiki zop ku zhu, nu̱ Magham njig wor ɓa, wa mbuk wor nu̱ mbu̱ giɗim ɓai. Tu̱ gu̱n wor nu̱gha mbu̱ geeku kirkandi nu̱ke maaran zhum. A bu fu̱ɗar kumari.

Yakhuda 1:6

Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.