1 Korintiyeku 5:8 - Mewar Alqawarang

⁸ Ku̱me nang shem tabar ɓaarem, waare ɓurti tolir nu̱ shiki ndu̱ yis gu̱makandi, nang ke solar ndu̱ mu̱nari, chem shi ɓurti tolir nu̱ke yis su̱ ɓa, chin ke ɓurti tolir nu̱ khar shakhshakh ndu̱ shir zhire.

1 Korintiyeku 5:8 ပူးပေါင်းရင်းမြစ်များ

Matta 16:12

Kom ɗo tu̱ da mban ku za a shikya ɓalar ɓu̱ yis nu̱ka saki nu̱ mbu̱ ɓurti toli ɓa, yang a wu kya wor za shakh nda ɗyin wor ndu̱ shogar ɓu̱ Pariseku ndu̱ Sadukekwang.

Matta 16:6

Tu̱ Yesu ze wor za, “Ku̱r ma vaanu, tun shakh ɗyinonu ndu̱ yis ɓu̱ Pariseku ndu̱ Sadukeku.”

Markus 8:15

Tu̱ Yesu wu wor za, “shi ma khangkal tun ku̱r vaanu ndu̱ yis ɓu̱ parisekwang ndu̱ ɓu̱ Khiridus.”

Luka 12:1

Sarchi nu̱ke nduki tabaki du̱mmbu̱su̱m, tu̱ ku̱s khatl yen ku, tu̱ Yesu nggaasi ɓalar ye nduki nu̱ mburi nda kwa za, “Ku̱r ma vaanu ndu̱ yis ɓu̱ Parisekwang, nga ve pitli gwaari ɗyin ɓaandang.

Yokhana 1:47

Nu̱ Yesu naki Nataniyel a ɓar she nda tu̱ zu̱ za, “Na ma khuzi Israile zhirekandi nu̱ke song zhire nje mbe nda ɓa.”

1 Korintiyeku 3:3

ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.

1 Korintiyeku 5:1

Nga gwa labaran za nu̱ zawarku a nje chele ɓaanu, za njif nggur wa qan ndu̱ nokhzi zhin, yang aa chele nduki nu̱ke nu̱ zu̱n Magham ku ɓa nyem tu̱k za nduk wa shi pooni ɗye shir malkandi nang ɓa.

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

2 Korintiyeku 1:12

Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 8:8

Nga shikya ranna nu ku̱ shi nu ɓa, nga shim ku̱ buu nga kya komkomi ɓaanu ndu̱ ɓu̱ ɓeena nduki, ku̱me nang ka wutki pooni ndolar nu̱ke tun a shiran.

Afiseku 6:24

Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.