1 Korintiyeku 5:5 - Mewar Alqawarang

⁵ Tun vu̱r njif nang ye Sheɗan, ku̱me aa nu̱ke varan ka su̱bu̱ri, yang nyifi ɓaran ka ɗana ye Fu̱ɗar ɓu̱ Zhinerem gwaanji.

1 Korintiyeku 5:5 ပူးပေါင်းရင်းမြစ်များ

Matta 4:10

Tu̱ Yesu ze nda za, “Ju ya ɓar fan Sheɗan! Ai a nje bu̱laran za, ‘Ghor ghai ye Zhinkir gwaanji Maghamndi ɓaaro, to mbu zu̱r ɓaran chin ɗyenda.’ ”

Luka 22:31

Tu̱ Zhinerem gwaanji zu̱ za, “Siman, Siman, nggu̱t ka, Sheɗan wa khuɗ ku̱ gwaanji nu chin zhaaror nu ɓar wa ye gawa.

Tlu̱nar ɓu̱ Pudeku 26:18

To ka qu̱n yiti wor tu̱ vi ɓar mbu̱ zhum maari ta gaɓku nu̱ mbe yarangi, ka njig kwaaɗar ɓu̱ Sheɗan tu̱ ɗa ɓa ku she Magham. Shir wanang ka sa tu̱ yaapa solar ku ɓaanda ye wora, tu̱ gwa me shakhti ɗye mbu̱ ge su̱yen ndu̱ nduki nu̱ wakaki vaanda ku̱me wa maita ku.’

1 Korintiyeku 1:8

Ka sa tun kha ndu̱ du̱mbu̱r tu̱k ma yir ye lauɗar san, ma ku̱ kha nu waare zop ye fu̱ɗar nu̱ke Zhinerem gwaanji Yesu Masiya kaɗa gaɓki.

1 Korintiyeku 11:32

Mbu̱ yang Zhinkir gwaanji kya kuma rem, a kuma remang ma ku̱ ɓa kuma rem su̱yen ndu̱ larji ɓa.

1 Korintiyeku 5:13

Magham ka kumaki nduki nu̱ke a su̱yen ndu̱ chem ɓa. Komba ma nduk malkandi nang ɓar chele ɓaanu.

2 Korintiyeku 10:6

Chem daasaran ma ku̱ wu mi aa nyi nduk nu̱ zhangki mbu zu̱r ɓu̱ Masiya gha, mbu̱ tun wa maita za tun a mbu zu̱r ɓaranang shwat.

2 Korintiyeku 12:7

Yang ma ku̱ shi nga wakhti ku̱me ɗyiku tukakandi rututundi nu̱ yita naki ɓa, tu̱ ɗa ru̱k ndu̱ khaati nggur nu̱ khaki wa njekhti kya zhokhti nga mbu̱ vara. Tu̱ ɗyen kha wa Sheɗan a ru̱kki nu̱ ru̱kti ɓaran ku̱ ki vu̱r bonye ya, ma ku̱ nggu̱tli nga gwaari ɗyin.

2 Korintiyeku 13:10

Nang ke ɗyi nu̱ saki tang bu̱la ɗyiku nang ye nu sarchi nu̱ke nga nje su̱yen ndu̱ tun ɓa. Ku̱me mbu̱ nga ɓa, ku̱ sa nu nga tang ranna nu ndu̱ zalale nu̱ Zhinkir gwaanji vu̱rki ya ɓa, ɗya zalale nu̱ke ka du̱nki nu, ɗya nu̱ gu̱ɗa nun gha ɓa.

Filipiyeku 1:6

Nga maita nu̱ ɗyine chin nu̱ nggaki su̱ tlu̱nar mbarkandi chele ɓaanu nang, ka zu̱m guma ndu̱ shiran ma yir ve lauɗar san ye Fu̱ɗar nu̱ke Masiya Yesu ka ɗa gaɓki.

1 Timoti 1:20

Khimeniyus ndu̱ Alekhzanda a mbu̱ pooni nduki nang, nga vu̱r wor ye Sheɗan ma ku̱ gwa shogar ku ku̱ njig ɓalar ndu̱mndi ye Magham.

2 Timoti 1:18

Bu ku̱ Zhinkir gwaanji na zhiyaye ɓu̱ Onesiforus ye Fu̱ɗar gaɓti ɓaran! Ai, to ndu̱ ɗyino ta zu̱n mbari pooni shaatar ku nu̱ shiki ya mbu̱ ghai Afisa.

2 Bitu̱rus 3:12

Tun shi khar ɓaanu tun a kasha ɓar ɓu̱ fu̱ɗar ɓu̱ Magham. Tun shim ku̱ fu̱ɗar nang a ɓa ɗau, nang ke, fu̱ɗar nu̱ke maa viɗi ka ɓa vaki mbu̱ ɓai. Ɗyiku nu̱ shiki mu̱na viɗi ndu̱ maa vu̱ghai sang, ka yela ku tu̱ su̱ya mbu̱ ɓaiyang.

1 Yokhana 5:16

Mbu̱ njif nggur wa na mu̱dlen a solar nu̱ke nu̱ khu̱l ye mu̱ti ɓa, ku̱ njif nang shi barar ye njif nu̱ke a solarang. Magham ka vu̱r nyifi ye nu̱ solar nang ku̱me barar nang. Nga ɓalar nang ye nduki nu̱ke solar ɓaanda nu̱ khu̱l ye mu̱ti ɓa, solar a nje nu̱ka khu̱lki ye mu̱ti, nang zu̱ nga za ku̱ nduk shi barar ye pooni nang ɓa.