1 Korintiyeku 5:11 - Mewar Alqawarang

¹¹ Yang nga bu̱laran ye nu nu̱ ɗyine mbu̱ nduk a nje nu̱ke ɗya mu̱dlonu nu̱ mbu Yesu, yang ɗya nu̱ zawa, ku̱ kha nu ndu̱ chin ɓa. Yang mbu̱ ɗya nu̱ khape, aa a gharkya ghai ye mu̱lu̱m, aa ɗya nu̱ gu̱ndi virki, aa ɗya nduk kuyakandi, aa nu̱ muuru, zu̱m nu ɗye zu̱mndi ndu̱ pooni ndukiku nang ɓa.

1 Korintiyeku 5:11 ပူးပေါင်းရင်းမြစ်များ

Matta 18:17

Mbu̱ wa zhang tu̱k wor gha, to ze tabar ɓu̱ nu̱ mbu Yesu ku, mbu̱ wa zhang tu̱k ɓalar ɓu̱ tabar nu̱ mbu Yesu kwa gha, tun da nda nu̱ mbu̱ njif nu̱ke nu̱ zu̱n Magham ɓa nu̱ solar nu̱ zhangki nggooti gha.

Matta 23:25

“Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka shiɓ qu̱rsi ɗyekhtiku ndu̱ du̱ɓaku ɓaanu, yang mbanang nyeedlan ndu̱ tlu̱nar malkandiku nu̱ batal ndu̱ ndolar ɗyin.

Luka 18:11

Nu̱ Parisyang jiiki tu̱ ching gha, tu̱ shi barar ku̱me ɗyinan a zu̱ran za, ‘Magham, nga kuna maɗyi ku̱me nga ngga yen ndu̱ ɓeena ndukiku nu̱ke ɗya nu̱ muuri ku ndu̱ nu̱ mu̱narku, kom ndu̱ nu̱ zawar ku. Yang nga wa nu̱ dlu̱r zhaanggal nang zum ɓa.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Tlu̱nar ɓu̱ Pudeku 9:17

Kom tu̱ Khananiya ɗu̱ tu̱ ɗa vi nu̱ mbu̱ raftang. Nu̱ du̱ngki kharan nu̱ ɗyine Shawulu, tu̱ zu̱ za, “Mu̱dla Shawulu Zhinerem gwaanji Yesu nu̱ wutki varan yoro yiti njiv nu̱ke ta ɓarang a ru̱kki nga. Ru̱ktang ma gwana nar maari tu̱k tu̱ nyeedlor ndu̱ Jiimbi shakhshakhndi.”

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

1 Korintiyeku 10:14

Ku̱me nang raptaku ndolakandi, shakh ma ɗyinonu ndu̱ ghaari ghai ye mu̱lu̱mku.

1 Korintiyeku 11:21

Ku̱me mbu̱ tun wa taba ɗo, aaki a wute zu̱m ɗye zu̱mndi ɓaran, to ka gwa njif nggur a tu̱k meeri, yang njif nggur wa kuya.

1 Korintiyeku 5:13

Magham ka kumaki nduki nu̱ke a su̱yen ndu̱ chem ɓa. Komba ma nduk malkandi nang ɓar chele ɓaanu.

1 Korintiyeku 6:10

Nu̱ muuri ku, ndu̱ nu̱ khape ku, ndu̱ nu̱ me kuyar ku, ndu̱ nu̱ gu̱ndi virkir ku, ndu̱ nu̱ batal ku nu̱ke ka viki nu̱ mbu̱ kwaaɗar ɓu̱ Magham ɓa.

1 Korintiyeku 6:6

Yang me ɓu̱ nang, tu̱ nu̱ mbu Yesu ka da zhaano ɓu̱ mu̱dlen nu̱ gume kumari she nduki nu̱ke ɗya nu̱ mbu Yesu ku ɓa!

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

1 Korintiyeku 7:12

Yang ye ɓeeni ndukyang, nga kya ɓalar nang, ɗya Zhinerem gwaanji zu̱ki ɓa. Mbu mu̱dlerem nu mbu Yesu nggur a nje nu̱ke nokhzan ɗya nu̱ mbu Yesu ɓa, yang wa tlogha za chin ka kha gha ndu̱ chin, ku̱ shakh ndu̱ chin ɓa.

1 Korintiyeku 7:15

Yang mbu̱ njif nu̱ke ɗya nu̱ mbu Yesu ɓa ndang a shim shakh nji ndu̱ nu̱ mbu Yeswang, ku̱ shakh ku. Mbu̱ ɗyen wa ku̱s wanang, zop ve khuskyang ndu̱ nokhzi nu̱ke ɗya nu̱ mbu Yeswang ɓa. Magham wa qarem ma ku̱ shi mi khar mu̱ndi ndu̱ yen.

1 Korintiyeku 8:11

Ta na zu̱ndi ɓaarang a ɓa ndu̱ nggu̱di ɓu̱ mu̱dlo nu̱ Masiya mu̱tki ku̱me chin.

Galatiyeku 2:12

Gumapaali, wa ka zu̱m ɗye zu̱mndi ndu̱ nu̱ mbu Yesu ku nu̱ke ɗya Yakhudeku ɓa. Yang nu̱ Yaqub ru̱kki ɓeeni nduki ma yir Antiyok, tu̱ Biturus dut varan ɓar she nduki nu̱ke ɗya Yakhudeku ɓa ndang tu̱ kha nu̱ konggol. Shi wanang ku̱me a sawa nduki nu̱ke a shim ku̱ dla su̱ nduki nu̱ke ɗya Yakhudeku ɓa nu̱gha.

Afiseku 5:18

Ku̱ kuya nu ndu̱ ɗyema ɓa, ku̱me nang ɗya njiv su̱bu̱rti nduki. Me ɓu̱ nang tun kha nyeedlan ndu̱ Jiimbi shakhshakhndi,

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

2 Tasalonikeku 3:14

Njif nu̱ zhangki mbu ɗyi nyem zu̱ki ye nu mbu̱ lagarkati nang gha kap, tun sa yiti yenda, tun shakh ɗyinonu ndu̱ chin ma ku̱ tu̱k kawa.

2 Tasalonikeku 3:6

Nang ɗo, nyeezaku, chem a zu̱ran ye nu mbu̱ dlu̱m Zhinerem gwaanji Yesu Masiya nu̱ ɗyine, ku̱ shakh nu ɗyinonu ndu̱ aa nyi nduk chele ɓaanu nu̱ shimndi khar bam. Chin nu̱ zhangki mbu shogar nun gwaki khaaremang gha.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 6:5

ndu̱ khang keele ndu̱ nduki nu̱ke kwaari ɓaanda wa sagha, yang zhire kha wor ɓa. Pooni nduki nang a na mburi Magham ɗya njif gwar gu̱na.

2 Yokhana 1:10

Mbu̱ yang njif nggur a ɓa tu̱ shoga ɗyi nggur ɓar zum ndu̱ shogar nang, dlu̱ nu nda nu̱ kaa ɓaanu ɓa, shi nu leya ɓar yenda ɓa.

Ɗyin mbu̱ tukari 2:14

Yang kap ndu̱ nang ɗyiku a nje koɗom nu̱ke ngga zu̱ki nu̱ ɗyinoro: Nduki a nje chele ɓaanu nu̱ke a mbu shogar ɓu̱ Balaam. Chin nu̱ shogaki ye Balak ku̱ zala qusa Israila ku̱ shi solarku nu̱ ku̱nshe zu̱mndi ɗye zu̱mndi nu̱ shiki sadke ni ye mu̱lu̱mku, kom nu̱ shir zawar ku tu̱k.

Ɗyin mbu̱ tukari 2:20

Yang kap ndu̱ nang wonji ɗyi nu̱ke a nje khara ɗyinoro: ta khar kaɗanyi ndu̱ Jezebel nokhzi nu̱ka qaki varan za chin a mbu̱ annabi. Nu̱ ku̱nshe shogar ɓaran a zala pudeku ɓanga tu̱ ku̱s zawarku ndu̱ zu̱mndi ɗye zu̱mndi nu̱ shiki sadke su̱ ye mu̱lu̱mku.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”

Ɗyin mbu̱ tukari 22:15

Yang nduki nu̱ke a dam ɗya nduki nu̱ke zopan, ndu̱ nu̱ ɓu̱tli ghai ku, ndu̱ nu̱ zawar ku, ndu̱ nu̱ tlaghar mu̱ti ku, ndu̱ nu̱ ghaari ghai ye mu̱lu̱m ku, ndu̱ nu̱ shimndi wollo ndu̱ shir wollo.