1 Korintiyeku 5:1 - Mewar Alqawarang

¹ Nga gwa labaran za nu̱ zawarku a nje chele ɓaanu, za njif nggur wa qan ndu̱ nokhzi zhin, yang aa chele nduki nu̱ke nu̱ zu̱n Magham ku ɓa nyem tu̱k za nduk wa shi pooni ɗye shir malkandi nang ɓa.

1 Korintiyeku 5:1 ပူးပေါင်းရင်းမြစ်များ

Tlu̱nar ɓu̱ Pudeku 15:20

Buka bu̱lami lagarkati chem ze wor nyem za ku̱ zu̱m ɗye zu̱mndi nu̱ vu̱rki ye mu̱lu̱mku ɓa ndu̱ ku̱ shi zawa ku ɓa, yang ku̱ nji dlu nu̱ ghengki quran tu̱ mu̱t ndu̱ liipa ɓa, kom ndu̱ tom tu̱k.

Tlu̱nar ɓu̱ Pudeku 15:29

Tun shakh ɗyinonu ndu̱ ɗyiku nu̱ vu̱rki ye mu̱lu̱mku, ndu̱ tom, ndu̱ nji dlu nu̱ ghengki quran ghengi, ndu̱ zawari. Mbu̱ tun wa shakh ɗyinonu ndu̱ ɗyikunang, tun wa shi ɗyi mbarkandi. Mas mi laya.

1 Korintiyeku 1:11

Nyeezaku, nga gwa labaran she nduki nu̱ mbu̱ rafti ɓu̱ Kuluwi, za keele wa gang chele ɓaanu.

1 Korintiyeku 5:11

Yang nga bu̱laran ye nu nu̱ ɗyine mbu̱ nduk a nje nu̱ke ɗya mu̱dlonu nu̱ mbu Yesu, yang ɗya nu̱ zawa, ku̱ kha nu ndu̱ chin ɓa. Yang mbu̱ ɗya nu̱ khape, aa a gharkya ghai ye mu̱lu̱m, aa ɗya nu̱ gu̱ndi virki, aa ɗya nduk kuyakandi, aa nu̱ muuru, zu̱m nu ɗye zu̱mndi ndu̱ pooni ndukiku nang ɓa.

1 Korintiyeku 6:13

Yang ɓeenan ka zu̱ tu̱k za, “Shi ɗye zu̱mi ku̱me maa mbu, shi maa mbu tu̱k ku̱me ɗye zu̱mi,” yang ɗo, Magham ka ɓa su̱ya wor nu̱gha kap. Nu̱ shi manva ma zawa ɓa, shir nda ku̱me Zhinerem gwaanji, man varang ɗya ɓu̱ Zhinerem gwaanji.

1 Korintiyeku 6:18

Ɗa ma tlu̱nar zop! Solar nu̱ke nduk ka shiki kap ɓu̱ su̱ɓa man varan ɓa, yang njif nu̱ shiki zop wa su̱bu̱r man varan nu̱gha.

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

2 Korintiyeku 12:21

Nga sawa Magham sarchi na nga gaɓki ka sa tang tu̱k kawa gume nu. Nga kawa ghoori nu̱ke ngga shiki ku̱me nduki khang nu̱ shiki zop zhu, yang nu̱ nggoɗ ku tu̱ njig tlu̱nar zop, ndu̱ zawar ndu̱ ɗyiku nu̱ shipaki nang ɓa.

2 Korintiyeku 2:5

Mbu̱ njif nggur wa shi ɗye su̱bu̱rti memu̱na, shi ya ɓa, a khar wa shi ye nu kap ɓaanu mbu̱ chem wa da lasai. Nang zu̱ nang ma ranna nu ɓa.

2 Korintiyeku 7:12

Sarchi nang bu̱laki lagarkati naandang nang damta ndu̱ ki shiki zop ɓa, yang nang damta ndu̱ shi zopang ye ki ɓa. Me ɓu̱ nang nga bu̱la za Magham wa zu̱n nu̱ ɗyine tun wa damta ndu̱ chem maɗyi.

Galatiyeku 5:19

Ɗye shir malkandiku ɓu̱ manva ba ye dalangi: Zawari, ndu̱ tlu̱nar zop, ndu̱ ɗye zhaaneku,

Afiseku 5:3

Sar da ku̱ njig nu tu̱ nduk da dlu̱monu ndu̱ ɓalar zawa ndu̱ aa nyi tlu̱nar su̱bu̱rti ndu̱ khape ɓa, ku̱me ɗyiku nang nu̱ shipa nduki ɓu̱ Magham ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

Ɗyin mbu̱ tukari 2:21

Nga vu̱r sarchi yenda ma ku̱ nggoɗi ku̱ njig me mu̱nggu̱l nu̱ke a shiran yang a shimndan ɓa.

Ɗyin mbu̱ tukari 21:8

Yang nu̱ sawarku, ndu̱ nu̱ song shir zhireku, ndu̱ nu̱ tlu̱nar ɗye zhaane ku, ndu̱ nu̱ tlaghar mu̱tiku, ndu̱ nu̱ zawarku, ndu̱ nu̱ ɓu̱tli ghaiku, ndu̱ nu̱ ghaari ghai ye mu̱lu̱mku, ndu̱ kap nu̱ wolloku. Ka gwa ɗye ɓi ɓaanda mbu̱ giɗim ɓai gu̱rgu̱rndi nu̱ ɓai solfa, nang ke mu̱ti nu̱ rap.”