1 Korintiyeku 4:8 - Mewar Alqawarang

⁸ Nang tun wa woɗa gwa ɗyi nun shimki kap ɗo! Tun wa kha ma nu̱ gu̱narku! Tun wa zu̱m kuji, yang ɓaarem chem a mbu̱ aa nu̱m ɓa! Mbu̱ tu̱ga tun kuji yel, tu̱ga chem ka shi kwaaɗarang su̱yen ndu̱ tunu!

1 Korintiyeku 4:8 ပူးပေါင်းရင်းမြစ်များ

Matta 5:1

Nu̱ Yesu naki nduki wa taba khang, tu̱ dla varan nu̱ ɗyin dlengang tu̱ kha varan gha. Tu̱ nu̱ mburi nda kwang dlan she nda.

Luka 6:25

Tun nu̱ke mbonu zhiran leendang tun ɗye zhiyaye ku̱me tun ka ɓa tu̱k meeri maɗyi. Tun nu̱ mu̱si leendang tun ɗye zhiyaye ku̱me mbonu ka ɓa taɓa tun shi ghoori maɗyikandi.

Tlu̱nar ɓu̱ Pudeku 26:29

Tu̱ Bulus zu̱ yenda za, “Aa mbu̱ sarchi koɗomma aa ka da sarchi, nga khuɗ ku̱ Magham sa to ɗyenda ɓa, yang kap ndu̱ nduki nu̱ke a gwa dlu̱mndi wor ya meeni nang, ku̱ kha wa nga waare yakhliku nang.”

Romeku 12:3

Ku̱me mu̱nkir nu̱ shiki ya, nga zu̱ran ye aaki chele ɓaanu: Ku̱ aaki da ɗyinan tu̱ peeta maa nu̱ke a si ɓa. Me ɓu̱ nang ku̱ aaki kuma ɗyinan viɗ ɗyine vu̱rti zhire nu̱ Magham vu̱rki yenda.

1 Korintiyeku 1:5

Jiwa tun gu̱naran mbe nda nu̱ ku̱nshe ɓalar ɓaanu ndu̱ zu̱ndi nun shiki kap,

1 Korintiyeku 4:18

Yang ɓeeni nduki chele ɓaanu wa taman ku za ngam ɓu̱ ɗa ɓa she nu ɓa, nang ke ɗyi nu̱ saki tu̱ki gwaari ɗyin ku.

1 Korintiyeku 5:6

Khamndi ɗyino nu nu̱ke tuna shiranang mbar ɓa. Nun zu̱n za yis koɗomma ke nu̱ sa ɓurti toli tu̱ ji ɓa goma?

2 Korintiyeku 11:1

Nga shim ku̱ shi nu kaɗanyi ndu̱ nga aa nga shikya me nggu̱bu̱ng. Ku̱gam tun shi kaɗanyi!

2 Korintiyeku 13:9

Chem wa ka kasha mbu̱ du̱mbu̱r ɓaarem kata, yang ɓaanu tun du̱mbu̱ran. Chem a barar ku̱ kha nu nyeedlan tu̱k.

Galatiyeku 6:3

Mbu̱ nduk a da varan za chin ɗyi ngguri, yang ɗya aa nu̱m ɓa, a lambakya varan.

Filipiyeku 1:27

Aa shi kikimndan shi ma khar nu̱ shipaki Labar mbarkandi ɓu̱ Masiya. Aa nga ɓa ma na nu, aa na nga ɓa ɓa, gwa nga labaran za tun chingndan shanggu̱ɗang, kwaari ɓaanu da mbu̱ Jiimbi da, tun a wute su̱yen ma gwa pooni maito nu̱ke a mbu̱ Labar Mbarkandang.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Ɗyin mbu̱ tukari 3:17

Jiwa ta zu̱ no za, ‘Nga nu̱ gu̱na, nga shi yele, nang mbu̱ɗ aa nu̱m ɓa.’ Yang no zu̱n ɓa to bootaran, to ɗye zhiyaye, to nungndan, so nggaran, yang to puguman tu̱k.

Ɗyin mbu̱ tukari 5:10

Ta gaɓ ndu̱ wor ma kwaaɗari ndu̱ kuruku ma ku̱ shi tlu̱nar ɓu̱ Maghamndi ɓaarem, ka shi kwaaɗar ku ɗyine larji.”