1 Korintiyeku 4:5 - Mewar Alqawarang

⁵ Ku̱me nang ku̱ kuma nu nduk me ku̱ sarchi ni shi dong ɓa, bu ma ɓar ɓu̱ Zhinerem gwaanji nu̱ke ka lauɗaki su̱ kumar aa nu̱m. Chin ka wutki ɗyiku nu̱ke a nje tukaran mbu̱ zhumi, tu̱ fet ɗyi nu̱ nduki ku̱rki mbu̱ memu̱na wor ye dalangi. Nang ke sarchi nu̱ke aaki ka gwaki makhtar she Magham wa nu̱ shipaki.

1 Korintiyeku 4:5 ပူးပေါင်းရင်းမြစ်များ

Matta 10:26

“Ku̱me nang, tu̱k nu sawar ɓaanda ɓa, sar da tun a nje tukakandi nu̱ke ɓu̱ ɓa vi ye dalang ɓa ɓa. Yang tu̱k tun a nje tukaran nu̱ke za nduk ɓu̱ ɓa zu̱n ɓa ɓa.

Matta 24:30

“Kom shipar ɓu̱ Yi ɓu̱ Nduk kaɗa vi viɗi. Nduki nu̱ larji kap ka shi ghoori ku̱me sawa. Ka na Yi ɓu̱ Nduk a ɓar mbu̱ ku̱zapti ndu̱ zalale ndu̱ zhaaji maɗyikandi.

Matta 24:46

Njif nu̱ke nu̱ rafti ɓaran ka ɓa gwaki nda a tlu̱nar ɓaran, ɗya nu̱ barka.

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 25:23

“Tu̱ nu̱ raftang ze nda za, ‘Kwaanggu̱rang, maavi mbarkandi, nu̱ zhire! Ta shi zhire ɗyine ɗyi koɗommandi. Ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Luka 6:37

“Kuma nu aaki ɓa, yang nduk ɓu̱ kuma nu zum ɓa. Vu̱r nu zop ye aaki ɓa, yang nduk ɓu̱ vu̱r zop ye nu zum ɓa. Ndu̱m ma zop ɓu̱ aaki ye wora, wor tu̱k ka ndu̱m ye nu.

Yokhana 21:22

Tu̱ Yesu ze nda za, “Mbu̱ nang shim ku̱ mu̱t ɓa kope nga gaɓi, nu̱m ke ɓa mba na? Ɓa ba mburi nga!”

Yokhana 21:23

Tu̱ labar nang ɗu̱ aa fu̱n chele ɓu̱ nu̱ mbu Yesu ku, a zu̱ran ku za nu̱ mbu Yesu nang ɓu̱ mu̱t ɓa. Yang Yesu nu̱ ze nda za ɓu̱ mu̱t ɓa ɓa. Zu̱ za, “Mbu̱ nga shim ku̱ kha ndu̱ nyifi kope gaɓti ɓanga, nu̱m ke ɓa mba na?”

Yokhana 5:44

Yang ɗa, tun ka maita kikimndana nu̱ke tun a komkomi gwa makhtar chele ɓaanu, yang nun zhang vaanu ma gwa nu makhtar nu̱ka viki she Magham ɗyenda ɓa?

Romeku 14:4

To ki ɗo nu̱ke to ka kumaki maavi ɓu̱ njif nggurang na? Zhin nu̱ rafa ka kumaki nda. Yang wonji ka zu̱m loobo, ku̱me Zhinkir gwaanji ka ɗu̱ma sa nda tu̱ shi loobo.

Romeku 2:1

Ku̱me nang, to nu̱ nggu̱ti mu̱dlo ndu̱ zop, ɓala kha ɓa, aa to ki. Ku̱me sarchi nu̱ke ta nggu̱t mu̱dlo nu̱ zop, ta dlakya kumar nu̱ ɗyine vaaro, ku̱me ɗyi nu̱ke ta kuma mu̱dlo ɗyinanang, nang ke ɗyi nu̱ke ta shiran tu̱k.

Romeku 2:16

Ku̱me nang, ba wa nu̱ Labar mbarkandi nu̱ke nga waazu ɓaran nang zu̱ki, ka ɓa kha wanang Fu̱ɗar nu̱ke Magham, nu̱ ku̱nshe Yesu Masiya ka ɓa kumaki ɗyiku nu̱ke a nje tukaran mbu̱ kwaari ɓu̱ nduki.

Romeku 2:29

Yakhude zhirekandi ke njif nu̱ke ɗya Yakhuda mbu̱ memu̱naran, yang tu̱k dlarsi zhirekandi ke dlarsi nu̱ke a mbu̱ memu̱na nduku, nang ke ɗyi nu̱ Jiimba shiki, ɗya ɗyi nu̱ bu̱lar Bibitang shiki ɓa. Njif nu̱ khaki wanang Magham ke nu̱ kuna nda, ɗya nduk ɓa.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

1 Korintiyeku 11:16

Mbu̱ njif nggur a ma keele ɗyine ɓalar nang, wa shipa ku̱ zu̱n nu̱ ɗyine me ghai nggur a nje khaarem ɓa, yang a nje kha ɓeeni tabar ɓu̱ nu̱ mbu Yesu ku nggur ɗyine ɗyi nang ɓa.

1 Korintiyeku 11:26

Mbu̱ ɓalar nang a wutan za sarchi nu̱ke tun a nji ɓurti tolirang, tun a zaran mbu̱ ɗyekhtang, tun a wopakya mu̱ti ɓu̱ Zhinerem gwaanji, ma yir sarchi nu̱ke ka ɗa gaɓki.

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

1 Korintiyeku 3:14

Mbu̱ du̱ndi nu̱ shiki nu̱ ɗyine saari du̱ndang nu̱ va ɓa, kwaanggu̱rang, njif nu̱ shiki du̱ndang ka gwa ɗye ɓiiri.

1 Korintiyeku 3:8

Njif nu̱ shiki kaɓtang ndu̱ njif nu̱ batlki ɗyimang a ku̱rkya ɗyi da ku, yang aaki ka gwa ɗye ɓiiri ɓaran ku̱r ku̱r ndu̱ tlu̱nar nu̱ shiki.

2 Korintiyeku 10:18

Jiwa njif nu̱ makhtaki ɗyinan ka gwaki dlu̱r ɓa, ɗya njif nu̱ke Zhinkir gwaanji makhtaki nda.

2 Korintiyeku 10:9

Ku̱ taman nu za nga shim sar sawa ye nu ndu̱ lagarkati nang ɓa.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

1 Tasalonikeku 5:2

Tun wa zu̱n nu ɗyine fu̱ɗar ɓu̱ Zhinkir gwaanji ka ɗa ɓa wa ɓar ɓu̱ nu̱ muuru chele virkiri.

Yibraniyeku 4:13

Tun a nje mbu̱ du̱ngdiku ɓu̱ Magham nu̱ke tukaran she nda ɓa. Aa nu̱m ndu̱ aa nu̱m qu̱ndan, a ye dalangi, a naran. Chem ka shiga su̱ ɗyi nyem shiki mbu̱ khar viti ɓaarem yenda.

Yaqub 4:11

Nyeezaku, njig ma pu̱zi yen. Ku̱me aaki pu̱zki mu̱dlen nu̱ mbu Yesu, bai tu̱ du̱ng zop nggur nu̱ ɗyine nda gom, a pu̱zkya Bibiti ɓu̱ Magham, a du̱ngkya zop ye Bibiti ɓu̱ Magham tu̱k. Mbu̱ yang ta pu̱z Bibiti ɓu̱ Magham ta kha ma nu̱ zhangndi mburan gha. Kom ta gaɓ ndu̱ ɗyino ma nu̱ du̱ngndi zop ye bibitang tu̱k.

Yaqub 5:7

Ku̱me nang, nyeezaku, shi ma khar kanaɗyi ma ɓar ye sarchi nu̱ke Zhinkir gwaanji ka ɗa gaɓki. Nggu̱t ma pooni kaɗanyi nu̱ke nu̱ ghuti ka shiki sarchi nu̱ke a bu dam ɓaran ku̱ vu̱r boote mbarkandi. Wa ka shi kaɗanyi tu̱ bu romndi nu̱ gumapaali ndu̱ nu̱ gana.

Yaqub 5:9

Nyeezaku, njig ma ruru chele ɓaanu, ma ku̱ kuma nu ɓa. Wonji nu̱ kumarang a shi bing ɓari, a nje me viri.

1 Biturus 1:7

Buuriku nang a ɓa ma buu maito ɓaanu mbu̱ ɗya maito zhirekandi. Nduki ka buu ginarwa ndu̱ ɓai, yang ɗya ɗyi nu̱ka woɗaki. Wanang tu̱k a buu maito ɓaanu nu̱ dukki ginarwa zhaaji. Shir wanangang ka sa tu̱ maito ɓaanu a ɓa ndu̱ makhtar ye nu ndu̱ zhaaji ndu̱ gorkiri ye fu̱ɗar nu̱ke Yesu Masiya ka ɗa gaɓki.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

2 Bitu̱rus 3:12

Tun shi khar ɓaanu tun a kasha ɓar ɓu̱ fu̱ɗar ɓu̱ Magham. Tun shim ku̱ fu̱ɗar nang a ɓa ɗau, nang ke, fu̱ɗar nu̱ke maa viɗi ka ɓa vaki mbu̱ ɓai. Ɗyiku nu̱ shiki mu̱na viɗi ndu̱ maa vu̱ghai sang, ka yela ku tu̱ su̱ya mbu̱ ɓaiyang.

2 Bitu̱rus 3:4

Ka zu̱ ku za, “Shwat, Yesu nu̱ shi alqawar za chin ka ɗa gaɓ ɓa goma? Yang, a fu̱n nda? Zhikanerem ku wa njig larji nang ku zhu ɗau, yang tun a nje nu̱ paataki ma nu̱ shiki larji ɓa.”

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.

Ɗyin mbu̱ tukari 20:12

Tang na nduki nu̱ mu̱tki ku, woi ndu̱ gorki, chingndan ku gume zhakhɗyang yang tu̱ qu̱n lagarkatiku nu̱gha. Kom tu̱ qu̱n lagarkati nggur tu̱k nu̱gha, chin ke, Lagarkati nu̱ Nyifiri. Tu̱ kuma nduki nu̱ mu̱tki ɗyine ɗyi nu̱ shiki ku, ba wa nu̱ke a nje bu̱laran mbu̱ lagarkatikwang.