1 Korintiyeku 4:12 - Mewar Alqawarang

¹² Chem a bonye tlu̱nar ndu̱ khaarem. Mbu̱ nduk wa mi barke ɓaarem chem sa barke ye nu̱ zhin men, mbu̱ wa vu̱r bonye yerem chem gu̱n memu̱narem.

1 Korintiyeku 4:12 ပူးပေါင်းရင်းမြစ်များ

Matta 5:11

“Barkya ve nu, sarchi nu̱ nduki pu̱zki nu, tu̱ vu̱r bonye ye nu tu̱ kota aa nyi pooni ɗyi malkandi nu̱ ɗyine nu ku̱me nga.

Matta 5:44

Yang nga zu̱ran ye nu, ndolama nu̱ zhangndi ɓaanu, tun shi barar ye nduki nu̱ke a vu̱r bonye ye nu.

Luka 23:34

Tu̱ Yesu zu̱ za, “Zhinkiri ndu̱m solar nang ye wora ku̱me nu̱ zu̱n ɗyi nu̱ke a shiran ku ɓa.” Tu̱ yang shakh luktiku ɓaran nu̱ chele ɓaanda ku̱n she nggar daati ge tombol.

Luka 6:28

Sa ma barke ye nduki nu̱ke a mi pontori ɓaanu tun shi barar ye nduki nu̱ke a vu̱r bonye ye nu.

Yokhana 15:20

Kor ma nu̱ ɗyi nang zu̱ki ye nu za, ‘Ye rafa nu̱ka duk nu̱ rafti ɓaran ɓa.’ Mbu̱ wa vu̱r bonye ya ku, wanang tu̱k ka vu̱r bonye ye nu. Mbu̱ wa mbu zu̱r ɓang ku, tu̱ga ka mbu zu̱r ɓaanu tu̱k.

Tlu̱nar ɓu̱ Pudeku 18:3

Nu̱ke tlu̱nar ɓaanda da, nang ke ku̱dmar tanti, tu̱ kha gha su̱yen ndu̱ wora tu̱ ki tlu̱nar ku su̱yen.

Tlu̱nar ɓu̱ Pudeku 20:34

Tun wa zu̱n nu̱ vaanu nu̱ ɗyine nga shi tlu̱nar ndu̱ khara ma gwa nga ɗye khar viti ɓanga ndu̱ nduki nu̱ kya su̱yen ndu̱ nga.

Tlu̱nar ɓu̱ Pudeku 7:60

Tu̱ kurum gha tu̱ da su̱quran nu̱ viɗi tu̱ zu̱ za, “Magham, shi na tun ye wor ku̱me solar nu̱ shiki kunang ɓa.” Nu̱ zu̱ki wanang tu̱ mu̱ɗi.

Romeku 12:14

Sa ma barke ye nduki nu̱ke a vu̱r bonye ye nu. Sa ma barke ye wora, ku̱ mi nu barke ɓaanda ɓa.

Romeku 12:20

Bu̱lar ɓalar ɓu̱ Magham wa gaɓ tu̱ zu̱ tu̱k za, “Mbu̱ nu̱ zhangndi ɓaaro a tu̱k meeri, vu̱r ɗye zu̱mndi yenda. Mbu̱ a tu̱k khuzhumndi, vu̱r ɗyim zar yenda. Shir wanangang ka sa tu̱ tu̱k kawa.”

Romeku 8:35

Woɗye ki ka shakki rem ndu̱ ndolar Masiya? Bonye mu, palasa mu, kakanshi mu, meeri mu, song mu, nggaɓang nggaɓang mu, yang mu̱ti mu?

1 Korintiyeku 9:6

Yang ɗa, nga ndu̱ Barnaba ɗyenda ku̱ski ku̱ zu̱m mi ndu̱ ɗyinerem mu?

2 Korintiyeku 11:8

Nga dlu̱ mu̱zhindi she tabar ɓu̱ nu mbu Yesu ku ngguri, yang wa nu̱ batal tang shi boote si mbe tlu̱nar ye nu

Afiseku 4:28

Ku̱ nu̱ muuru muura tun sar da tu̱k ɓa. Me ɓu̱ nang ku̱ shi tlu̱nar mbarkandi ndu̱ kharan, tu̱ ɗu̱ma gwa ɗyi nu̱ke ka shaataki nduki nu̱ke tun kha wor ɓa.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

2 Tasalonikeku 3:8

nyem zu̱m ɗyezu̱m she njif nggur bam ɓa. Chem shikya bonye, chem a tlu̱nar fu̱ɗar ndu̱ virkiri, ma ku̱ kha mi ma shipit ye aaki ɓa.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

1 Biturus 2:23

Sarchi nu̱ nduki pu̱zki nda, nu̱ nggam ye wor ɓa; Sarchi nu̱ zaki bonye, nu̱ zu̱ za chin ka dli gaɗe ni ɓa. Wa dla varan nu̱ ve Magham nu̱ kumar zhire.

1 Biturus 3:14

Mbu̱ yang tun ka za bonye ku̱me shir ɗyi nu̱ke torop, barkya ve nu. Ku̱me nang “Tu̱k nu sawar ɓu̱ ɗyiku nu̱ke a sawaran ku ɓa, yang ku̱ damta nu ndu̱ wor zum ɓa.”

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

1 Biturus 4:19

Ku̱me nang, nduki nu̱ke a za bonye mbu̱ shimndi ɓu̱ Magham, ku̱ sa nyifi ɓaanda nu̱ mbu̱ khar Magham nu̱ zhire nu̱ du̱ngki wora, kom ku̱ zu̱m guma ku nu̱ shir mbarki.

Yakhuda 1:9

Yang aa Makel, gorkir ɓu̱ nu̱ ru̱ktiku ɓu̱ Magham nu̱ shi pooni ɗyi nang ɓa. Ye sarchi nu̱ keele gangki chele ɓaran ndu̱ Sheɗan, a dakhlar ku ɗyine man var Musa nu̱ mu̱tki, nu̱ Makel ɓu̱tl memu̱naran tu̱ pu̱zi nda tu̱ shi maatli ɓalar yenda ɓa. Zu̱ ba za, “Ku̱ Zhinkir gwaanji wuro ro!”