1 Korintiyeku 3:23 - Mewar Alqawarang

²³ Yang tun ɓu̱ Masiya, Masiya ɗya ɓu̱ Magham.

1 Korintiyeku 3:23 ပူးပေါင်းရင်းမြစ်များ

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Yokhana 17:18

Nga ru̱k wor nu̱ mbu̱ larji ba wa no ru̱kki ngang.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Romeku 14:8

Mbu̱ chem a nje ndu̱ nyifiri, chem a khar ɓu̱ Zhinkir gwaanji, mbu̱ yang chem wa mu̱ɗi, chem mu̱ɗ ku̱me Zhinkir gwaanji. Ku̱me nang aa chem a nje ndu̱ nyifiri aa chem wa mu̱ɗi, chem a mbu̱ ɓu̱ Zhinkir gwaanji.

1 Korintiyeku 11:3

Yang nga shim zu̱n nu nu̱ ɗyine, Masiya ke dle gume ɓu̱ aa nyi khusku, khusku ke dle gume ɓu̱ nusu, Magham ke dle gume ɓu̱ Masiya.

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

1 Korintiyeku 15:28

Sarchi nu̱ Magham gaɓki ndu̱ aa nu̱m nu̱ mbu̱ bu̱n Yi ɓaran, tu̱ Woyang tu̱k khan mbu̱ bu̱n Magham nu̱ gaɓki ndu̱ aa nu̱m nu̱ mbu̱ bu̱nanang, ma ku̱ Magham kha chin ke aa nu̱m ndu̱ aa nu̱m kap.

1 Korintiyeku 7:22

Mbu̱ nduk ɗya maava, tu̱ yang Zhinerem gwaanji qa nda, she Zhinkir gwaanji ɗyinan dliiran, yang tu̱k mbu̱ nduk ɗya maava ɓa, tu̱ yang Zhinerem gwaanji qa nda, wa kha ma maavi ɓu̱ Masiya.

1 Korintiyeku 8:6

yang kap ndu̱ nang, ɓaarem she rem, Magham kaada. Chin ke Zhinkir nu̱ke aa nu̱m a ɓa she nda, chem kha ndu̱ nyifiri ku̱me chin, Zhinerem gwaanji kaada tu̱k, chin Yesu Masiya, chin nu̱ke aa nu̱m a vi nu̱ ku̱nshe nda, chem a shikya khar ɓaran.

2 Korintiyeku 10:7

Nggu̱t ma ɗyi nu̱ke a nje ye dalang ɓa! Mbu̱ nduk a nje nu̱ tamanki za chin ɓu̱ Masiya, ku̱ njif nang kor tu̱k nu̱ ɗyine chem ɓu̱ Masiya tu̱k.

Galatiyeku 3:29

Yang mbu̱ tun ɓu̱ Masiya, tun wa kha ma pooni ɓu̱ Yibram, tun ka gwa ɗye mbu̱ ge ɓu̱ Magham viɗ ɗyine alqawarang.

Galatiyeku 5:24

Nduki ɓu̱ Masiya Yesu wa katl ɗye shirku ɓu̱ me manva gha su̱yen ndu̱ ɗyi malkandiku zum zum nu̱ke manva a shimndan.

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.