1 Korintiyeku 3:18 - Mewar Alqawarang

¹⁸ Ku̱ aaki lamba ɗyinan ɓa. Mbu̱ nduk wa taman za chin ghu̱rtan leendang, ku̱ gaɓ ndu̱ ɗyinan wa nggu̱bu̱ng ma ku̱ kha ghu̱rtan.

1 Korintiyeku 3:18 ပူးပေါင်းရင်းမြစ်များ

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 18:4

Ku̱me nang aaki kataki ɗyinan nu̱ gha, wa woi koɗommandi nang, chin dukki gwaari mbu̱ kwaaɗar viɗi.

Markus 10:15

Ngaa zu̱ zhire ye nu, kap njif nu̱ke nu̱ dlu̱ kwaaɗar ɓu̱ Magham wa qusonggi pichichindi ɓa ɓu̱ vi nu̱ mban ɓa.”

Luka 18:17

Zhire nga zu̱ran ye nu, kap njif nu̱ke nu̱ vu̱r ɗyinan tu̱ dlu̱ kwaaɗar ɓu̱ Magham wa woi koɗomma ɓa, sar da ɓu̱ vi nu̱ mbu̱ kwaaɗarang ɓa.”

Luka 21:8

Tu̱ Yesu tlogha ye wor za, “Ku̱r ma va nu, ku̱me ku̱ nduk lamba nu ɓa. Nduki khang ka ɗa ɓa ku mbu̱ dlu̱ma a zu̱ran ku za, ‘Wor ke nga,’ yang, ‘Sarchi wa shi bing.’ Sar da mbu nu wor ɓa.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 12:16

Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

1 Korintiyeku 15:33

Ku̱ nduk lamba nu ɓa! “Khar ndu̱ nu̱ mu̱narku wa ka sa nduk mbarkandi tu̱ gaɓ ma nduk malkandi.”

1 Korintiyeku 3:17

Aaki su̱bu̱rki rafti ɓu̱ Magham nu̱gha, Magham ka su̱bu̱rti nda nu̱ gha, ku̱me rafti ɓu̱ Magham shakhshakh, yang tun ke rafti ɓaranang.

1 Korintiyeku 4:10

Chem wa kha ma nggu̱bu̱ngku ku̱me Masiya, yang ɓaanu tun ghu̱rtan mbe Masiya! Chem khukhutan, yang ɓaanu tun shokhku̱rokh! Nduki a na zhaaji ɓaanu, yang ɓaarem a vu̱rkya bonye yerem!

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

Galatiyeku 6:3

Mbu̱ nduk a da varan za chin ɗyi ngguri, yang ɗya aa nu̱m ɓa, a lambakya varan.

Galatiyeku 6:7

Ku̱ lamba nu ɗyinonu ɓa, nduk nu̱ ka shi me ghu̱m ye Magham ɓa. Ɗyi nu̱ nduk kaɓki kap, ka ku̱mkya ba chin.

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.

Yaqub 1:22

Ku̱ lamba nu ɗyinonu za tun a tu̱k ɓalar ɓu̱ Magham ɗyenda ɓa, shi ma ɗyi nu ɓalar ɓaranang zu̱ki ye nu.

Yaqub 1:26

Mbu̱ nduka tamandan za chin nu̱ ghaari ghai maɗyi, yang nu̱ka ku̱s men ɓa, a lambakya ɗyinan, ghaari ghai ɓaran wa kha bam.

1 Yokhana 1:8

Mbu̱ chem wa zu̱ nyem za sola ve rem ɓa, chem a lambakya ɗyinerem, yang zhire mbe rem ɓa.